29th Jan2019

ຄະນະບໍລິຫານງານສະຫະພັນກຳມະບານລາວ ກະຊວງ ປກສ ຈັດຕັງປາຖະກະຖາ ຫວນຄືນມູນເຊື້ອຄົບຮອບ 63 ປີ

by somchan

 

ຄະນະບໍລິຫານງານສະຫະພັນກຳມະບານກະຊວງ ປ້ອງກັນຄວາມສະຫງົບຈັດຕັ້ງປະທະກະຖາຫວນຄືນ ມູນເຊື້ອວັນສ້າງຕັ້ງສະຫະພັນກຳມະບານລາວ ຄົບຮອບ 63 ປີ ໃນວັນທີ່ 28 ມັງກອນ 2019 ນີ້ ຢູ່ທີ່ຫ້ອງປະຊຸມ ກົມໃຫ່ຍ ພາລາທິການ ກະຊວງປ້ອງກັນຄວາມສະຫງົບ ໂດຍໃຫ້ກຽດເຂົ້າຮ່ວມ ປາຖະກະຖາເອກະສານ ໂດຍ ທ່ານ ປ້ານ ນ້ອຍມະນີ ກຳມະການສູນກາງພັກ ປະທານສະຫະພັນກຳມະບານລາວ, ມີພົຈວ ອາລູວາລີຊື ຄະນະພັກກະຊວງ,ຫົວໜ້າກົມໃຫ່ຍ ກະຊວງປ້ອງກັນຄວາມສະຫງົບ ມີຄະນະພັກພະນັກງານຫຼັກແຫຼ່ງ ແລະ ສະມາຊີກກຳມະບານ ກົມກອງອ້ອມຂ້າງກະຊວງເຂົ້າຮ່ວມ.

ທ່ານ ປ້ານ ນ້ອຍມະນີ ກຳມະການສູນກາງພັກ ປະທານສະຫະພັນກຳມະບານລາວໄດ້ຍົກໃຫ້ເຫັນການກຳເນີດ ແລະ ເຕີມໃຫ່ຍຂະຫຍາຍຕົວຂອງອົງການກຳມະບານລາວ ເຊີ່ງທ່ານໄດ້ກ່າວວ່າ ຊາດລາວແມ່ນຊາດໜື່ງ ທີ່ມີປະຫວັດສາດແຫ່ງການກຳເນີດຄົງຕົວແລະຂະຫຍາຍຕົວຍາວນານມີປະຫວັດອັນເກົ່າແກ່ ຊື່ງລາວເປັນປະເທດທີ່ມີກະສິກຳດ້ວຍພັດທະນາຊາວນາ ກະແຈກກະຈາຍກ່ວາໝູ່ 90 ສ່ວນຮ້ອຍ ຂອງພົນລະເມືອງຊິວິດ ການເປັນຢູ່ຂອງຊາວຜູ້ອອກແຮງງານໂດຍທົ່ວໄປແມ່ນຂື້ນກັບທຳມະຊາດ.ຄົນລາວແມ່ນເຄີຍມີມູນເຊື້ອດຸໝັ້ນຂະຫຍັນພຽນໃນການອອກແຮງງານ,ມູນເຊື້ອສາມັກຄີປອງດອງ,ຮັກເຊື້ອແພງຊາດ,ມູນເຊື້ອວັດທະນາ ທຳທີ່ເປັນເອກກະລາດອັນດີງາມ ແລະ ອັນທີ່ພົ້ນເດັ່ນ ແມ່ນມູນເຊື້ອແຫ່ງການຕໍ່ສູ້ບໍ່ຍອມຈຳນົນຕ້ານການຮຸກຮານຂອງພວກຈັກກະພັດຢ່າງເດັນດ່ຽວໜຽວແໜ້ນຂອງ ບັນພະບູລຸດເຊັນຊົນຊັ້ນກຳມະກອນ ແລະ ຊາວຜູ້ອອກແຮງງານລາວບັນດາເຜົ່າໃນການທ້ອນໂຮມ ປົກປັກຮັກສາແລະສ້າງສາພັດທະນາປະເທດຊາດເພື່ອຄວາມຢູ່ເຢັນເປັນສຸກຂອງປະຊາຊົນລາວບັນດາ ເຜົ່າໃນແຕ່ລະຍຸກສະໄໝສືບ ທອດກັນມາເຖີງປະຈຸບັນ ພ້ອມນີ້ທ່ານຍັງໄດ້ຍົກໃຫ້ເຫັນການຕໍ່ສູ້ຂອງສາມຊາດອີນດູຈີນຢ່າງພິລະອາດຫານ,ເດັດຂາດບໍ່ຍອມຈຳນົນເປັນຂ້ອຍຂ້າ,ບໍ່ຍອມເສຍບ້ານເກີດເມືອງນອນໃຫ້ແກ່ພວກຈັກກະພັດຕ່າງດາວ.

ການຈັດຕັ້ງປາຖະກາຖາເຜີຍແຜ່ມູນເຊື້ອວັນສ້າງຕັ້ງກຳມະບານລາວໃນຄັ້ງນີ້ກໍ່ເພື່ອເປັນການປູກຈິດສຳນືກໃຫ້ຄະນະພັກ,ພະນັກງານໃນກຳລັງປ້ອງກັນຄວາມສະຫງົບ ໄດ້ຮັບຮູ້ເຂົ້າໃຈຕໍ່ມູນເຊື້ອອັນສຳຄັນດັ່ງກ່າວ ແລະ ນຳເອົາມູນເຊື້ອນີ້ນຳໄປຈັດຕັ້ງຜັນຂະຫຍາຍເຂົ້າໃນໜ້າທີ່ວຽກງານຕົວຈີງຢູ່ໃນແຕ່ລະກົມກອງໃຫ້ໄດ້ຮັບໝາກຜົນ.

Off

Comments are closed.