14th Mar2018

ກົມໃຫຍ່ຕຳຫຼວດ ສະຫຼຸບວຽກງານ ປະຈຳປີ 2017

by somchan

ພົນຈັດຕະວາ ປອ ທອງສະຫວັນ ວົງສະຫວັດ ຮອງຫົວໜ້າກົມໃຫຍ່ຕຳຫຼວດ, ກະຊວງປ້ອງກັນຄວາມສະຫງົບ ໄດ້ໃຫ້ຮູ້ວ່າ: ໂດຍຈັດຕັ້ງປະຕິບັດຕາມ 4 ຄາດໝາຍ 4 ແຜນການໃຫຍ່ 41 ໂຄງການທີ່ກະຊວງ ປກສ ວາງອອກ ແລະ ແຜນການວິຊາສະເພາະຕ່າງໆ ທີ່ກົມໃຫຍ່ຕຳຫຼວດວາງອອກ ໃນ 1 ປີ ຜ່ານມາ ຄະນະພັກ-ຄະນະບັນຊາກົມໃຫຍ່ຕຳຫຼວດ ໄດ້ສຸມໃຊ້ຊີ້ນຳ-ນຳພາກົມກອງ, ພະນັກງານ-ນັກຮົບ ປະຕິບັດວຽກງານວິຊາສະເພາະ ຢ່າງໃກ້ຊິດຕິດແທດ ສາມາດສ້າງໄດ້ຜົນງານ, ຜົນສຳເລັດຫຼາຍດ້ານ, ເປັນຕົ້ນວຽກງານຈາລະຈອນ 1 ປີ ຜ່ານມາ, ໄດ້ສຸມໃສ່ຊີ້ນໍາໃນການຈັດຕັ້ງຜັນຂະຫຍາຍແຜນການແກ້ໄຂການຈະລາຈອນແອອັດ ແລະ ຫຼຸດຜ່ອນອຸປະຕິເຫດຈະລາຈອນທາງບົກ, ການປະກອບເຄື່ອງປະຈຳຕົວ ຂອງກຳລັງຈະລາຈອນ, ປັບປຸງລະບົບການຈັດຕັ້ງ,​ ຝຶກອົບຮົມດ້ານວຽກງານວິຊາສະເພາະ, ປະຕິບັດໜ້າທີ່ແກ້ໄຂອຸປະຕິດເຫດຕາມທ້ອງຖະໜົນ ແລະ ຈະລາຈອນແອອັດ. ໃນນີ້, ໄດ້ສຸມໃສ່ວຽກງານໂຄສະນາ ກ່ຽວກັບການສັນຈອນຢູ່ໂຮງຮຽນ, ກຸ່ມບ້ານ, ສຳນັກງານ-ອົງການ, ​ຢູ່ຕາມສາຍທາງຕ່າງໆໃນຂອບເຂດທົ່ວປະເທດ ໄດ້ 1.065 ຄັ້ງ, ມີຜູ້ເຂົ້າຮ່ວມຮັບຟັງ 295.485 ຄົນ. ແລະ ສະໜອງຂໍ້ມູນຂ່າວສານໃຫ້ແກ່ທາງສື່ມວນຊົນໄດ້ 8 ຄັ້ງ ພ້ອມນີ້ ຍັງໄດ້ເອົາໃຈໃສ່ ຄຸ້ມຄອງປ້າຍ, ການບໍລິການຕິດປ້າຍລົດ ໃນຂອບເຂດທົ່ວປະເທດ ໄດ້ 92.753 ປ້າຍ. ໃນນີ້ ລົດສອງລໍ້ 63.228 ປ້າຍ, ລົດ 4 ລໍ້ 26.486 ປ້າຍ ແລະ ລົດ 6 ລໍ້ 2.996 ປ້າຍ, ສະເພາະນະຄອນຫຼວງວຽງຈັນ ຄຸ້ມຄອງບໍລິການປ້າຍລົດໄດ້ 42.887 ປ້າຍ ແລະ ອື່ນໆ.

ພ້ອມນີ້ ຍັງໄດ້ເຮັດໜ້າທີ່ໃນການປ້ອງກັນ-ເປີດທາງຮັບໃຊ້ກອງປະຊຸມລະດັບຊາດ-ລະດັບສາກົນ ຜູ້ແທນທັງພາຍໃນ ແລະ ຕ່າງປະເທດໄດ້ 576 ຄັ້ງ, ມີຈຳນວນພົນ 2.202 ເທື່ອຄົນ ຍິງ 203 ຄົນ ສາມາດຮັບປະກັນຄວາມສະຫງົບປອດໄພໄດ້ 100%.

 

Off

Comments are closed.