19th Mar2019

ກົມຈັດຕັ້ງພະນັກງານ ຈັດກອງປະຊຸມ ຄົ້ນຄວ້າກຳນົດພະນັກງານນຳພາ-ບັນຊາ

by somchan

ກົມຈັດຕັ້ງພະນັກງານໄດ້ຈັດກອງປະຊຸມການສ້າງແຜນກຳນົດພະນັກງານນຳພາ-ບັນຊາ ຂັ້ນກົມໃຫ່ຍການເມືອງປ້ອງກັນຄວາມສະຫງົບຄຸ້ມຄອງ ໃນວັນທີ 19 ມີນາ ນີ້ ພາຍໃຕ້ການເປັນປະທານຂອງ ພົຈວ ຄຳກິ່ງ ຜຸຍຫຼ້າມະນີວົງ ຮອງຫົວໜ້າກົມໃຫ່ຍການເມືອງ, ຫົວໜ້າກົມຈັດຕັ້ງພະນັກງານ, ເປັນກຽດເຂົ້າຮ່ວມຂອງ ພົຈວ ອາລູ ວາລືຊື່ ຫົວໜ້າກົມໃຫ່ຍການເມືອງ ປກສ, ມີຄະນະພັກບັນດາກົມກອງອ້ອມຂ້າງ ແລະ ພະນັກງານຫຼັກແຫຼ່ງເຂົ້າຮ່ວມ.

ພົຈວ ຄຳກິ່ງ ຜຸຍຫຼ້າມະນີວົງ ໄດ້ກ່າວວ່າ: ໂດຍສືບຕໍ່ຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ່ X ຂອງພັກ ກ່ຽວກັບການປ່ຽນແປງໃໝ່ວຽກງານພະນັກງານເວົ້າລວມ, ເວົ້າສະເພາະແມ່ນການຜັນຂະຫຍາຍມະຕິວ່າດ້ວຍວຽກງານສ້າງແຜນກຳນົດພະນັກງານນຳພາ-ຄຸ້ມຄອງ ເພື່ອຊອກໃຫ້ເຫັນ, ບຳລຸງສ້າງ, ຈັດວາງ, ຊັບຊ້ອນ ແລະ ນຳໃຊ້ຜູ້ທີ່ມີຄວາມຮູ້, ຄວາມສາມາດ,ຄົບມາດຖານ-ເງື່ອນໄຂຢູ່ຕຳແໜ່ງງານຂັ້ນນຳພາ-ບັນຊາຕາມເປົ້າໝາຍແຜນການໄລຍະຍາວ, ດັ່ງນັ້ນວຽກສ້າງແຜນກຳນົດພະນັກງານຈຶ່ງເປັນໜ້າທີ່ຄວາມຮັບຜິດຊອບໂດຍກົງ, ເປັນວຽກປົກກະຕິໃນຊີວິດການເມືອງຂອງຄະນະພັກແຕ່ລະຂັ້ນ, ສຳລັບການສ້າງແຜນກຳນົດພະນັກງານນຳພາ-ບັນຊາຂັ້ນກົມໃຫ່ຍຄຸ້ມຄອງຂອງກົມຈັດຕັ້ງພະນັກງານໃນຄັ້ງນີ້, ໄດ້ມີການແຕ່ງຕັ້ງຄະນະຮັບຜິດຊອບຊີ້ນຳ ແລະ ອະນຸກຳມະການຊ່ວຍວຽກເພື່ອເຮັດໜ້າທີ່ໃນການກະກຽມດ້ານຕ່າງໆ ບົນພື້ນຖານການປະສານສົມທົບກັບຄະນະຫ້ອງການເມືອງແນ່ໃສ່ໃຫ້ກອງປະຊຸມສ້າງແຜນກຳນົດພະນັກງານໃນຄັ້ງນີ້ ດຳເນີນໄປຖືກຕ້ອງຕາມທີດນຳ, ຄາດໝາຍ ແລະ ຮັບປະກັນດ້ານເນື້ອໃນທີ່ໄດ້ກຳນົດໃນມະຕິ ແລະ ຄຳສັ່ງ ແລະ ໄດ້ມີການປ່ອນບັດທາບທາມ3 ຮອບ ເພື່ອຄັດເລືອກໃຫ້ໄດ້ເປົ້າໝາຍຕາມມາດຖານເງື່ອນໄຂ.

Off

Comments are closed.