29th Apr2019

ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ຢຶດຢາເສບຕິດ ປະເພດຢາໄອສ໌ 7,77 ກິໂລກຣາມ.

by somchan

ໃນວັນທີ 22 ເມສາ 2019 ນີ້ ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ໄດ້ຮັບລາຍງານຈາກບໍລິສັດຂົນສົ່ງສິນຄ້າແຫ່ງໜຶ່ງວ່າ: ມີວັດຖຸຕ້ອງສົງໃສຢູ່ໃນແກັດເຄື່ອງທີ່ຈະຝາກອອກໄປຕ່າງປະເທດ ຫຼັງຈາກຜ່ານເຄື່ອງສະແກນເນີ່ ແລະ ໄດ້ກວດຄົ້ນເບິ່ງທາງໃນ ພົບວ່າມີຢາເສບຕິດປະເພດຢາໄອສ໌ ຈຳນວນ 3,5 ກິໂລກຣາມ.

ດັ່ງນັ້ນເຈົ້າໜ້າທີ່ຈຶ່ງໄດ້ພົວພັນຫາເຈົ້າຂອງເຄື່ອງດັ່ງກ່າວ ແລະ ກັກຕົວໄວ້ ຊື່ເຈົ້າຂອງເຄື່ອງ ນາງ ດາລີ ຖານະສຸກ ອາຍຸ 21 ປີ, ອາຊີບ ຄ້າ-ຂາຍ, ເຊື້ອຊາດ ແລະ ສັນຊາດລາວ, ບ້ານຢູ່ປະຈຸບັນ ບ້ານໂພນປາເປົ້າ, ເມືອງ ສີສັດຕະນາກ, ນະຄອນຫຼວງວຽງຈັນ

ພາຍຫຼັງເຈົ້າໜ້າທີ່ໄດ້ດຳເນີນການສືບສວນ-ສອບສວນເບື້ອງຕົ້ນສາມາດສືບຮູ້ໄດ້ວ່າ: ເຄື່ອງຝາກດັ່ງກ່າວແມ່ນໄດ້ມາຈາກຄົນຕ່າງປະເທດ ທີ່ພັກເຊົາຢູ່ເຮືອນຫຼັງໜຶ່ງເຊິ່ງເປັນເຮືອນເຊົ່າ ຢູ່ເຂດບ້ານ ສະພັງໝໍ້, ເມືອງໄຊເສດຖາ, ນະຄອນຫຼວງວຽງຈັນ, ຈາກນັ້ນ ເຈົ້າໜ້າທີ່ຕຳຫຼວດໄດ້ເຂົ້າປິດລ້ອມຈັບກຸມເປົ້າໝາຍພ້ອມທັງກວດຄົ້ນເຮືອນຫຼັງດັ່ງກ່າວ ສາມາດຢຶດຢາໄອສ໌ ຕື່ມອີກ ​4,270 ກິໂລກຣາມ ລວມເປັນ 7,77 ກິໂລກຣາມ, ໂທລະສັບ 05 ໜ່ວຍ, ເງິນໂດລາ 19.700 ໂດລາ ( ສິບເກົ້າພັນເຈັດຮ້ອຍໂດລາ ) ພ້ອມກັກໂຕຜູ້ຖືກຫາໄດ້ 02 ຄົນຄື: ທ້າວ ເຄີຣີ່ ເຟຣນ ອາຍຸ 34 ປີ, ເຊື້ອຊາດ ແລະ ສັນຊາດໄນຈີເລຍ, ບ້ານເກີດ  ອານາມບຣາ,ເມືອງ ອາເບເສນ, ທ້າວ ອີເມີນິເກໂມ ໂມເຊັດ ອາຍຸ 47 ປີ, ເຊື້ອຊາດອຸເດກັນ, ສັນຊາດໄນຈີເລຍ, ບ້ານເກີດໂອກິດເວດ, ແຂວງ ອາສະບາ, ປະຈຸບັນທັງສອງເຊົາເຮືອນຢູ່ ເຂດບ້ານສະພັງໝໍ້, ເມືອງໄຊເສດຖາ, ນະຄອນຫຼວງວຽງຈັນ.

 

ຜ່ານການສືບສວນ-ສອບ​ສວນ ຂອງ​ເຈົ້າ​ໜ້າ​ທີ່​ ຜູ້ຖືກຫາ​ທັງ 03 ຄົນ ​ໄດ້​ໃຫ້ການ​ສາລະພາບ​ວ່າ​ຢາ​ໄອສ໌ ​ຈຳນວນ 7.77 ກິ​ໂລກຣາມ  ທີ່ຍຶດໄດ້ນັ້ນ​ແມ່ນ​ຂອງ​ພວກ​ກ່ຽວແທ້, ປະຈຸ​ບັນເຈົ້າໜ້າທີ່ກຳລັງປະກອບເອກະສານ ເພື່ອສົ່ງຟອງໃຫ້ສານຕັດສິນ ຕາມກົດໝາຍ.

Off

Comments are closed.