14th Feb2020

ຄາດຕະກອນຊິງຊັບຖືກຈັບໄດ້ໃນເວລາພຽງ 03 ຊົ່ວໂມງຫຼັງລົງມືກໍ່ເຫດ.

by somchan

 

ເຈົ້າໜ້າທີ່ຕໍາຫຼວດ ກອງບັນຊາການ ປກສ ແຂວງ ບໍລິຄຳໄຊ ໄດ້ໃຫ້ຮູ້ວ່າ: ພາຍຫຼັງ ເຈົ້າໜ້າທີ່ ປກສ ເມືອງ ປາກກະດິງ ໄດ້ຮັບລາຍງານຈາກພົນລະເມືອງໃນຄັ້ງວັນທີ 09 ກຸມພາ 2020 ເວລາ ປະມານ 18 ໂມງ 30 ນາທີ ໄດ້ມີການຄາດຕະກຳ ເກີດຂື້ນ ຢູ່ບ້ານ ໂພນຈະເລີນ ເມືອງ ປາກກະດິງ ແຂວງ ບໍລິຄຳໄຊ ຈື່ງໄດ້ແຕ່ງຕັ້ງກໍາລັງເຈົ້າໜ້າທີ່ຕໍາຫຼວດ ພະແນກ ສືບສວນ-ສອບສວນ ລົງສົມທົບກັບເຈົ້າໜ້າທີ່ ປກສ ເມືອງ ປາກກະດິງ ພ້ອມກັບອຳນາດການປົກຄອງບ້ານ ໂພນຈະເລີນ ຮ່ວມກັນຊັນນະສູດສະຖານທີ່ເກີດເຫດ, ພົບເຫັນຜູ້ເສຍຊີວິດເປັນເພດຊາຍ, ຊື່ ທ້າວ ພົງເພັດ ອາຍຸ 25 ປີ ປະຊາຊົນ ບ້ານ ນາຂ່າ ເມືອງ ນາຊາຍທອງ ນະຄອນຫຼວງວຽງຈັນ ຜ່ານການຊັນນະສູດຊາກສົບຜູ້ເສຍຊີວິດ ມີບາດແຜຖືກແທງດ້ວຍວັດຖຸທີ່ແຫຼມຄົມ ຕາມສັນຫຼັງ, ບໍລິເວນງ່ອນ ແລະ ກ້ານຄໍ ຈຳນວນ 07 ຈຸດ, ຈາກນັ້ນເຈົ້າໜ້າທີ່ຈື່ງໄດ້ກໍານົດ ຕົວເປົ້າໝາຍ ພ້ອມທັງປະສານສົບທົບກັບອຳນາດການປົກຄອງບ້ານອ້ອມຂ້າງໃຫ້ສະກັດກັ້ນ, ຕິດຕາມຈັບຕົວຜູ້ກໍ່ເຫດ, ຈົນຮອດເວລາ 21 ໂມງ ຂອງວັນດຽວກັນ ຈຶ່ງສາມາດກັກຕົວຜູ້ກະທຳຜິດໄດ້ ຊື່ ທ້າວ ສອນໄຊ ຫຼື ( ຊັນ ) ອາຍຸ 23 ປີ ປະຊາຊົນບ້ານ ໂພນຈະເລີນ ເມືອງ ປາກກະດິງ ແຂວງ ບໍລິຄຳໄຊ

ຜ່ານການສືບສວນ-ສອບສວນ ຂອງເຈົ້າໜ້າທີ ທ້າວ ສອນໄຊ ຫຼື ຊັນ ໄດ້ໃຫ້ການຮັບສາລະພາບວ່າ: ໄດ້ລົງມືຄາດຕະກຳ ທ້າວ ພົງເພ້ດ ແທ້ ໂດຍໃຊ້ມິດແທງໃສ່ງ່ອນ, ສັນຫຼັງ ແລະ ກ້ານຄໍ ໂດຍກ່ອນລົງມືກໍ່ເຫດ ຜູ້ກ່ຽວໄດ້ໄປດື່ມສ້າງສັນ ກັບໝູ່ຢູ່ພາຍໃນບ້ານ ແລະ ກັບຜູ້ຕາຍ ແລ້ວເກີດມີແນວຄິດຢາກໄດ້ ລົດຈັກຫຍີ້ຫໍ ຢາມາຮາ R15 ຂອງຜູ້ຕາຍຈືງໄດ້ວາງແຜນຄາດຕະກຳເພື່ອຊີງຊັບ ນອກຈາກນີ້ຜູ້ກ່ຽວຍັງມີພືດຕິກຳເສບຢາບ້ານຳອີກ

ປະຈຸບັນເຈົ້າໜ້າທີ ພວມດຳເນີນຄະດີຕາມລະບຽບກົດໝາຍ

Comments are closed.