29th Nov2019

ກົມໃຫ່ຍການເມືອງ ປກສ ຈັດຕັ້ງປະຖະກະຖາມູນເຊື້ອ 2 ວັນປະຫວັດສາດ

by somchan

ກົມໃຫ່ຍການເມືອງ ປ້ອງກັນຄວາມສະຫງົບ ໄດ້ຈັດຕັ້ງປາຖະກະຖາ ມູນເຊື້ອວັນຊາດທີ 2 ທັນວາ ຄົບຮອບ 44 ປີ ແລະ ເອກກະລາດວັນຄ້າຍວັນເກີດ ປະທານໄກສອນ ພົມວິຫານ ຜູ້ນຳທີແສນເຄົາລົບຮັກ ຂອງປະຊາຊົນລາວ ຄົບຮອບ 99 ປີ ໃນວັນທີ 29 ພະຈິກ 2019 ນີ້ ເປັນກຽດເຂົ້າຮ່ວມປາຖະກະຖາໂດຍ ພົຈວ ຄຳກິງ ຜຸຍຫຼ້າມະນີວົງ ຄະນະປະຈຳພັກກົມໃຫ່ຍ ຮອງຫົວໜ້າກົມໃຫ່ຍການເມືອງ ປກສ ມີຄະນະບັນຊາ ແລະ ພະນັກງານຫຼັກແຫຼ່ງກົມກອງ ອ້ອມຂ້າງກົມໃຫ່ຍການເມືອງ ປກສ ເຂົ້າຮ່ວມຮັບຟັງ.

ພົຈວ ຄຳກິງ ຜຸຍຫຼ້າມະນີວົງ ໄດ້ເລົ່າຄືນປະຫວັດຊີວິດ, ຜົນງານການເຄື່ອນໄຫວ ປະຕິວັດຊາດ ປະຊາທິປະໄຕ ແລະ ຄຸນສົມບັດສີນທຳປະຕິວັດ ຂອງປະທານໄກສອນພົມວິຫານ ເຊີ່ງ ທ່ານເກີດເມືອວັນທີ 13 ທັນວາ 1920 ທີແຂວງ ສະຫວັນນະເຂດ ຕໍ່ມາກໍ່ໄດ້ກ້າວເຂົ້າສູ່ຊິວິດຂອງນັກປະຕິວັດ ທີ່ມີນ້ຳໃຈຮັກຊາດອັນດູດດືມ, ມີຄວາມກ້າຫານ, ມີນ້ຳໃຈເສຍສະຫຼະ ທີສູງສົງ ແລະ ອົດທົນ ຜ່ານຜ່າຄວາມຍຸງຢາກ ເພື່ອນຳພານັກຮົບປະຕິວັດ ແລະ ປະຊາຊົນລາວຕໍ່ສູ້ກູ້ຊາດ ຕ້ານການຮຸກຮານຂອງຈັກກະພັດລ່າເມືອງຂື້ນ ຜ່ານຫຼາຍບັ້ນຮົບທີ່ດຸເດືອດຂຽວຂາດ ຈົນສາມາດປົດປ່ອບປະເທດຊາດຢ່າງສົມບູນ ແລະ ສະຖາປະນາ ເປັນ ສປປ ລາວ ໃນວັນທີ 2 ທັນວາ 1975 ຈາກນັ້ນປະທານ ໄກສອນພົມວິຫານ ຍັງໄດ້ສຶບຕໍ່ອຸທິດເຫື່ອແຮງ, ສະຕິປັນຍາເຂົ້າໃນການນຳພາ ປະຊາຊົນລາວດຳເນີນພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດ ບົນເສັ້ນທາງກ້າວສູ່ຈຸດໝາຍສັງຄົມນິຍົມ ພ້ອມດຽວກັນນີ້ ທ່ານ ຮອງຫົວໜ້າ ກົມໃຫ່ຍການເມືອງ ປກສ ຍັງໄດ້ຫວນຄືນປະຫວັດສາດມູນເຊື້ອ, ການກຳເນີດ, ຜົນງານ, ຄວາມເສຍສະຫຼະໃໝ່ ແລະ ລູກແຫຼ່ງຕີນມືຂອງພວກເຂົາ, ຕະຫຼອດຮອດຜົນງານການປະກອບສ່ວນເຂົ້າໃນການດຳເນີນ ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຂອງບັນດາຜູ້ນຳ, ການປະຕິວັດ, ນັກຮົບປະຕິວັດ ແລະ ປະຊາຊົນບັນດາເຜົ່າ ເນື່ອງໃນໂອກາດຂ່ຳນັບຮັບຕ້ອນ ຊົມເຊີຍ ແລະ ສະເຫຼີມສະຫຼອງ ວັນຊາດທີ 2 ທັນວາ ຄົບຮອບ 44 ປີ

ການຈັດຕັ້ງປາຖະກະຖາຄັ້ງນີ້ ແນ່ໃສ່ເຮັດໃຫ້ຄະນະບັນຊາ ແລະ ພະນັກງານຫຼັກແຫຼ່ງ ກົມກອງອ້ອມຂ້າງກົມໃຫ່ຍການເມືອງ ປກສ ຮັບຮູ້ເຂົ້າໃຈ ແລະ ຮຽນຮູ້ກ່ຽວກັບຄຸນສົມບັດສີນທຳປະຕິວັດ, ຄຸນງາມຄວາມດີ, ນ້ຳໃຈຮັກຊາດ ແລະ ຮູ້ບຸນຄຸນຕໍ່ຄວາມເສຍສະຫຼະ ອັນສູງສົງຂອງບັນດາຜູ້ນຳການປະຕິວັດ ນັກຮົບປະຕິວັດ ແລະ ປະຊາຊົນລາວບັນດາເຜົ່າ ພ້ອມທັງໝູນໃຊ້ເຂົ້າໃນການດຳລົງຊີວິດ ແລະ ໜ້າທີ່ວຽກງານຕົວຈິງໃຫ້ເກີດດອກອອກຜົນ.

Comments are closed.