11th Oct2017

ກົມໃຫຍ່ ສັນຕິບານ ກະຊວງ ປກສ ຮ່ວມກັບ 2 ບໍລິສັດ ລົງນາມເຊັນສັນຍາ ການສະໜອງ ລະບົບກວດກາ ຂໍ້ມູນ ຜູ້ໂດຍສານ ລ່ວງໜ້າ.

by somchan

ກົມໃຫຍ່ສັນຕິບານກະຊວງ ປກສ ຮ່ວມກັບບໍລິສັດ ໂສມາພາ ອິນຟໍເມຊັ່ນ ເທັກໂນໂລຢີຈຳກັດ ແລະ ບໍລິສັດເອອີເຄ ຈຳກັດຜູ້ດຽວ ໄດ້ເຊັນສັນຍາ ວ່າດ້ວຍການສະໜອງລະບົບກວດກາຂໍ້ມູນ ຜູ້ໂດຍສານລ່ວງໜ້າ. ໃນວັນທີ 10 ຕຸລາ 2017ນີ້ ທີ່ໂຮງແຮມຄຣາວພລາຊ້າ ນະຄອນຫຼວງວຽງຈັນ, ເປັນກຽດເຂົ້າຮ່ວມໂດຍ ພົຈວ ກົງທອງ ພົງວິຈິດ ຮອງລັດຖະມົນຕີກະຊວງ ປ້ອງກັນຄວາມສະຫງົບ, ຕ່າງໜ້າຈາກ ກົມໃຫຍ່ສັນຕິບານ, ກົມຕຳຫຼວດກວດ ຄົນເຂົ້າ-ອອກເມືອງ, ພາກສ່ວນກ່ຽວຂ້ອງ, ຕະຫຼວດຮອດຜູ້ອຳນວຍການ ແລະທິມງານຂອງສອງບໍລິສັດ ເຂົ້າຮ່ວມ.

ໂຄງການກວດກາຂໍ້ມູນຜູ້ໂດຍສານລ່ວງໜ້າ ຫຼື APPS ແມ່ນກົມໃຫຍ່ສັນບານຮ່ວມມືກັບບໍລິສັດໂສມາພາ ອິນຟໍເມຊັ່ນ ເຕັກໂນໂລຢີ ຈຳກັດ ແລະ ບໍລິສັດເອອີເຄ ຈຳກັດຜູ້ດຽວ ເປັນໂຄງການພັດທະນາກ່ຽວກັບວຽກງານກວດກາຄົນເຂົ້າ-ອອກເມືອງ ເພື່ອຮັບປະກັນໄດ້ຄວາມສະດວກ, ວ່ອງໄວ, ຮັດກຸມ, ຖືກຕ້ອງຕາມກົດໝາຍ ແລະ ລະບຽບການຂອງປະເທດກໍ່ຄືສາກົນ ທັງເປັນການຍົກລະດັບໃຫ້ແກ່ກຳລັງຕຳຫຼວດກວດຄົນເຂົ້າ-ອອກເມືອງ ໃຫ້ມີຄວາມຮູ້ຄວາມສາມາດມີຄວາມສະດວກວ່ອງໄວໃນການປະຕິບັດໜ້າທີ່ວຽກງານ, ເພື່ອຮັບປະກັນໃນການປົກປ້ອງສິດຜົນປະໂຫຍດຂອງປະຊາຊົນລາວ ກໍ່ຄືເພື່ອນມິດສາກົນໃນໂລກທີ່ເດີນທາງມາທ່ອງທ່ຽວ, ຢ້ຽມຢາມ, ເດີນທາງຜ່ານ ແລະ ດຳເນີນທຸລະກິດຢູ່ ສປປລາວ ໃຫ້ມີຄວາມສະດວກວ່ອງໄວ ແລະ ປອດໄພ.

ການລົງນາມເຊັນສັນຍາໃນຄັ້ງນີ້ ຕ່າງໜ້າກົມໃຫຍ່ສັນຕິບານກະຊວງ ປກສ ໂດຍແມ່ນ ພົຈວ ບຸນມີ ແສງຄຳຢອງ ຫົວໜ້າກົມໃຫຍ່ສັນຕິບານ ແລະ ຕ່າງໜ້າ 2 ບໍລິສັດໂດຍ ທ່ານນຳໂຊກ ໂສມາພາ ຜູ້ອຳນວຍການບໍລິສັດ ໂສມາພາ ອິນຟໍເມຊັ່ນ ເທັກໂນໂລຢີຈຳກັດ.

Off

Comments are closed.