08th Apr2019

ງານແຂ່ງຂັນກິລາຍີງປືນຊີງຂັນ ທ່ານຮອງນາຍົກລັດຖະມົນຕີ ຂຳນັບຮັບຕ້ອນວ້ນສ້າງຕັ້ງກຳລັງ ປກສ ຄົບຮອບ 58 ປີ

by somchan

ໃນວັນທີ 6 ເມສາ 2019 ນີ້ ຢູ່ທີສະໝາມກິລາຍີງປືນ 5 ເມສາ ກະຊວງ ປກສ ໄດ້ຈັດງານແຂ່ງຂັນກິລາຍີງປືນ ຊີງຂັນ ທ່ານ ປອ ສອນໄຊ ສີພັນດອນ ຮອງນສຍົດລັດຖະມົນຕີ ແຫ່ງ ສປປ ລາວ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງ ກຳລັງປ້ອງກັນຄວາມສະຫງົບ ຄົບຮອບ 58 ປີ ຄຶື: ວັນທີ 5 ເມສາ 1961 ເຖີງ 5 ເມສາ 2019 ໂດຍການໃຫ້ກຽດເຂົ້າຮ່ວມຂອງພະນະ ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ມີ ພົອ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ພົທ ວີໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ, ພ້ອມດ້ວຍຄະນະນຳກະຊວງທະຫານ ກົມຕ່າງໆ ອ້ອມຂ້າງສູນກາງ, ບັນດາກົມໃຫ່ຍ, ກົມກອງອ້ອມຂ້າງ ກະຊວງ ປກສ ແລະ ນັກກິລາຍີງປືນ ຈາກພາກສ່ວນຕ່າງໆເຂົ້າຮ່ວມ.

ພົຕ ສີນທະວົງ ໄຊຍະກອນ ຮອງລັດຖະມົນຕີ ກະຊວງ ປກສ ໄດ້ກ່າວເຖີງ ປະຫວັດການເຕີບໃຫ່ຍເຂັ້ມແຂງ ຂອງກຳລັງ ປກສ ທີ່ຜ່ານຂະບວນການວິວັດຢ່າງມີວິທະຍາສາດ ນັບແຕ່ມື້ໄດ້ຮັບການສ້າງຕັ້ງຈົນມາເຖີງປະຈຸບັນ ກຳລັງ ປກສ ແມ່ນມີຄວາມກ້າວໜ້າ, ເຕີບໃຫ່ຍຢ່າງໜັກແໜ້ນເຂັມແຂງ ທາງດ້ານປະລິມານ ແລະ ຄຸນນະພາບ.

ພ້ອມດຽວກັນນີ້ ພົຕ ສີນທະວົງ ໄຊຍະນິກອນ ຍັງໄດ້ກ່າວເຖີງທີ່ຕັ້ງ, ພາລະບົດບາດ ຂອງສະໝາມກິລາຍີງປືນ 5 ເມສາ ກະຊວງ ປກສ ເຊີງເປັນສະຖານທີຝືກແອບການນຳໃຊ້ອາວຸດ ໃຫ້ແກ່ກຳລັງວິຊາສະເພາະ ຂອງກຳລັງ ປກສ ແລະ ເປັນບ່ອນຝືກຊ້ອມໃຫ້ກັບນັກກິລາ ຍີງປືນ ທີມຊາດທຸກປະເພດ ເພື່ອກຽມຄວາມພ້ອມ ເຂົ້າຮ່ວມແຂ່ງຂັນຢູ່ພາຍໃນ ແລະ ຕ່າງປະເທດ.

ໃນໂອກາດດຽວກັນນີ້ ພະນະທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ແລະ ແຂກທີ່ຖືກເຊີນກໍ່ໄດ້ຊົມສະຖານທີ ຝືກຊ້ອມຍີງປືນໃນຄັ້ງນີ້ອີກດ້ວຍ.

ສຳລັບການແຂ່ງຂັນກິລາຍີງປືນ ຊີງຂັນທ່ານນາຍົກລັດຖະມົນຕີ ເນື່ອງໃນໂອກາດວັນສ້າງຕັ້ງກຳລັງ ປກສ ຄົບຮອບ 58 ປີ ໃນຄັ້ງນີ້ແມ່ນປະເພດຍີງປືນສັ້ນ ຍີງໄລຍະ 15 ແມັດ ແບ່ງເປັນສອງສາຍ ຜົນການແຂ່ງຂັນ ສາຍການນຳ VIP ໝືງ ແມ່ນທ່ານຖະໝອມ ທຳທອງ ເຈົ້າເມືອງໄຊເຊດຖາ, ອັນດັບສອງ ທ່ານ ນາງສາຍສະໝອນ ຈັນທະຈັກ ຮອງຜູ້ວ່າການທະນາຄານ ແຫ່ງ ສປປ ລາວ, ອັນດັບສາມ ທ່ານ ສອນທະນູ ທຳມະວົງ ປະທານສະຖາບັນ ວິທະຍາສາດ ສັງຄົມແຫ່ງຊາດ, ອັນດັບສີ ແມ່ນທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສືກສາທິການ ແລະ ກິລາ ແລະ ສຳລັບສາຍການນຳ VIP ສອງ ຊະນະເລີດ ແມ່ນ ພົຕ ສົມຫັວງ ທຳມະສິດ ຮອງນາຍົກລັດຖະມົນຕີກະຊວງ ປກສ , ອັນດັບສອງ ພົຈວ ດວງປີ ດາມະນີວົງ ຫົວໜ້າກົມກວດກາ-ກວດການ , ອັນດັບ 3 ພັອ ມາລາ ວິລະຈິດ ຫົວໜ້າກົມຄົ້ນຄ້ວາ ວິທະຍາສາດ ແລະ ອັນດັບ 4 ແມ່ນ ພົຈວ ຄຳມ້າວ ຫຼ້າຈັນເພັດ ຮອງຫົວໜ້າກົມໃຫ່ຍສັນຕິບານ ກະຊວງ ປກສ ເປັນກຽດມອບລາງວັນໃນຄັ້ງນີ້ໂດຍແມ່ນ ພະນະທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ ແລະ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ.

ໃນໂອກາດດັ່ງກ່າວ ພົຈວ ສີສະຫວາດ ແກ້ວມາລາວົງ ຫົວໜ້າຫ້ອງວ່າການ ກະຊວງ ປກສ ທັງເປັນຄະນະຮັບຜິດຊອບຈັດງານແຂ່ງຂັນ ກິລາຍີງປືນ ໃນຄັ້ງນີ້.

 

Off

Comments are closed.