26th Apr2018

ຈັບຕົວກຸ່ມເປົ້າໝາຍຄ້າຂາຍຢາເສບຕິດ ພ້ອມຂອງກາງຢາບ້າ 12 ມັດ

by somchan

ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງຄຳມ່ວນ ໄດ້ລາຍງານໃຫ້ຮູ້ວ່າ: ໃນວັນທີ 11 ເມສາ 2018 ເວລາປະມານ 14:00 ເຈົ້າໜ້າທີ່ຕຳຫຼວດໄດ້ມ້າງກຸ່ມເປົ້າໝາຍ ເຄື່ອນໄຫວຄ້າຂາຍຢາເສບຕິດ ຢູ່ທາງເລກທີ 12 ເຂດເຊື່ອມຕໍ່ ລະຫວ່າງບ້ານໂພນສະຫວ່າງ ເມືອງຍົມມະລາດ ແລະ ບ້ານອີ່ລັນ ເມືອງມະຫາໄຊ ແຂວງຄຳມ່ວນ ພົບເຫັນກຸ່ມເປົ້າໝາຍ ກຳລັງຂັບຂີ່ລົດຈັກມານຳກັນ 3 ຄົນ ຈຶ່ງໄດ້ເຂົ້າກວດພົບຄົ້ນ ພົບເຫັນຂອງກາງເປັນຢາບ້າຈຳນວນ 12 ມັດ ເທົ່າກັບ 24.000 ເມັດ.

ຜູ້ຕ້ອງຫາ 3 ຄົນມີຄື: ທ້າວແກ້ວ ອາຍຸ 30 ປີ ຢູ່ບ້ານເລົ່າງາມ ເມືອງຍົມມະລາດ ແຂວງຄຳມ່ວນ, ທ້າວເລັ່ງຊົງ ອາຍຸ 30 ປີ, ທ້າວຄຳເພັດ ຫຼື ເສັ້ງ ອາຍຸ 37 ປີ ທັງສອງຢູ່ບ້ານທົ່ງແສນເມືອງຄຳເກີດ ແຂວງບໍລິຄຳໄຊ.

ປັດຈຸບັນ, ພວມເຈົ້າໜ້າທີ່ຕຳຫຼວດດຳເນີນການສືບສວນ-ສອບສວນ ຂະຫຍາຍຜົນຫາຜູ້ຮ່ວມຂະບວນການມາດຳເນີນຄະດີຕາມກົດໝາຍ

 

Off

Comments are closed.