30th Jan2018

ຈັບຕົວກຸ່ມເປົ້າໝາຍລັກລອບຂົນສົ່ງ ຢາເສບຕິດ 2 ຄົນ ພ້ອມຂອງກາງຢາບ້າ 21.000 ກວ່າເມັດ

by somchan

ໃນກາງເດືອນມັງກອນ 2018 ຜ່ານມານີ້ ພະແນກ ຕຳຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງສະຫວັນນະເຂດ ໄດ້ສົມທົບກັບ ປກສ ກຸ່ມ ເຂົ້າຈັບຕົວກຸ່ມ ເປົ້າໝາຍສົ່ງຂົນຢາບ້າໄດ້ 2 ຄົນ ຢູ່ເຂດບ້ານໜອງນົກຂຽນເມືອງສອງຄອນ ແຂວງສະຫວັນນະເຂດ ພ້ອມຂອງກາງ ຢາບ້າຈຳນວນ 21,717 ເມັດ, ໂທລະສັບ 3 ເຄື່ອງ, ລົດໃຫ່ຍ 2 ຄັນ ແລະ ເຄື່ອງອື່ນໆ ອີກຈຳນວນໜື່ງ, ກັກຕົວຜູ້ຕ້ອງຫາໄດ້ 2 ຄົນ ຄຶ: ທ້າວ ທອງເພັດ ອາຍຸ 28 ປີ ຢູ່ບ້ານນາໄຮ່ ເມືອງ ຫາດຊາຍຟອງ ນະຄອນຫຼວງວຽງຈັນ ແລະ ນາງ ມົນທິດາ ອາຍຸ 22 ປີ ບ້ານ ສອນໄຊ ເມືອງໄກສອນພົມວິຫານ ແຂວງສະຫວັນນະເຂດ.

ຜ່ານການສຶບສວນພວກກ່ຽວໃຫ້ການຮັບສາລະພາບວ່າ: ຢາບ້າຈຳນວນດັ່ງກ່າວເປັນຂອງພວກກ່ຽວແທ້, ປັດຈຸບັນຄະດີດັ່ງກ່າວຍັງດຳເນີນການສຶບສວນ-ສອບສວນ ເພື່ອປະກອບສຳນວນຄະດີສົງອາຍາ.

Off

Comments are closed.