14th Feb2020

ກົມຊື່ສານ ກະຊວງ ປກສ ປະກາດແຕ່ງຕັ້ງ ເລຂາຄະນະພັກຮາກຖານ ແລະ ຮັກສາການຫົວໜ້າກົມຊື່ສານ

by somchan

ກົມຊື່ສານ ກະຊວງ ປກສ ໄດ້ຈັດພິທີປະກາດແຕ່ງຕັ້ງ ເລຂາຄະນະພັກຮາກຖານ ແລະ ຮັກສາການຫົວໜ້າກົມ ສື່ສານ ໃນວັນທີ 14 ກຸມພາ 2020 ນີ້ ເປັນກຽດເຂົ້າຮ່ວມຂອງ ພົຕ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ມີຄະນະພັກ,ຄະນະກົມ ພ້ອມດ້ວຍພະນັກງານນັກຮົບເຂົ້າຮ່ວມ.

ພັທ ຄຳພອນ ແສງສາລີຈັນ ຮອງຫົວໜ້າກົມຈັດຕັ້ງ ພະນັກງານກົມໃຫ່ຍການເມືອງ ກະຊວງ ປກສ ໄດ້ຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການບົ່ງຕົວແຕ່ງຕັ້ງ ພັອ ແສງປະເສີດ ສຸທິມະວົງ ເປັນເລຂາຄະນະພັກຮາກຖານແລະຮັກສາການ ຫົວໜ້າກົມຊື່ສານ ກະຊວງປ້ອງກັນຄວາມສະຫງົບ

ໂອກາດນີ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານຂອງຄະນະພັກ, ຄະນະບັນຊາໃນໄລຍະຜ່ານມາ, ພ້ອມທັງໄດ້ເນັ້ນໜັກ ແລະ ໃຫ້ທິດຊີ້ນຳແກ່ຄະນະພັກ, ຄະນະບັນຊາຊຸດໃໝ່, ຈົ່ງເພີມທະວີສືບຕໍ່ເອົາໃຈໃສ່ຊີ້ນຳ,ນຳພາ ພະນັກງານນັກຮົບແຕ່ລະຂັ້ນ ໃຫ້ມີແນວຄິດທາງດ້ານການເມືອງໜັກແໜ້ນ, ມີທັດສະນະຄຸນສົມບັດສີນທຳປະຕິວັດ, ມີລະບຽບວິໄນທີເຂັ້ມງວດ, ສືບຕໍ່ເອົາໃຈໃສ່ເຮັດວຽກງານວິຊາສະເພາະທີການຈັດຕັ້ງກໍ່ຄືຂັ້ນເທີງມອບໝາຍໃຫ້ດ້ວຍຄວາມຮັບຜິດຊອບສູງ ແລະ ມີຜົນສຳເລັດຕາມຄາດໝາຍ, ຂ່າວຍັງໃຫ້ຮູ້ຕື່ມວ່າ:

ລັດວິສະຫະກິດບໍລິການຄວາມປອດໄພ ກະຊວງ ປກສ ໄດ້ແຕ່ຕັ້ງອຳນວຍການຄົນໃໝ່ ໃນວັນທີ 14 ກຸມພາ 2020, ໂດຍການເປັນກຽດເຂົ້າຮ່ວມຂອງ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງ ປ້ອງກັນຄວາມສະຫງົບ, ພັອ ບຸນຮຸ່ງ ມະຫາໄຊ ອະດີດຜູ້ອຳນວຍການລັດວິສາຫະກິດ ບໍລິການ ຄວາມປອດໄພ, ມີບັນດາຄະນະພັກ-ຄະນະອຳນວຍ, ພະແນກ, ພະນັກງານວິຊາການ ແລະ ແຂກຖືກເຊີນ ເຂົ້າຮ່ວມ.

ພັທ ຄຳພອນ ແສງສາລີຈັນ ຮອງຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຜ່ານຂໍ້ຕົກລົງ ຂອງ ລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງ ອຳນວຍການລັດວິສາຫະກິດ ບໍລິການ ຄວາມປອດໄພ ໃນນີ້, ໄດ້ແຕ່ງຕັ້ງ ພັທ ວົງຄຳ ມັງຄະເສີມ ເປັນອຳນວຍການ ລັດວິສາຫະກິດ ບໍລິການ ຄວາມປອດໄພ ( ຜູ້ໃໝ່ ). ທັງນີ້, ກໍ່ເພື່ອເປັນການປັບປຸງກົງຈັກການຈັດຕັ້ງ ຂອງລັດວິສາຫະກິດ ບໍລິການ ຄວາມປອດໄພ ໃຫ້ມີຄວາມສອດຄ່ອງກັບການຊີ້ນຳ, ບັນຊາໃນການເຄື່ອນໄຫວດຳເນີນທຸລະກິດໃຫ້ມີຄວາມເຂັ້ມແຂງທາງດ້ານການຈັດຕັ້ງ, ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານສອດຄ່ອງກັບສະພາບຕົວຈິງ ເພື່ອເຮັດສໍາເລັດໜ້າທີ່ການຈັດຕັ້ງຂັ້ນເທິງມອບໝາຍໃຫ້.

ໃນໂອກາດດັ່ງກ່າວ, ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງ ປ້ອງກັນຄວາມສະຫງົບ ກໍ່ໄດ້ໃຫ້ກຽດໂອ້ລົມ ເຊິ່ງທ່ານໄດ້ເນັ້ນໜັກໃຫ້ຜູ້ໄດ້ຮັບໜ້າທີ່ໃໝ່ ຈົ່ງຍົກສູງບົດບາດການຊີ້ນຳ-ນຳພາ ປັບປຸງແບບແຜນວິທີເຮັດວຽກ ແລະ ແບ່ງຄວາມຮັບຜິດຊອບຕາມໜ້າທີ່ຂອງແຕ່ລະບຸກຄົນ, ພ້ອມທັງ ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານມີຄວາມໜັກແໜ້ນເຂັ້ມແຂງ, ມີຄວາມສາມັກຄີແໜ້ນແຟ້ນ, ມີຄວາມບຸກບືນຫ້າວຫັນໃນການປະຕິບັດໜ້າທີ່ວຽກງານທີ່ໄດ້ຮັບມອບໝາຍໃຫ້ດີຂຶ້ນກວ່າເກົ່າ ແລະ ເອົາໃຈໃສ່ຢ່າງຕັ້ງໜ້າໃນການຊີ້ນຳ-ນຳພາ ພະນັກງານຈັດຕັ້ງປະຕິບັດວຽກງານວິຊາສະເພາະຕາມໜ້າທີ່ຮັບຜິດຊອບໃຫ້ສຳເລັດ, ເຮັດໃຫ້ວຽກງານບໍລິການຄວາມປອດໄພ ມີຄວາມເຕີບໃຫຍ່ ເຂັ້ມແຂງ, ເຮັດໃຫ້ລູກຄ້າຜູ້ທີ່ໃຊ້ບໍລິການມີຄວາມເຊື່ອໝັ້ນ ແລະ ມີຄວາມເພີ່ງພໍໃຈມີຜູ້ໃຊ້ບໍລິການນັບມື້ນັບຫຼາຍຂຶ້ນເລື້ອຍໆ.

 

 

 

 

 

Comments are closed.