04th Dec2019

ປະກາດປັບປຸງກົງຈັກການຈັດຕັ້ງຂັ້ນກົມ ທີ່ຂື້ນກັບກົມໃຫ່ຍການເມືອງ ປກສ

by somchan

ກົມໃຫ່ຍການເມືອງ ປກສ ປະກາດປັບປຸງກົງຈັກການຈັດຕັ້ງຂັ້ນກົມ ທີ່ຂື້ນກັບກົມໃຫ່ຍການເມືອງ ປກສ ໃນວັນທີ 4 ທັນວາ 2019 ນີ້ ໂດຍການເປັນກຽດເຂົ້າຮ່ວມ ຂອງ ພົຈວ ຄຳກິ່ງ ຜຸຍຫຼ້າມະນີວົງ ຄະນະປະຈຳພັກ ຮອງຫົວໜ້າກົມໃຫ່ຍການເມືອງ ປກສ ມີບັນດາພະນັກງານຫຼັກແຫຼ່ງ ຈາກກົມກອງອ້ອມຂ້າງກົມໃຫ່ຍການເມືອງ ປກສ ພ້ອມດ້ວຍແຂກຖືກເຊີນເຂົ້າຮ່ວມ.

ພັອ ນາງ ວິໄລ ມັງໝໍ່ເມກ ຄະນະພັກກົມໃຫ່ຍ ຫົວໜ້າຫ້ອງການເມືອງ ໄດ້ຜ່ານຂ້ໍຕົກລົງຂອງລັດຖະມົນຕີ ກະຊວງ ປກສ ວ່າດ້ວຍການຍົກຍ້າຍ, ແຕ່ງຕັ້ງພະນັກງານນຳພາ-ບັນຊາຂັ້ນກົມ ແລະ ຜ່ານມະຕິຕົກລົງຂອງຄະນະບໍລິຫານງານພັກກົມໃຫ່ຍການເມືອງ ປກສ ວ່າດ້ວຍການບົ່ງຕົວແຕ່ງຕັ້ງຄະນະພັກຮາກຖານ, ເລຂາໜ່ວຍພັກຮາກຖານ, ຮອງເລຂາ, ປະທານກວດກາ ແລະ ຄະນະໜ່ວຍພັກຮາກຖານ, ຮອງເລຂາ, ປະທານກວດກາ ແລະ ຄະນະໜ່ວຍພັກອ້ອມຂ້າງກົມໃຫ່ຍ, ໃນນີ້ໄດ້ຍົກຍ້າຍ ແລະ ແຕ່ງຕັ້ງ ພັອ ເພີນຄຳ ແສງດາລາ ຈາກກົມກໍ່ສ້າງກຳລັັງ ໄປຮັບໜ້າທີ່ໃໝ່ ເປັນຫົວໜ້າຄະນະບັນນາທິການຂ່າວສານ ປກສ, ຍົກຍ້າຍ ແລະ ແຕ່ງຕັ້ງ ພັທ ສີສົມບັດ ໄຊປັນຍາ ຈາກຫ້ອງການເມືອງ ໄປຮັບໜ້າທີ່ໃໝ່ເປັນຮອງ ຄະນະບໍລິຫານງານຊາວໜຸ່ມກະຊວງ ປກສ, ຍົກຍ້າຍ ແລະ ແຕ່ງຕັ້ງ ພັທ ນ. ນວນ ເທບພະວົງ ຈາກຄະນະບໍລິຫານງານຊາວໜຸ່ມ ກະຊວງ ປກສ ໄປຮັບໜ້າທີ່ໃໝ່ ເປັນຮອງຫ້ອງການເມືອງ ພ້ອມກັນນີິ້ຍັງໄດ້ແຕ່ງຕັ້ງ ພັທ ຈັນທາ ວັນນະແສງ ເປັນຫົວໜ້າກົມປ້ອງກັນກຳລັງ, ແຕ່ງຕັ້ງ ພັທ ບຸນມີ ມັກຄະວານ ເປັນຫົວໜ້າກົມກໍ່ສ້າງກຳລັງ ແລະ ແຕ່ງຕັ້ງ ພັທ ບຸນຈັນ ອິນພົມມາ ເປັນຫົວໜ້າຄະນະບໍລິຫານງານຊາວໜຸ່ມ ກະຊວງ ປກສ, ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.

ຈາກນັ້ນກໍ່ໄດ້ບົ່ງຕົວແຕ່ງຕັ້ງເລຂາຄະນະພັກຮາກຖານ, ເລຂາ-ຮອງເລຂາ, ປະທານກວດກາ ແລະ ຄະນະໜ່ວຍພັກຮາກຖານທີ່ຂື້ນກັບອົງຄະນະພັກ ກົມໃຫ່ຍການເມືອງ ປກສ ຈຳນວນ 9 ສະຫາຍຕື່ມອີກ.

ໃນໂອກາດນີ້ ພົຈວ ຄຳກິ່ງ ຜຸຍຫຼ້າມະນີວົງ ຄະນະປະຈຳພັກ ຮອງຫົວໜ້າກົມໃຫ່ຍການເມືອງ ປກສ ໄດ້ກ່າວວ່າ: ການບົ່ງຕົວແຕ່ງຕັ້ງການນຳຂັ້ນກົມ-ຮອງກົມ ອ້ອມຂ້າງກົມໃຫ່ຍການເມືອງໃນຄັ້ງນີ້ ຖືເປັນຄວາມເອກອ້າງຄະນົງໃຈຂອງກົມໃຫ່ຍ ແລະ ສິ່ງດັ່ງກ່າວນີ້ ມັນກໍ່ແມ່ນກຽດສັກສີຂອງແຕ່ລະສະຫາຍ ພ້ອມດຽວກັນນີ້ແມ່ນຄວາມຮັບຜິດຊອບອັນໜັກໜ່ວງທີ່ການຈັດຕັ້ງຂັ້ນເທີງໄດ້ມອບໝາຍໃຫ້ແຕ່ລະສະຫາຍ, ຜູ້ທີ່ໄດ້ຮັບການມອບໝາຍນີ້ ກໍ່ຕ້ອງມີທັກສະນະທີ່ຖືກຕ້ອງ ຕ້ອງເພີ່ມທະວີຄວາມຮັບຜິດຊອບທາງດ້ານການເມືອງ-ແນວຄິດຂອງຕົນໃຫ້ສູງຂື້ນ ແລະ ອີກດ້ານໜຶ່ງຜູ້ທີ່ໄດ້ຮັບການແຕ່ງຕັ້ງຕ້ອງມີທັກສະນະມະຫາຊົນຢ່າງຖືກຕ້ອງ.

Comments are closed.