15th Oct2013

ຄະນະພັກກະຊວງປ້ອງກັນຄວາມສະຫງົບ ໄຫວ້ອາໄລສະຫາຍ ພົນເອກ ຫວໍ້ ຫງວຽນ ຢາບ

by somchan

ໃນທີວັນທີ 12 ຕຸລາ ຜ່ານມານີ້, ຄະນະພັກກະຊວງ ປ້ອງກັນຄວາມສະຫງົບນຳໂດຍທ່ານພົນຈັດຕະວາ ສົມແກ້ວ ສີລາວົງ ກຳມະການສູນກາງພັກ ຄະນະ ພັກກະຊວງ ລັດຖະມົນຕີຊ່ວຍວ່າການກະ ຊວງປ້ອງກັນຄວາມສະຫງົບ ພ້ອມດ້ວຍຄະນະໄດ້ ວາງພວງມາລາ ທີ່ສະຖານເອກອັກຄະລະຖະທູດ ແຫ່ງ ສສ ຫວຽດນາມ ປະຈຳຢູ່ ສປປລາວ ເພື່ອໄຫວ້ອາໄລເຖິງດວງວິນຍານຂອງສະຫາຍ ຫວໍ້ ຫງວຽນ ຢາບ ອະດີດກຳມະການກົມການເມືອງສູນກາງພັກ, ອະດີດຄະນະພັກການທະຫານສູນກາງ, ອະດີດນາຍົກລັດຖະມົນຕີຜູ້ປະຈຳການ, ອະດີດລັດຖະມົນຕີວ່າການກະຊວງປ້ອງກັນປະເທດ, ຜູ້ບັນຊາການສູງສຸດກອງທັບປະຊາຊົນຫວຽດນາມ, ສະມາຊິກສະພາແຫ່ງຊາດຊຸດທີ I ເຖິງທີ VII , ວິລະບູລຸດແຫ່ງຊາດຫວຽດນາມ ທີ່ໄດ້ເຖິງແກ່ມໍລະນະກຳໄປແລ້ວ ໃນເວລາ 8:00 ໂມງຂອງວັນທີ 4 ຕຸລາ 2013 ລວມອາຍຸໄດ້ 103 ປີ.

ເພື່ອສະແດງຄວາມຮູ້ບຸນຄຸນ ແລະຄຸນງາມຄວາມດີຂອງສະຫາຍທີ່ໄດ້ປະກອບສ່ວນຢ່າງຕັ້ງໜ້າຕໍ່ປະເທດຊາດ ພ້ອມນີ້, ບັນດາຄະນະນຳກະຊວງປ້ອງກັນຄວາມສະຫງົບ ຍັງໄດ້ເຊັນປຶ້ມບັນທຶກໄຫວ້ອາໄລຕໍ່ດວງວິນຍານຂອງສະຫາຍ ພົນເອກ ຫວໍ້ ຫງວຽນ ຢາບ ນຳອີກ

Off

Comments are closed.