19th Feb2018

ກົມຕຳຫຼວດສືບສວນ-ສອບສວນ ກົມໃຫຍ່ຕຳຫຼວດ ກະຊວງ ປກສ ຈັດກອງປະຊຸມສະຫຼຸບວຽກງານປະຈຳປີ 2017

by somchan

ກົມຕຳຫຼວດສືບສວນ-ສອບສວນ ກົມໃຫຍ່ຕຳຫຼວດ ກະຊວງ ປກສ ໄດ້ຈັດກອງປະຊຸມສະຫຼຸບວຽກງານ ປະຈຳປີ 2017 ແລະ ທິດທາງແຜນການປີ 2018. ໃນວັນທີ 15 ກຸມພາ 2018 ໂດຍການເປັນປະທານ ຂອງພັອ ຄຳຜອງ ວິຈິດ ຫົວໜ້າກົມຕຳຫຼວດ ສືບສວນ-ສອບສວນ, ມີພະນັກງານຫຼັກແຫຼ່ງ ແລະ ພະນັກງານ-ນັກຮົບເຂົ້າຮ່ວມ.

ພັທ ປອ ຄຳພັນ ຈັນທະວີສຸກ ຮອງຫົວໜ້າກົມຕຳຫຼວດສືບສວນ-ສອບສວນ ໄດ້ສະຫຼຸບການເຄື່ອນໄຫວວຽກງານໃນ 1 ປີ ຜ່ານມາ, ຄະນະພັກ-ຄະນະບັນຊາໄດ້ຕັ້ງໜ້ານຳພາສຶກສາອົບຮົມການເມືອງແນວຄິດ ໃຫ້ສະມາຊິກພັກ, ພະນັກງານ-ນັກຮົບເຊື່ອມຊືມ, ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ຕິດພັນກັບການຈັດຕັ້ງປະຕິບັດວຽກງານວິຊາສະເພາະ ສະແດງອອກໃນໜຶ່ງປີຜ່ານມາ ໄດ້ສົມທົບກັບຕ່າງແຂວງແກ້ໄຂຄະດີຢູ່ 5 ແຂວງ, ເຮັດບົດສະຫຼຸບລາຍງານຂັ້ນເທິງ 250 ສະບັບ, ສອບສວນຜູ້ຖືກຫາ 672 ຄັ້ງ, ສົ່ງໝາຍຮຽກ 599 ສະບັບ, ຮັບແຈ້ງຄວາມ 22 ຄັ້ງ, ສົມທົບກັບຕ່າງແຂວງໄລ່ຊອກ-ໄລ່ຈັບຕາມຄຳສັ່ງຂອງອົງການໄອຍະການ 25 ຄັ້ງ, ເຮັດບົດບັນທຶກລາຍງານຄະດີ 161 ຄັ້ງ, ປະສານສົມທົບກັບພາກສ່ວນກ່ຽວຂ້ອງ 1,144 ຄັ້ງ,​ຈັບຕົວ ແລະ ຕິດຕາມເປົ້າໝາຍ 206 ຄັ້ງ ແລະອື່ນໆ. ນອກຈາກນີ້້ຍັງໄດ້ເອົາໃຈໃສ່ຄຸ້ມຄອງຜູ້ຖືກຫາ-ນັກໂທດ ໃຫ້ມີຄວາມສະຫງົບປອດໄພ 100%, ຈັດຕັ້ງປະຈຳການຕະຫຼວດ 24 ຊົ່ວໂມງ, ຈັດຕັ້ງສຶກສາອົບຮົມແນວຄິດໃຫ້ຜູ້ຖືກຫາ-ນັກໂທດມີແນວຄິດຫັນປ່ຽນ.

ປີ 2017 ທົ່ວປະເທດມີຄະດີອາຍາເກີດຂຶ້ນ 1,446 ລາຍ, ຜູ້ກະທຳຜິດ 1,151 ຄົນ, ມ້າງໄດ້ 976 ລາຍ, ຜູ້ກະທຳຜິດ 1,151 ຄົນ, ຜົນເສຍຫາຍມີລົດຈັກ 342 ຄັນ, ລົດໃຫຍ່ 1 ຄັນ, ເງິນ 101 ຕື້ກວ່າກີບ, ເງິນບາດ 1 ລ້ານບາດ, ເງິນໂດລາ 8 ໝຶ່ນກວ່າໂດລາ, ຄຳ 245 ບາດ, ຄົນເສຍຊີວິດ 63 ຄົນ ແລະອື່ນໆ. ໃນນີ້, ເຈົ້າໜ້າທີ່ສາມາດມາດເກັບກູ້ຄືນໄດ້ມີ ລົດຈັກ 111 ຄັນ,​ ຄຳ 23 ບາດ, ເງິນ 100 ລ້ານກວ່າກີບ, ເງິນໂດລາ 9,000 ໂດລາ ແລະອື່ນໆ. ພ້ອມດຽວກັນນີ້, ໃນກອງປະຊຸມຍັງໄດ້ຜ່ານຄຳສັ່ງຂອງລັດຖະມົນຕີກະຊວງປ້ອງກັນຄວາມສຫງົບ ກ່ຽວກັບການສະກັດກັ້ນ ແລະ ແກ້ໄຂປະກົດການຫຍໍ້ທໍ້ ຕິດພັນກັບການສໍ້ລາດບັງຫຼວງໃນກຳລັງປ້ອງກັນຄວາມສະຫງົບ ແລະ ຄຳສັ່ງອື່ນໆອີກຈຳນວນໜຶ່ງ.

 

Off

Comments are closed.