03rd Apr2019

ການນຳກະຊວງ ປກສ ເຂົ້າອວຍພອນ ພະນັກງານອາວຸໂສບຳນານ ແລະ ຮັບການອວຍພອນ ຈາກພາກສ່ວນຕ່າງໆ

by somchan

ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫົງບ ພ້ອມຄະນະ ໄດ້ເຂົ້າອວຍພອນ ພົອ ສີສະຫວາດ ແກ້ວບຸນພັນ ອາດີດ ນາຍົກລັດຖະມົນຕີ, ອາດີດລັດຖະມົນຕີກະຊວງ ປກສ. ໃນວັນທີ່ 2 ເມສານີ້, ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫົງບ ຄົບຮອບ 58 ປີ, ໂອກາດດັ່ງກ່າວ ພົທ ວິໄລ ຫຼ້າຄຳຟອງ ໄດ້ກ່າວອວຍພອນ ແລະສະແດງ ຄວາມຮູ້ບຸນຄຸນທີ່ທ່ານໄດ້ກໍ່ສ້າງຊີ້ນຳ-ນຳພາກຳລັງປ້ອງກັນຄວາມສະຫົງບໃນໄລຍະຜ່ານມາ ເຮັດໃຫ້ກຳລັງປ້ອງກັນຄວາມສະຫົງບມີຄວາມເຕີບໃຫຍ່ຂະຫຍາຍຕົວຕະຫຼອດມາ, ໂອກາດນີ້ ພົອ ສີສະຫວາດ ແກ້ວບຸນພັນ ໄດ້ສະແດງຄວາມຂອບໃຈຕໍ່ການນຳກະຊວງປ້ອງກັນຄວາມສະຫົງບທີ່ໄດ້ມາອວຍພອນ ທ່ານຍັງອວຍພອນໃຫ້ຄະນະນຳກະຊວງຕະຫຼອດຮອດພະນັກງານ-ນັກຮົບທົ່ວກຳລັງປກສ ຈົ່ງມີສຸຂະພາບເຂັ້ມແຂງ ສືບຕໍ່ຊີ້ນຳກຳລັງປກສ ໃນການປະຕິບັດໜ້າທີ່ວິຊາສະເພາະ ເປັນຕົ້ນແມ່ນການຮັກສາຄວາມສະຫົງບ, ຄວາມເປັນລະບຽບຮຽບຮ້ອຍໃນສັງຄົມ ແລະ ໃນວັນດຽວກັັນ ການນຳກະຊວງ ປກສ ເຊີ່ງນຳໂດຍ ພົທ ວິໄລ ຫຼ້າຄຳຟອງ ລມຕ ກະຊວງປກສ ພ້ອມຄະນະກໍ່ໄດ້ເຂົ້າອວຍພອນ ທ່ານ ອາຊ່າງ ລາວລີ ອາດີດຮອງນາຍົກລັດຖະມົນຕີ, ອາດີດລັດຖະມົນຕີກະຊວງປ້ອງກັນຄວາມສະຫົງບ, ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫົງບ ຄົບຮອບ 58 ປີ ອີກດ້ວຍ.

ໂອກາດດຽວກັນນີ້

 

ການນຳກະຊວງປ້ອງກັນຄວາມສະຫົງບ ຮັບການອວຍພອນຈາກພາກສ່ວນຕ່າງໆ, ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫົງບ ຄົບຮອບ 58 ປີ, ໃນວັນທີ່ 2 ເມສານີ້ ເຊີ່ງຕາງໜ້າຮັບການອວຍພອນຂອງ ພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງປ້ອງກັນຄວາມສະຫົງບ ພ້ອມຄະນະ , ພາກສ່ວນທີ່ເຂົ້າອວຍພອນໃນຄັ້ງນີ້ມີ ສູນກາງສະຫະພັນແມ່ຍິງລາວ ນຳໂດຍ ທ່ານ ນາງ ອິນລາວັນ ແກ້ວບຸນພັນ ປະທານຄະນະບໍລິຫານງານສູນກາງສະຫະພັນແມ່ຍິງລາວ, ສູນກາງຊາວໜຸ່ມ ປະຊາຊົນປະຕິວັດລາວ ນຳໂດຍ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ແລະ ອົງການກາແດງລາວນຳໂດຍ ຮອງ ສຈ ດຣ ສິງ ເມໂນລາດ ຮອງປະທານອົງການກາແດງລາວ.

ທັງສາມຄະນະໄດ້ອວຍພອນ ການນຳກະຊວງ ຕະຫຼອດຮອດພະນັກງານ-ນັກຮົບທົ່ວກຳລັງປ້ອງກັນຄວາມສະຫົງບ ຈົ່ງມີສຸຂະພາບເຂັ້ມແຂງ, ສືບຕໍ່ປະຕິບັດໜ້າທີ່ຮັກສາຄວາມສະຫົງບຄວາມເປັນລະບຽບຮຽບຂອງສັງຄົມ, ໂອກາດນີ້ ພົຕ ສິນທະວົງ ໄຊຍະກອນ ໄດ້ຕາງໜ້າການນຳກະຊວງກໍ່ຄືພະນັກງານ-ນັກຮົບ ສະແດງຄວາມຂອບໃຈຕໍ່ສາມຄະນະທີ່ເຂົ້າອວຍພອນໃນຄັ້ງນີ້.

 

Off

Comments are closed.