11th Feb2020

ຄະນະຜູ້ແທນຂັ້ນສູງກະຊວງຕຳຫຼວດຫວຽດນາມ ແລະ ກະຊວງ ປກສ ລາວ ເຂົ້າຮ່ວມ ກອງປະຊຸມ ສອງຝ່າຍປະຈຳ ປີ 2020

by somchan

 

ໂດຍຕອບສະໜອງຕາມຄຳເຊີນຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫົງບ ແຫ່ງ ສປປລາວ ຄະນະຜູ້ແທນຂັ້ນສູງ ກະຊວງຕຳຫຼວດຫວຽດນາມ ນຳໂດຍ ພົອ ໂຕເລິມ ກຳມະການກົມການເມືອງສູນກາງພັກຄອມມູນິດຫວຽດນາມ ພ້ອມຄະນະ ໄດ້ເດີນທາງມາຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມ ສອງຝ່າຍປະຈຳປີ 2020 ໃນລະຫວ່າງ ວັນທີ 10-12 ກຸມພາ 2020 ພິທີຕ້ອນຮັບຢ່າງເປັນທາງການ ໄດ້ຈັດຂື້ນໃນຕອນບ່າຍວັນທີ 10 ກຸມພາ 2020 ນີ້ ທີ່ກະຊວງ ປ້ອງກັນຄວາມສະຫົງບນຳໂດຍ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫົງບ ພ້ອມຄະນະ ພາຍຫຼັງສຳເລັດການຕ້ອນຮັບ ທັງສອງຝ່າຍກໍ່ໄດ້ດຳເນີນກອງປະຊຸມ ສະຫຼຸບການຈັດຕັ້ງປະຕິບັດແຜນການຮ່ວມມື ປະຈຳປີ 2019 ແລະ ທິດທາງແຜນການຮ່ວມມື ປະຈຳປີ 2020. ໂດຍການເປັນປະທານຮ່ວມ ຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫົງບ ແລະ ພົອ ໂຕ ເລິມ ກຳມະການກົມການເມືອງສູນກາງພັກຄອມມູນິດຫວຽດນາມ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ.

ໃນກອງປະຊຸມທັງສອງຝ່າຍໄດ້ແຈ້ງສະພາບ ແລະປຶກສາຫາລືເຊີ່ງກັນແລະກັນ, ເຊີ່ງໄດ້ທົບທວນຄືນກ່ຽວກັບການຮ່ວມມືຂອງສອງກະຊວງໃນໄລຍະຜ່ານມາ. ທັງສອງຝ່າຍໄດ້ເຫັນດີເປັນເອກະພາບສືບຕໍ່ຮັດແໜ້ນການພົວພັນຮ່ວມມືໃນການຮັກສາຄວາມສະຫົງບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມໃຫ້ມີໝາກຜົນດີຍິ່ງໆຂຶ້ນ. ພ້ອມກັນນັ້ນສອງຝ່າຍຍັງເຫັນດີ ສືບຕໍ່ຮ່ວມມືກັນໃນຂົງເຂດວຽກງານການກໍ່ສ້າງກຳລັງ ແລະ ການຊ່ວຍເຫຼືອເຊີ່ງກັນ ທາງດ້ານອຸປະກອນເຕັກນິກວິຊາສະເພາະ ແລະ ອື່ນໆ.

ພ້ອມນີ້ທັງສອງຝ່າຍກໍ່ໄດ້ລົງນາມແຜນການຈັດຕັ້ງປະຕິບັດສັນຍາຮ່ວມມື ປະຈຳປີ 2020 ລະຫ່ວາງ ກະຊວງປ້ອງກັນຄວາມສະຫົງບ ລາວ ແລະ ກະຊວງ ຕຳຫຼວດ ຫວຽດນາມ.

ໃນໂອກາດທີ່ມາຢ້ຽມຢາມ ແລະ ເຂົ້າຮ່ວມກອງປະຊຸມໃນຄັ້ງນີ້ ຄະນະຜູ້ແທນຂັ້ນສູງກະຊວງຕຳຫຼວດ ຫວຽດນາມ ໄດ້ນຳເອົາເຄື່ອງ ອຸປະກອນວິຊາສະເພາະມຈຳນວນໜື່ງ ມາຊ່ວຍເຫຼືອ ກະຊວງປ້ອງກັນຄວາມສະຫົງບ ລາວ, ກະຊວງປ້ອງກັນຄວາມສະຫົງບລາວ ຍາມໃດກໍຕີລາຄາສູງຕໍ່ການຊ່ວຍເຫຼືອຂອງກະຊວງຕຳຫຼວດຫວຽດນາມ ແລະ ມູນເຊື້ອສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງຊາດ ແລະ ສອງກຳລັງປ້ອງກັນຄວາມສະຫົງບລາວ-ຫວຽດນາມ.

ໃນໂອກາດທີ່ມີຄວາມໝາຍສຳຄັນນີ້ ລັດຖະບານແຫ່ງ ສສ ຫວຽດນາມ ກໍ່ໄດ້ປະດັບຫຼຽນໄຊ ແລະ ຫຼຽນກາມິດຕະພາບ ໃຫ້ນາຍຕຳຫຼວດກະຊວງປ້ອງກັນຄວາມສະຫົງບ ຜູ້ທີ່ມີຜົນງານດີເດັ່ນໃນການປະກອບສ່ວນເພີ່ມພູນຄູນສ້າງສາຍພົວພັນຮ່ວມມືລະຫ່ວາງກະຊວງຕຳຫຼວດ ຫວຽດນາມ ແລະ ກະຊວງ ປ້ອງກັນຄວາມສະຫົງບລາວ 18 ສະຫາຍ, ໃນນັ້ນ ຫຼຽນໄຊມິດຕະພາບມີ 8 ສະຫາຍ, ຫຼຽນກາມິດຕະພາບ 10 ສະຫາຍ ໃຫ້ກຽດປະດັບຫຼຽນໂດຍ ພົອ ໂຕ ເລິມ ກຳມະການກົມການເມືອງສູນກາງພັກຄອມມູນິດຫວຽດນາມ ລັດຖະມົນຕີກະຊວງ ຕຳຫຼວດຫວຽດນາມ.

ພາຍຫຼັງທີສຳເລັດການພົບປະ ຢູ່ທີກະຊວງ ປກສ ຄະນະຜູ້ແທນຂັ້ນສູງ ກະຊວງ ປກສ ລາວ ນຳໂດຍ ພົທ ວິໄລຫຼ້າຄຳຟອງ ລມຕ ກະຊວງ ປກສ ລາວ ແລະ ຄະນະຜູ້ແທນຂັ້ນສູງ ກະຊວງຕຳຫຼວດຫວຽດນາມ ນຳໂດຍ ພົອ ໂຕເລີມ ລມຕ ກະຊວງຕຳຫຼວດ ຫວຽດນາມ ກໍ່ໄດ້ເຂົ້າຢ້ຽມຂຳນັບ ສະຫາຍ ທອງລຸນ ສີສຸລິດ ນາຍຍົກລັດຖະມົນຕີ ແຫ່ງ ສປປ ລາວ ທີສຳນັກງານນາຍຍົກລັດຖະມົນຕີ ພ້ອມທັງລາຍງານສະພາບ ໃນການເດີນທາງຢ້ຽມຢາມ ສັນທະວະໄມຕີ ສປປ ລາວ ໃຫ້ ທ່ານ ນາຍຍົກ ລມຕ ໄດ້ຮັບຊາບ ພ້ອທັງກ່າວສະແດງຄວາມຂອບໃຈ ຢ່າງເລີກເຊີ່ງ ມາຍັງພັກ-ລັດຖະບານລາວ ທີ່ໃຫ້ການຕ້ອນຮັບຢ່າງອົບອຸ່ນ ໃນການມາຢ້ຽມຢາມສັນທະວະໄມຕີໃນຄັ້ງນີ້.

ໂອກາດດັ່ງກ່າວ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ກໍ່ໄດ້ຕີລາຄາສູງຕໍ່ການເດີນທາງມາຢ້ຽມຢາມ  ແລະ ເຮັດວຽກຂອງຄະນະຜູ້ແທນຂັ້ນສູງ ກະຊວງຕຳຫຼວດຫວຽດນາມ ເຊີ່ງເປັນການສະແດງໃຫ້ເຫັນ ໄມຕີຈິດມິດຕະພາບ ຄວາມສາມັກຄີຮັກແພງ ແລະ ຄວາມໄວ້ເນື້ອເຊື່ອໃຈເຊີ່ງກັນ ແລະ ກັນຂອງສອງພັກ-ລັດ ປະຊາຊົນສອງຊາດ ລາວ-ຫວຽດນາມ ອ້າຍນ້ອງທັງເປັນການສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນ ມິດຕະພາບ ຄວາມສາມັກຄີພິເສດ ແລະ ການຮ່ວມມືຮອອບດ້ານ ລະຫວ່າງ ລາວ-ຫວຽດນາມ ເວົ້າລວມເວົ້າສະເພາະກໍ່ແມ່ນສອງກະຊວງ ປກສ ໃຫ້ນັບມື້ໄດ້ຮັບການເສີມຂະຫຍາຍ ທັງລວງກ້ວາງ ແລະ ລວງເລີກຢ່າງມີປະສິດທິຜົນ ນຳເອົາຜົນປະໂຫຍດຕົວຈິງມາສູ່ປະຊາຊົນ ສອງຊາດ ລາວ-ຫວຽດນາມ.

 

Comments are closed.