06th Nov2019

ຈັບຕົວກຸ່ມພວກຄ້າຂາຍຢາເສບຕິດ ພ້ອມຂອງກາງຫຼາຍລາຍການ

by somchan

ໃນວັນທີ 31 ຕຸລາ 2019 ນີ້ ເຈົ້າໜ້າທີ່ພະແນກຕຳຫຼວດ ສະກັດກັ້ນແລະຕ້ານຢາເສບຕິດ ກອງບັນຊາການ ປກສ ແຂວງ ອຸດົມໄຊ ສາມາດຈັບຕົວພວກຄ້າຂາຍຢາເສບຕິດ ໄດ້ 3 ຄົນ ຢູ່ເຂດ ບ້ານຫຼັກ 4 ແລະ ບ້ານ ດອນໄຊ ເມືອງ ໄຊ ແຂວງ ອຸດົມໄຊ ຊື່ງມີຜູ້ຕ້ອງຫາຄື: ທ້າວ ຫົວວັາ ຊົງ ອາຍຸ 40 ປີ, ນາງ ໄຊ ທໍ ອາຍຸ 40 ປີ ,ທັງສອງຄົນເປັນຜົວເມຍກັນ ແລະ ທ້າວ ວົວຊົງ ອາຍຸ 21 ປີ ເປັນລູກຊາຍ ພວກກ່ຽວແມ່ນຢູ່ ບ້ານ ຫຼັກ 4 ແລະ ບ້ານ ດອນໄຊ ເມືອງໄຊ ແຂວງ ອຸດົມໄຊ ພ້ອມຂອງກາງຢາບ້າຈຳນວນ 62 ມັດ ເທົ່າກັບ 124,000 ເມັດ, ຢາໄອ 2 kg, ເຮໂລອິນ 500 ກຼາມ, ແປັງໃຊ້ປະສົມຢາເສບຕິດ 20 ກວ່າກິໂລກຼາມ, ເຄື່ອງອັດຢາບ້າ 2 ເຄື່ອງ, ໄດປັ່ນໄຟ 1 ເຄື່ອງ, ເຄື່ອງປະສົມຢາເສບຕິດ 1 ເຄື່ອງ, ຫົວອັດເມັດຢາບ້າ 48 ຫົວ, ຖົງບັນຈຸຢາບ້າ 1 ເປົາ ແລະ ພາຫານະ ອຸປະກອນ ວັດຖຸເງີນຄຳ ໃຊ້ສຳລັບເຄື່ອນໄຫວ ຄ້າຂາຍຢາເສບຕິດ ອີກຈຳນວນໜື່ງ.

ຜ່ານການສືບສວນ-ສອບສວນ ຂອງເຈົ້າໜ້າທີ່ ພວກກ່ຽວທັງ 3 ຄົນ ໄດ້ໃຫ້ການຮັບສາມາດວ່າເຄືອງຂອງກາງ ທີທາງເຈົ້າໜ້າທີ່ຍຶດມານັ້ນ ແມ່ນເປັນຂອງພວກກ່ຽວແທ້ ຊື່ງໄດ້ຮ່ວມກັນຜະລິດ ແລະ ຄ້າຂາຍຢາເສບຕິດ.

ປະຈຸບັນເຈົ້າໜ້າທີ ພວມດຳເນີນຄະດີຕາມລະບຽບກົດໝາຍ.

Off

Comments are closed.