19th Dec2018

ງານມະຫາກຳບຸນຊ້າງປະຈຳປີ 2019 ຈະມີຊ້າງເຂົ້າຮ່ວມກິດຈະກຳ 70 ເຊືອກ

by somchan

 

     ງານມະຫາກຳບຸນຊ້າງແຂວງໄຊຍະບູລີ ເປັນງສວນໜື່ງທີ່ເປັນເອກກະລັກຂອງແຂວງ ເຊີ່ງຈະຈັດຂື້ນໃນເດືອນກຸມພາຂອງທຸກໆປີ ຈຸດປະສົງຂອງການຈັດງານກໍ່ເພື່ອເປັນ ການອະນຸລັກຮັກສາຊ້າງລາວ ເພາະຊ້າງເປັນມູນມໍລະດົກ ຂອງຊາດທັງເປັນມິ່ງຂັວນຄູ່ບ້ານຄູ່ເມືອງ.

 

ທ່ານ ຍັນຍົງ ສີປະເສີດ ຮອງເລຂາພັກແຂວງ,ຮອງເຈົ້າແຂວງ,ທັງເປັນປະທານຈັດງານມະຫາກຳບຸນຊ້າງ ແຂວງ ໄຊຍະບູລີ ໄດ້ຖະແຫຼ່ງຂ່າວຕໍ່ສູ່ມວນຊົນ ໃນຕອນບ່າຍຂອງວັນທີ່ 18 ທັນວາ 2018ນີ້ວ່າ: ການຈັດງານມະຫາກຳບຸນຊ້າງ ໄຊຍະບູລີ ຄັ້ງທີ່ 13 ປະຈຳປີ 2019 ຈະເລີມຢ່າງເປັນທາງການໃນວັນທີ່ 23-28 ກຸມພາ 2019 ເຊີ່ງຈະມີ ຊ້າງເຂົ້າຮ່ວມທັງໝົດ 70 ໂຕ ທັງນີ້ກໍ່ເພື່ອເປັນການຂັບນັບຮັບຕ້ອນ ແລະ ສະແດງເຖີງການສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທັງເປັນການສືບຕໍ່ຮັກສາວັດທະນາທຳ,ຮິດຄອງປະເພນີອັນດີງາມ ແລະ ວິຖີການດຳລົງຊີວິດຂອງປະຊາຊົນບັນດາເຜົ່າຂອງ ແຂວງ ໄຊຍະບູລີ ທີ່ຕິດພັນກັບຊ້າງມາແຕ່ອາດິດຕະການໃຫ້ຢືນຢົງຄົງຕົວຄຽງຄູ່ກັບປະຊາຊົນຕະຫຼອດໄປ ນອກນີ້ຍັງເປັນການສົ່ງເສີມກິດຈະກຳອະນຸລັກຊ້າງ ໃຫ້ຊ້າງຈຳນວນ 70 ໂຕ ທີ່ມາຈາກທົ່ວແຂວງ ໄດ້ພົບກັນ,ປະສົມພັນກັນ ແລະ ກໍ່ໃຫ້ເກີດການສືບພັນໃນອານາຄົດ,ເປັນເວທີການສະແດງທັດສະຄວາມສາມາດໃນການຄວບຄຸມຊ້າງ ຕໍ່ສາທາລະນະຊົນ ແລະ ຍັງເປັນບ່ອນແລກປ່ຽນບົດຮຽນຂອງຄວານຊ້າງ ເພື່ອສືບທອດອາຊີບລ້ຽງຊ້າງໃຫ້ຄົງຢູ່ຄູ່ກັບຊາວແຂວງ ໄຊຍະບູລີຕະຫຼອດໄປ,ພ້ອມທັງໃຫ້ປະຊາຊົນ,ນັກທ່ອງທ່ຽວໄດ້ເຫັນການດຳລົງຊີວິດຂອງຊ້າງ,ຮູ້ບຸນຄຸນ ແລະ ຖືຄວາມສຳຄັນຂອງຊ້າງ ທີ່ເຄີຍຢູ່ຄູ່ບ້ານຄູ່ເມືອງຕັ້ງແຕ່ອາດິດຈົນເຖີງປະຈຸບັນ,ສຳລັບກິດຈະກຳລັກຂອງການຈັດງານແມ່ນຈະເນັ້ນໜັກກິດຈະກຳທີ່ຕິດພັນກັບຊ້າງ ແລະ ການອະນຸລັກຊ້າງໂດຍສະເພາະແມ່ນການສະແດງຂອງຊ້າງຄຳຮູ້,ພ້ອມກັນນີ້ໃນແຕ່ລະວັນຂອງໄລຍະການຈັດງານແມ່ນຈັດໃຫ້ມີກິດຈະກຳທ່ອງທ່ຽວແຫຼ່ງທຳມະຊາດທີ່ສວຍງາມ,ວັດທະນາທຳຂອງປະຊາຊົນ 8 ເຜົ່າທີເປັນເອກກະລັກຂອງຊາວແຂວງໄຊຍະບູລີ ນອກຈາກນີ້ໃນບຸນຍັງປະກອບມີກິດຈະກຳຕ່າງໆເປັນຕົ້ນແມ່ນ:ພິທີເຮັດບຸນຕັກບາດອຸທິບຸນກຸສົນໃຫ້ຊ້າງ,ມີການວາງສະແດງ ແລະ ຈຳນ່າຍສີນຄ້າໜື່ງເມືອງໜື່ງຜະລິດຕະພັນ,ສີນຄ້າກະສິກຳ,ຫັດຖະກຳ,ອຸດສາຫະກຳປຸງແຕ່ງທີ່ເປັນເອກກະລັກຂອງທ້ອງຖິ່ນ ພາຍໃນແຂວງ ຕ່າງແຂວງ ແລະ ສີນຄ້າຕ່າງໆຈາກປະເທດໃກ້ຄຽງ ພ້ອມກັນນັ້ນ ແຕ່ລະຄືນຍັງມີການຄົບງັນ,ການສະແດງຄອນເສີດ,ສີນລະປະວັນນະຄະດີຈາກພາກສ່ວນຕ່າງໆໃນໂອກາດດຽວກັນນີ້ ທ່ານ ຍັນຍົງ ສີປະເສີດ ຍັງໄດ້ເຊີນຊວນບັນດາທ່ານ,ນັກທ່ອງທ່ຽວຈາກພາຍໃນ ແລະ ຕ່າງປະເທດ ໃຫ້ເຂົ້າມາທ່ຽວມາຊົມງານມະຫາກຳບຸນຊ້າງຢູ່ແຂວງໄຊຍະບູລີຕາມກຳນົດເວລາດັ່ງກ່າວຂ້າງເທີ່ງນີ້.

 

 

 

 

 

Off

Comments are closed.