09th Jul2019

ຍືດຢາບ້າໄດ້ 40 ມັດ ພ້ອມຕ້ອງຫາອີກ 3 ຄົນ

by somchan

ຕາມການລາຍງານຂອງເຈົ້າໜ້າທີ່ຕຳຫຼວດ ສະກັດກັ້ນແລະຕ້ານຢາເສບຕິດ ປກສ ແຂວງຈຳປາສັກໃຫ້ຮູ້ວ່າ: ເມື່ອບໍ່ດົນມານີ້ ເຈົ້າໜ້າທີ່ຕຳຫຼວດສາມາດ ມ້າງຄະດີຄ້າ-ຂາຍຢາເສບຕິດໄດ້ 1 ລາຍ ຢູ່ເຂດບ້ານຄັນແຍງ ເມືອງໂພນທອງ ແຂວງຈຳປາສັກ ພ້ອມຍືດຢາບ້າໄດ້ 40 ມັດ ເທົ່າກັບ 80 ພັນເມັດ ແລະ ກັກຕົວຕ້ອງຫາໄດ້ 3 ຄົນຄື: ທ້າວ ສຸລິຍົງ ອາຍຸ 24 ປີ ຢູ່ບ້ານໂພນຄຳ ເມືອງສີໂຄດຕະບອງ, ນາງ ອະທີນນາ ອາຍຸ 21 ປີ ຢູ່ ບ້ານດົງປ່າລານ ເມືອງສີສັດຕະນາກ ແລະ ທ້າວ ນຸຍ ອາຍຸ 19 ປີ ຢູ່ບ້ານໂພນມ່ວງ ເມືອງແກ້ວອຸດົມ ແຂວງວຽງຈັນ

ຜ່ານການສືບສວນ-ສອບສວນ ທັງ 3 ຮັບສາລະພາບວ່າ: ຢາບ້າຈຳນວນດັ່ງກ່າວແມ່ນຂອງຜູ້ກ່ຽວແທ້ ເຊີ່ງໄດ້ຮ່ວມກັນຄ້າ-ຂາຍມາແລ້ວຫຼາຍຄັ້ງ ປະຈຸບັນເຈົ້າໜ້າທີຕຳຫຼວດ ພ້ອມດຳເນີນຄະດີຕາມລະບຽບກົດໝາຍ.

Off

Comments are closed.