28th Mar2013

ຄວາມສຳຄັນຂອງວຽກງານການເມືອງ ແນວຄິດໃນກຳລັງປ້ອງກັນຄວາມສະຫງົບ

by somchan

ກຳລັງປ້ອງກັນຄວາມສະຫງົບແມ່ນກຳລັງປະກອບ ອາວຸດຂອງພັກພັກເປັນຜູ້ຈັດຕັ້ງນຳພາໂດຍເດັດ ຂາດແລະຮອບດ້ານ. ສະນັ້ນ, ຈຶ່ງເວົ້າໄດ້ວ່າວຽກງານ ການເມືອງແນວຄິດແມ່ນໜຶ່ງໃນວຽກງານການ ເມືອງຂອງພັກມີບົດບາດສຳຄັນໃນການປັບປຸງກໍ່ ສ້າງພັກໃຫ້ມີຄວາມໜັກແໜ້ນເຂັ້ມແຂງຮອບດ້ານ ໃນການຊີ້ນຳ-ນຳພາແລະການປະຕິບັດໜ້າທີ່ ໃນກຳລັງປ້ອງກັນຄວາມສະຫງົບ, “ການປັບປຸງ ກໍ່ສ້າງພັກໃຫ້ໜັກແໜ້ນເຂັ້ມແຂງທາງດ້ານການ ເມືອງ-ແນວຄິດແມ່ນໜ້າທີ່ພື້ນຖານອັນຍາວນານ ແລະເປັນວຽກສຳຄັນຕົ້ນຕໍຂອງຄະນະພັກທຸກຂັ້ນ” ເຊິ່ງຄວາມສໍາຄັນຂອງວຽກງານແນວຄິດ ໃນກໍາລັງປ້ອງກັນຄວາມສະຫງົບ ໄດ້ສະແດງອອກບາງບັນຫາຄື:ວຽກງານແນວຄິດມີບົດບາດສຳຄັນໃນພາລະກິດປະຕິວັດຂອງພັກ, ປະກອບສ່ວນໂດຍກົງໃນການກຳເນີດຂື້ນ ແລະ ກໍ່ສ້າງພັກ, ກໍ່ສ້າງກໍາລັງປ້ອງຄວາມສະຫງົບທາງດ້ານການເມືອງແນວຄິດ ໃຫ້ໜັກແໜ້ນປະກອບສ່ວນທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ຄວາມຕັດສິນໃຈປະຕິວັດ ເພື່ອເປັນປັດໄຈພື້ນຖານສ້າງເປັນກຳລັງແຮງສັງລວມ ຂອງກໍາລັງປ້ອງກັນຄວາມສະຫງົບໃນການເຮັດໜ້າທີ່ຂອງຕົນ.ນອກນີ້, ວຽກງານແນວຄິດຍັງມີຄວາມສຳຄັນໃນການຕໍ່ສູ້ຊົນຊັ້ນ, ຕໍ່ສູ້ປະກົດການຫຍໍ້ທໍ້ຕ່າງໆໃນສັງຄົມ ແລະ ໃນກໍາລັງປ້ອງກັນຄວາມສະຫງົບ ພິເສດແມ່ນການຕ້ານ ແລະ ສະກັດກັ້ນຍຸດທະສາດ “ຫັນປ່ຽນໂດຍສັນຕິ” ຂອງສັດຕູ.ເພື່ອເຫັນໄດ້ຄວາມສຳຄັນດັ່ງກ່າວ ແລະ ເຮັດໃຫ້ວຽກງານແນວຄິດ ຖືກຈັດຕັ້ງປະຕິບັດ ຢ່າງເປັນເອກະພາບກັນ ໃນທົ່ວກໍາລັງປ້ອງກັນຄວາມສະຫງົບ; ທ່ານ ພົຈວ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີຊ່ວຍວ່າການ ກະຊວງປ້ອງກັນຄວາມສະຫງົບ ໄດ້ໃຫ້ທິດຊີ້ນຳແກ່ບັນດາຄະນະພັກ-ຄະນະບັນຊາ ກົມກອງອ້ອມກະຊວງ ປກສ ທັງສູນກາງ ແລະ ທ້ອງຖິ່ນ ເອົາໃຈໃສ່ໃນການ ຈັດຕັ້ງປະຕິບັດ ວຽກງານແນວຄິດເປັນພິເສດ; ແນ່ໃສ່ປັບປຸງ, ກໍ່ສ້າງພັກ, ພະນັກງານ, ບັນດາອົງການຈັດຕັ້ງມະຫາຊົນ ໃນກຳລັງປ້ອງກັນຄວາມສະຫງົບ ໃຫ້ໜັກແໜ້ນ, ມີຄຸນທາດການເມືອງ, ມີຄວາມຈົງຮັກພັກດີຕໍ່ອຸດົມການຂອງພັກ, ສອດຄ່ອງກັບຄາດໝາຍໜ້າທີ່ປະຕິວັດ ກໍຄືກຳລັງປ້ອງກັນຄວາມສະຫງົບ ໃນໄລຍະໃໝ່.ຄະນະພັກ-ຄະນະບັນຊາໃນທົ່ວກຳລັງ ປກສ ຕ້ອງປະຕິບັດໜ້າທີ່ກຳແໜ້ນແນວທາງ, ແຜນນະໂຍບາຍຂອງພັກ, ກົດໝາຍຂອງລັດ, ບັນດາມະຕິ ຄຳສັ່ງຂອງຄະນະພັກກະຊວງ ປກສ ແລະ ບັນດາບົດແນະນຳຕ່າງໆຂອງກົມໃຫຍ່ການເມືອງ ປກສ ຢ່າງເລິກເຊິ່ງ ເພື່ອເປັນບ່ອນອີງ ໃນການດຳເນີນວຽກງານ ແນວຄິດເຮັດໃຫ້ກຳລັງເຊື່ອມຊືມເປັນເອກະພາບ, ສ້າງຄຸນທາດການເມືອງ ແລະ ຍົກສູງຈິດໃຈປະຕິວັດ ບຸກໃຫ້ພະນັກງານ-ນັກຮົບທຸກສະຫາຍເຫັນເຖິງ ຄວາມສຳຄັນຂອງວຽກງານແນວຄິດໃນກຳລັງປ້ອງກັນຄວາມສະຫງົບ; ເພີ່ມທະວີສຶກສາອົບຮົມທິດສະດີມາກ-ເລນິນ, ທັດສະນະແນວທາງແຜນນະໂຍບາຍ ຂອງລັດ, ໜ້າທີ່ການເມືອງຂອງກຳລັງ, ໜ້າທີ່ກົມກອງໃນແຕ່ລະໄລຍະ, ຕັ້ງໜ້າບຳລຸງຄວາມຮູ້ຄວາມສາມາດທາງດ້ານວິທະຍາສາດ, ວັດທະນະທຳ, ຄວາມຮູ້ທາງດ້ານວິຊາສະເພາະໃຫ້ສົມຄູ່ກັບຄວາມຮຽກຮ້ອງຕ້ອງການຂອງໜ້າທີ່ການເມືອງຂອງກຳລັງປ້ອງກັນຄວາມສະຫງົບໃນສະພາບການໃໝ່.ຊຸກຍູ້ວຽກງານຄົ້ນຄ້ວາທິດສະດີ ແລະ ສັງລວມພຶດຕິກຳຕົວຈິງໃນຂົງເຂດວຽກງານປ້ອງກັນຄວາມສະຫງົບ, ຮັບປະກັນລັກສະນະພຶດຕິກຳຂອງວຽກງານທິດສະດີ ໃຫ້ມີເນື້ອໃນອຸດົມສົມບູນຂື້ນເລື້ອຍໆ ໂດຍການຍູ້ແຮງສຶກສາອົບຮົມຄຸນທາດການເມືອງ, ຄຸນສົມບັດສິນທຳປະຕິວັດ, ຍົກສູງນ້ຳໃຈຮັກຊາດ, ຮັກລະບອບໃໝ່, ນ້ຳໃຈສາກົນກຳມະຊີບຊົນຊັ້ນ, ປຸກລະດົມມານະຈິດປະຕິວັດຂອງສະມາຊິກພັກ, ພະນັກງານ-ນັກຮົບທຸກສະຫາຍໃນກຳລັງ ປກສ ປະກອບສ່ວນຢ່າງຕັ້ງໜ້າ ເຂົ້າໃນການກໍ່ສ້າງບັນດາການຈັດຕັ້ງໃນກຳລັງປ້ອງກັນຄວາມສະຫງົບໃຫ້ໜັກແໜ້ນເຂັ້ມແຂງ ແລະ ປອດໃສ.ສັງລວມແລ້ວວຽກງານແນວຄິດຂອງພັກ ໃນກຳລັງ ປກສ ແມ່ນພາກສ່ວນໜຶ່ງທີ່ສຳຄັນ ໃນການເຄື່ອນໄຫວທັງໝົດຂອງພັກ ແນ່ໃສ່ເຮັດໃຫ້ແນວຄິດທິດສະດີມາກ-ເລນິນ ແລະ ແນວທາງຂອງພັກ ກາຍເປັນລະບົບ ແນວຄິດອັນໜຶ່ງ-ອັນດຽວໃນທົ່ວກຳລັງ ປະກອບສ່ວນກໍ່ສ້າງກຳລັງປ້ອງກັນຄວາມສະຫງົບປະຊາຊົນລາວກາຍເປັນກຳລັງປະກອບອາວຸດປະຕິວັດ ມີແບບແຜນ ທັນສະໄໝເທື່ອລະກ້າວເຮັດໃຫ້ສຳເລັດໜ້າທີ່-ທີ່ພັກລັດມອບໝາຍໃຫ້ດ້ວຍໝາກຜົນສູງ.

Off

Comments are closed.