04th Oct2019

ກົມໃຫຍ່ສັນຕິບານ ກະຊວງປ້ອງກັນຄວາມສະຫົງບ ປະກາດການເລື່ອນຊັ້ນໃຫ້ນາຍຕຳຫຼວດ

by somchan

ກົມໃຫຍ່ສັນຕິບານ ກະຊວງປ້ອງກັນຄວາມສະຫົງບ ໄດ້ປະກາດການເລື່ອນຊັ້ນໃຫ້ນາຍຕຳຫຼວດ, ໃນວັນທີ 4 ຕຸລາ ນີ້, ໂດຍການເປັນກຽດເຂົ້າຮ່ວມຂອງ ພົຈວ ບຸນມີ ແສງຄຳຢອງ ຫົວໜ້າກົມໃຫຍ່ສັນຕິບານ, ມີຄະນະພັກ-ຄະນະບັນຊາ, ພະນັກງານຫຼັກແຫຼ່ງ ແລະ ນາຍຕຳຫຼວດທີ່ໄດ້ຮັບການເລື່ອນຊັ້ນເຂົ້າຮ່ວມ.

ພັທ ທອງສຽນ ສຸນາເຄນ ຮອງຫົວໜ້າຫ້ອງການເມືອງ ກົມໃຫຍ່ສັນຕິບານ ໄດ້ຜ່ານຂໍ້ຕົກລົງ ຂອງລັດຖະມົນຕີ ກະຊວງປ້ອງກັນຄວາມສະຫົງບ ວ່າດ້ວຍການເລື່ອນຊັ້ນໃຫ້ນາຍຕຳຫຼວດ ກົມໃຫຍ່ສັນຕິບານ  ຈຳນວນ 49 ສະຫາຍ, ໃນນີ້ເລື່ອນຊັ້ນຮ້ອຍເອກຂຶ້ນພັຕ 1 ສະຫາຍ, ຮ້ອຍໂທຂຶ້ນຮ້ອຍເອກມີ 48 ສະຫາຍ, ທັງນີ້ເພື່ອປະຕິບັດນະໂຍບາຍຂອງພັກ – ລັດ ທີ່ມີຕໍ່ນາຍຕຳຫຼວດ ຜູ້ທີ່ມີຜົນສຳເລັດໃນການປະຕິບັດໜ້າທີ່ວຽກງານ ແລະ ຄົບມາດຕະຖານເງື່ອນໄຂຂອງການເລື່ອນຊັ້ນທີ່ໄດ້ກຳນົດໄວ້ໃນກົດໝາຍວ່າດ້ວຍກຳລັງປ້ອງກັນຄວາມສະຫງົບປະຊາຊົນ. ໃຫ້ກຽດປະດັບຊັ້ນໂດຍ ພົຈວ ບຸນມີ ແສງຄຳຢອງ ຫົວໜ້າກົມໃຫຍ່ສັນຕິບານ,

ພ້ອມດຽວກັນນີ້ທ່ານກໍ່ໄດ້ໃຫ້ທິດຊີ້ນຳ ແລະ ໂອ້ລົມຕໍ່ນາຍຕຳຫຼວດຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງບັນດາສະຫາຍທີ່ໄດ້ຮັບການເລື່ອນຊັ້ນ ພ້ອມທັງເນັ້ນໜັກໃຫ້ເພີ່ມທະວີດ້ານວຽກງານວິຊາສະເພາະໃຫ້ສູງຂຶ້ນ, ຕັ້ງໜ້າຝືກຝົນຫຼໍ່ຫຼອມຕົນເອງໃຫ້ມີຄວາມກ້າວໜ້າກ່ວາເກົ່າ ສາມາດເຮັດຫຼອນໜ້າທີ່ ທີ່ການຈັດຕັ້ງມອບໝາຍໃຫ້.

 

Comments are closed.