29th Jun2018

ກົມໃຫຍ່ພະລາທິການກະຊວງ ປກສ ແຫ່ງ ສປປ ລາວ ພົບປະແລກປ່ຽນບົດ ຮຽນກັບກົມໃຫຍ່ພະລາທິການ ແລະ ການເງິນ ກະຊວງພາຍໃນ ແຫ່ງຣາຊະອານາຈັກ ກຳປູເຈຍ

by somchan

ກົມໃຫຍ່ພະລາທິການ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ຈັດກອງປະຊຸມພົບປະ ແລກປ່ຽນບົດຮຽນ ກັບກົມໃຫຍ່ພະລາທິການ ແລະ ການເງິນ ກະຊວງພາຍໃນ ແຫ່ງ ຣາຊະອານາຈັກກຳປູເຈຍ. ໃນວັນທີ 26 ມິຖຸນາ 2018 ນີ້ ຢູ່ທີ່ໂຮງແຮມ ຄຣາພຣາຊ່າ ວຽງຈັນ ນະຄອນຫຼວງວຽງຈັນ. ຝ່າຍລາວນຳໂດຍທ່ານ ພົນຈັດຕະວາ ຄຳໄຕ ຄຳແພງເພັດ ຫົວໜ້າກົມໃຫຍ່ພະລາທິການ ກະຊວງປ້ອງກັນ ຄວາມ ສະຫງົບ ແລະ ຝ່າຍກຳປູເຈຍ ນຳໂດຍ ພົນເອກ ມາວ ບຸນນາຣິນ ຫົວໜ້າກົມໃຫຍ່ພະລາທິການ ແລະ ການເງິນ ກະຊວງພາຍໃນກຳປູເຈຍ ມີຄະນະນຳຜູ້ແທນ ທັງສອງຝ່າຍເຂົ້າຮ່ວມ.

ພົຈວ ຄຳໄຕ ຄຳແພງເພັດ ຫົວໜ້າກົມໃຫຍ່ພະລາທິການ ກະຊວງປ້ອງກັນຄວາມສະຫງົບ ແລະ ພົນເອກ ມາວ ບຸນນາຣິນ ຫົວໜ້າກົມໃຫຍ່ພະລາທິການ ແລະ ການເງິນ ກະຊວງພາຍໃນກຳປູເຈຍ ໄດ້ລາຍງານສະພາບການຈັດຕັ້ງ ປະຕິບັດວຽກງານວິຊາສະເພາະ ໃນການຊີ້ນຳ-ນຳພາ ກົມກອງວິຊາສະເພາະໃນການປະຕິບັດວຽກງານ, ເປັນຕົ້ນ ສະພາບເສດຖະກິດ ສະພາບວຽກງານພະລາທິການ ໃນກຳລັງປ້ອງກັນຄວາມສະຫງົບໃນຊຸມປີຜ່ານມາ. ພ້ອມນີ້, ທັງສອງຝ່າຍຍັງໄດ້ສະເໜີແລກປ່ຽນບົດຮຽນນຳກັນໃນຫຼາຍວຽກງານ ການຜະລິດ-ທຸລະກິດ ເພື່ອສ້າງລາຍຮັບ ໃຫ້ກະຊວງກໍ່ຄືກົມຕ່າງໆ ແລະ ອື່ນໆ.

ທັງສອງຝ່າຍໄດ້ຕີລາຄາສູງຕໍ່ໝາກຜົນຂອງການພົບປະສອງຝ່າຍໃນຄັ້ງນີ້ ແລະ ເຫັນດີສືບຕໍ່ປະຕິບັດກົນໄກການ ຮ່ວມມືໃຫ້ເປັນຮູບປະທຳຫຼາຍຂຶ້ນ. ເຊິ່ງບໍ່ພຽງແຕ່ສ້າງເງື່ອນໄຂທີ່ສາມາດກຳໄດ້. ສະພາບການຂອງສອງຝ່າຍ ແລະ ຮ່ວມມືກັນແກ້ໄຂບັນຫາໃນລະດັບທ້ອງຖິ່ນເທົ່ານັ້ນ. ແຕ່ຍັງເປັນການແລກປ່ຽນບົດຮຽນ, ເພີ່ມຄວາມເຂົ້າໃຈເຊິ່ງກັນ ແລະກັນເປັນການດີ ທັງເປັນການປະກອບສ່ວນສຳຄັນ ເຂົ້າໃນການເສີມສ້າງສາຍພົວພັນແບບບ້ານໃກ້ເຮືອນຄຽງ ໃຫ້ໄດ້ຮັບການຂະຫຍາຍຕົວນັບມື້ດີຂຶ້ນເປັນກ້າວໆ.

Off

Comments are closed.