24th Jun2020

ກົມໃຫ່ຍການເມືອງ ປກສ ສ້າງຂະບວນເຕະບານມິດຕະພາບ ເພື່ອຂຳນັບຮັບຕ້ອນວັນສ້າງຕັ້ງກຳລັງ ປກສ

by somchan

ກົມໃຫ່ຍການເມືອງປ້ອງກັນຄວາມສະຫງົບ ສ້າງຂະບວນການເຕະບານມິດຕະພາບ ກັບກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໃນວັນທີ 23 ມີຖຸນາ 2020 ນີ້ ທີ່ເດີນເຕະບານເຟີລາລີ້ ນະຄອນຫຼວງວຽງຈັນ ທີມເຕະບານກົມໃຫ່ຍການເມືອງ ປ້ອງກັນຄວາມສະຫງົບ ນຳໂດຍ ພົຈວ ຄຳສາຍ ຈັນທະວົງ ຮອງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ແລະ ປກສ ນະຄອນຫຼວງວຽງຈັນ ນຳທີມໂດຍ ພັອ ສຸກພະຈັນ ບຸດດາຄຳ ຮັກສາການຫົວໜ້າກອງບັນຊາການ ປກສ ນະຄອນຫຼວງວຽງຈັນ ມີພະນັກງານນັກຮົບ ທ້ງສອງພາກສ່ວນເຂົ້າຮ່ວມ.

ການສ້າງຂະບວນການເຕະບານມິດຕະພາບ ທັງສອງພາກສ່ວນໃນຄັ້ງນີ້ ກໍ່ເພື່ອເປັນການຂຳນັບຮັບຕ້ອນ ກອງປະຊຸ່ມໃຫ່ຍຄັ້ງທີ່ 5 ຂອງອົງຄະນະພັກ ກະຊວງປ້ອງກັນຄວາມສະຫງົບ ກອງປະຊຸ່ມໃຫ່ຍຄັ້ງທີ່ 5 ອົງຄະນະພັກກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ແລະ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ທີຈະມາເຖີງນີ້ ໃຫ້ເປັນຂະບວນການຟົດຟື້ນ ແລະ ທັງເປັນການສ້າງຄວາມສາມັກຄີຮັກແພງເຊີ່ງກັນແລະກັນລະຫວ່າງສອງພາກສ່ວນໃຫ້ມີຄວາມແໜ້ນແຟນ

ໃນໂອກາດທີມີຄວາມສຳຄັນດັ່ງກ່າວນີ້ ພົຈວ ຄຳສາຍ ຈັນທະວົງ ຮອງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ແລະ ພັອ ຈັນທອມ ແກ້ວສຸລະໄຊ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ສື່ມວນຊົນ ປ້ອງກັນຄວາມສະຫງົບ

Off

Comments are closed.