10th Apr2018

ຄະນະນຳກະຊວງ ປກສ ຕ້ອນຮັບພາກສ່ວນ ຕ່າງໆເຂົ້າອວຍພອນເນື່ອງໃນໂອກາດ ວັນສ້າງຕັ້ງກຳລັງ ປກສ ຄົບຮອບ 57 ປີ

by somchan

ໃນວັນທີ 4 ເມສາ 2018 ນີ້ ຄະນະນຳກະຊວງ ປ້ອງກັນຄວາມສະຫງົບ ນຳໂດຍ ພົຕ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ນຳກະຕ່າດອກໄມ້ ເຂົ້າອວຍພອນ ພະນະທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດແຫ່ງ ສປປລາວ ເນື່່ອງໃນໂອກາດວັນສ້າງຕັ້ງກຳລັງປ້ອງກັນ ຄວາມສະຫງົບ ວັນທີ 5 ເມສາ ຄົບຮອບ 57 ປີ.

ໃນໂອກາດນີ້,​ ພົຕ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕາງໜ້າໃຫ້ຄະນະພັກ-ຄະນະບັນຊາ ພະນັກງານ-ນັກຮົບ ທົ່ວກຳລັງປ້ອງກັນຄວາມສະຫງົບຂໍອວຍພອນພະນະທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດແຫ່ງ ສປປລາວ ພ້ອມດ້ວຍຄອບຄົວ ຈົ່ງມີສຸຂະພາບເຂັ້ມແຂງ ສືບຕໍ່ນຳພາສ້າງສາພັດທະນາປະເທດຊາດໃຫ້ກ້າວຂຶ້ນຢ່າງບໍ່ຢຸດຢັ້ງ.

ໄລຍະດຽວກັນ, ພົນຕີ ສິນທະວົງ ໄຊຍະກອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ ກໍ່ໄດ້ຕ້ອນຮັບການເຂົ້າອວຍພອນ ຈາກທ່ານ ປ້ານ ນ້ອຍມະນີ ປະທານສູນກາງສະຫະພັນກຳມະບານລາວ ແລະ ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ກໍ່ໄດ້ຕ້ອນຮັບການເຂົ້າອວຍພອນຈາກທ່ານນາງ ວິໄລຄຳ ໂພສາລາດ ຮອງລັດຖະມົນຕີກະຊວງໂຍທາທິການ ແລະ ຂົນສົ່າງ; ທ່ານ ວິໄລວັນ ບຸດດາຄຳ ຮອງປະທານກວດກາສູນກາງພັກ; ແລະ ທ່ານ ທອງເພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ ເນື່ອງໃນໂອກາດສະຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 57 ປີ ເຊັ່ນດຽວກັນ.

Off

Comments are closed.