03rd Aug2018

ແກ້ຂ່າວກ່ຽວກັບວ່າ: ມີຄົນ​ບໍ່​ດີເຄື່ອນ ໄຫວຈັບເດັກນ້ອຍ ເພື່ອເອົາອາໄວຍະວະ.

by somchan

ຕໍ່ກັບເຫດການທີ່ພວມເປັນກະແສ ໃນສື່ສັງຄົມອອນລາຍ ກໍລະນີ ວ່າມີກຸ່ມຄົນບໍ່ດີຈຳນວນ 70 ຄົນ ມາຈາກປະເທດເພື່ອນບ້ານ ມາເຄື່ອນໄຫວຈັບເດັກນ້ອຍ ເພື່ອເອົາອາໄວຍະວະ ແລະ ໄດ້ມີແຈ້ງການຂອງນາຍບ້ານ ບ້ານນາພະນັງ ເມືອງບົວລະພາ ແຂວງຄຳມ່ວນ ເພື່ອເຕືອນສະຕິໃຫ້ປະຊາຊົນລະມັດລະວັງຕົວ.

ຕໍ່ກັບເຫດການດັ່ງກ່າວ ພັທ ວົງມາ ໄຊສີຈັນ ຫົວໜ້າກອງບັນຊາການ ປກສ ເມືອງບົວລະພາ ແຂວງຄຳມ່ວນ ໄດ້ໃຫ້ສຳພາດ ວ່າ​ບໍ່​ມີ​ມູນ​ຄວາມ​ຈິງ​ ຄື​ທີ່​ອອກຜ່ານ​ທາງ​ສື່​ອອນ​ລາຍ​ແຕ່​ຢ່າງ​ໃດ.

(ຟັງສຽງ ພັທ ວົງ​ມາ ໄຊສີຈັນ)

ສ່ວນ​ແຈ້ງ​ການ​ຂອງ​ນາຍບ້ານ ບ້ານ​ນາ​ພະນັງ ​ແມ່ນ​ເປັນ​ການ​ແຈ້ງ​ການ​ຂອງ​ນາຍບ້ານ​​ແທ້, ​ແຕ່​ເມື່ອ​ມາກ​ວດກາ​ແລ້ວ​ເຫັນ​ວ່າ​ຂໍ້​ມູນ​ທີ່​ທາງ ບ້ານ​ໄດ້​ຮັບ​ແຫຼ່ງຂ່າວ​ມາ​ນັ້ນ ​ແມ່ນ​ບໍ່​ມີ​ມູນ​ຄວາມ​ຈິງ ​ແລະ ປະຈຸ​ບັນ ກໍ່​ໄດ້​ແຈ້ງ​ການ​ຄືນ ​ເພື່ອ​ບໍ່​ໃຫ້​ປະຊາຊົນ ມີ​ຄວາມ​ຕື່ນ​ຕົກ​ໃຈ​ກັບ​ຂໍ້​ມູນ ​ແລະ ​ແຫຼ່ງຂ່າວ​ທີ່​ສັງຄົມ​ໄດ້​ຮັບ ຈາກ​ສື່​ອອນ​ລາຍ, ທີ່​ສົ່ງ​ຜົນ​ກະທົບ​ຕໍ່​ຄວາມ​ບໍ່​ສະຫງົບ​ຂອງ​ສັງຄົມ.

(ຟັງສຽງ ນາຍບ້ານພະນັງ)

Off

Comments are closed.