21st Nov2017

ຄວາມພ້ອມຂອງອານຸກຳມະການສິນລະປະ ແລະ ສື່ມວນຊົນ.

by somchan

ໃນວັນທີ 20 ພະຈິກ 2017 ນີ້ ທ່ານພັອ ອຸ່ນຫຼ້າ ວົງພະຈັນ ຮອງກົມໃຫຍ່ການເມືອງປ້ອງກັນ ຄວາມສະຫງົບ ຫົວໜ້າອານຸກຳມະການສິນລະປະ ແລະ ສື່ມວນຊົນ ພ້ອມຄະນະໄດ້ຊີ້ນຳສື່ມວນຊົນ ທີ່ຮັບໃຊ້ກອງປະຊຸມຫົວໜ້າກົມຕຳຫຼວດກວດ ຄົນເຂົ້າ-ອອກເມືອງ ແລະ ຫົວໜ້າພະແນກ ກົງສູນກະຊວງການຕ່າງປະເທດອາຊຽນ ຄັ້ງທີ 21, ກອງປະຊຸມສືບຂ່າວ ຕມ ອາຊຽນ ຄັ້ງທີ 13 ເຊິ່ງຈັດຂຶ້ນທີ່ໂຮງແຮມແລນມາກ ແມ່ຂອງ ລີເວີໄຊ ນະຄອນຫຼວງວຽງຈັນ ສປປ ລາວ ໃນລະຫວ່າງວັນທີ 20-25 ພະຈິກ2017 ນີ້ ໃນໂອກາດທີ່ລົງຊີ້ນຳທ່ານຫົວໜ້າອານຸກຳມະການສິນລະປະ ແລະ ສື່ມວນຊົນ ໄດ້ເນັ້ນໜັກໃຫ້ສື່ມວນຊົນປ້ອງກັນຄວາມສະຫງົບຫຼາຍບັນຫາ ເປັນຕົ້ນແມ່ນໃຫ້ສຸມໃສ່ປະຕິບັດໜ້າທີ່ດ້ວຍຄວາມຮັບຜິດຊອບສູງ ພ້ອມກັນນັ້ນກໍ່ເອົາໃຈໃສ່ໃນການປະສານງານ ກັບບັນດາກົມກອງທີ່ກ່ຽວຂ້ອງ, ກຽມພ້ອມບັນດາອຸປະກອນທີ່ຮັບໃຊ້ໃຫ້ແກ່ວຽກງານ, ບັນດາຂໍ້ມູນໃນການອອກຂ່າວ ຕ້ອງຖືກຕ້ອງຊັດເຈນ ແລະ ວ່ອງໄວ, ຮັບປະກັນສະໜອງຂໍ້ມູນຂ່າວສານ ໃຫ້ມີປະສິດທິຜົນ ແລະ ສຳເລັດໜ້າທີ່ຕາມການມອບໝາຍ; ພ້ອມດຽວກັນນີ້ ຫົວໜ້າອານຸກຳມະການສິລະປະ ແລະ ສື່ມວນຊົນ ຍັງໄດ້ກວດກາສະຖານທີ່ຈັດກອງປະຊຸມ ເພື່ອຈັດອຸປະກອນໃນການສະແດງສິລະປະ ແລະ ຖ່າຍທຳຂອງສື່ມວນຊົນ.

Off

Comments are closed.