15th Feb2018

ການແຕ່ງຕັ້ງຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດຂັ້ນກະຊວງ ປກສ

by somchan

ກະຊວງປ້ອງກັນຄວາມສະຫງົບ ໄດ້ປະກາດການ ແຕ່ງຕັ້ງຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດຂັ້ນກະຊວງ ປກສ. ໃນວັນທີ 14 ກຸມພາ 2018 ນີ້ ໂດຍການເຂົ້າຮ່ວມຂອງ ພົນຕີ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ແລະ ທ່ານ ກຸຈັນ ສີນາ ປະທານຄະນະກຳມະການແຫ່ງຊາດ ເພື່ອກວດກາ ແລະ ຄວບຄຸມຢາເສບຕິດ, ພ້ອມດ້ວຍຄະນະບັນຊາ ຈາກບັນດາກົມໃຫຍ່ ແລະ ກົມກອງອ້ອມຂ້າງກະຊວງ ປກສ ເຂົ້າຮ່ວມ.

ພັນເອກ ຄຳກິ່ງ ຜຸຍຫຼ້າມະນີວົງ ຮອງຫົວໜ້າກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຂອງລັດຖະມົນກະຊວງ ປກສ ວ່າດ້ວຍການແຕ່ງຕັ້ງຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດຂັ້ນກະຊວງ ປກສ. ໃນນີ້, ໄດ້ແຕ່ງຕັ້ງ ພົນຕີ ປອ ສົມຫວັງ ທຳມະສິດ ເປັນຫົວໜ້າຄະນະຊີ້ນຳ, ພົຈວ ປອ ທອງເຫຼັກ ມັງໜໍ່ເມກ ເປັນຮອງ, ພັອ ອ່ອນຜິວ ໂຄ້ງວຽງທອງ ແລະ ພັອ ຄຳແພງ ໄຊຍະລາດ ເປັນຄະນະ ແລະ ຜ່ານຂໍ້ຕົກລົງຂອງລັດຖະມົນຕີກະຊວງ ປກສ ວ່າດ້ວຍການແຕ່ງຕັ້ງຄະນະຊີ້ນຳສະພາບໍລິຫານກອງທຶນ ແລະ ຄວບຄຸມຢາເສບຕິດຄື: ແຕ່ງຕັ້ງ ພົຈວ ປອ ທອງເຫຼັກ ມັງໜໍ່ເມກ ເປັນຫົວໜ້າຄະນະຊີ້ນຳ, ພັນເອກ ອ່ອນຜິວ ໂຄ້ງວຽງທອງ ເປັນຮອງ, ພັອ ຄຳແພງ ໄຊຍະລາດ ແລະ ພັທ ໜູຈອນ ກ້ອນທອງດຳ ເປັນຄະນະ.

ພ້ອມດຽວກັນນີ້, ຍັງໄດ້ຈັດຕັ້ງເຊັນບົດບັນທຶກມອບ-ຮັບ ໜ້າທີ່ລະຫວ່າງ ພົຕ ປອ ສົມຫວັງ ທຳມະສິດ ຮອງລັດຖະມົນຕີກະຊວງ ປກສ, ຫົວໜ້າຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດຂັ້ນກະຊວງ ປກສ ແລະ ທ່ານກຸຈັນ ສີນາ ປະທານຄະນະກຳມະການແຫ່ງຊາດ ເພື່ອກວດກາ ແລະ ຄວບຄຸມຢາເສບຕິດ ທັງນີ້ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນປັດຈຸບັນ, ສະເພາະໜ້າ ແລະ ຍາວນານ ກໍ່ຄືການຈັດຕັ້ງປະຕິບັດຕາມຂໍ້ຕົກລົງຂອງລັດຖະມົນຕີ ວ່າດ້ວຍການສັບຊ້ອນບາງວຽງການຂອງລັດຖະບານ ຄືການສັບຊ້ອນຄະນະກຳມະການແຫ່ງຊາດ ເພື່ອກວດກາ ແລະ ຄວບຄຸມຢາເສບຕິດ ໃຫ້ຂຶ້ນກັບກະຊວງ ປກສ.

 

Off

Comments are closed.