17th Sep2018

ຄະນະຜູ້ແທນປ້ອງກັນຊາຍແດນຫວຽດນາມ ເຂົ້າຢ້ຽມຂຳນັບ ລມຕ ກະຊວງ ປກສ.

by somchan

ພົຕ ສົມແກ້ວ ສີລາວົງ ລັດຖະມົນຕີ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ໄດ້ຕ້ອນຮັບການ ເຂົ້າຢ້ຽມຢາມຂຳນັບຂອງ ພົຕ ຮ່ວງຊວນ ຈຽນ ຫົວໜ້າກອງບັນຊາການ ປ້ອງກັນຊາຍແດນ ກະຊວງປ້ອງກັນປະເທດ ແຫ່ງ ສສ ຫວຽດນາມ ພ້ອມດ້ວຍຄະນະໃນວັນທີ 12 ກັນຍາ 2018 ນີ້ ເນື່ອງໃນໂອກາດ ທີ່ທ່ານມາຢ້ຽມຢາມ ແລະ ເຮັດວຽກ ຢູ່ ສປປ ລາວ.

ໂອກາດນີ້ ພົຕ ສົມແກ້ວ ສີລາວົງ ໄດ້ກ່າວສະແດງຄວາມຕ້ອນຮັບຢ່າງອົບອຸ່ນຕໍ່ຄະນະຜູ້ແທນ ກະຊວງປ້ອງກັນປະເທດ ສສ ຫວຽດນາມ ທີໄດ້ນຳເອົາຄວາມຢື້ຢາມຖາມຂ່າວອັນອົບອຸ່ນ ແລະ ທັງເປັນການປະກອບສ່ວນອັນສຳຄັນເຂົ້າໃນການຮັດແໜ້ນ ສາຍພົວພັນອັນພິເສດ ແລະ ການພົວພັນ ຮ່ວມມືຮອບດ້ານ , ລະຫວ່າງສອງພັກ , ສອງລັດ ແລະ ປະຊາຊົນສອງຊາດ ຫວຽດນາມ – ລາວ ທີ່ມີມາແຕ່ດົນນານເວົ້າລວມເວົ້າສະເພາະແມ່ນການຮ່ວມມືຂອງສອງກະຊວງໃນການປົກປ້ອງຮັກສາຄວາມສະຫງົບ , ຄວາມເປັນລະບຽບຮຽບຮ້ອຍ ລຽບຕາມຊາຍແດນ , ກໍຄືບັນດາດ່ານກວດກາຄົນເຂົ້າອອກເມືອງ ຕະຫຼອດໄລຍະທີ່ຜ່ານມາກໍ່ຄືປັດຈຸບັນປະຊົນໄດ້ມີການພົວພັນໄປມາສະດວກສະບາຍ.

Off

Comments are closed.