18th May2018

ຈັບຕົວໄດ້ແລ້ວ ກຸ່ມຄົນບໍ່ດີແອບອ້າງເປັນ ເຈົ້າໜ້າທີ່ຕຳຫຼວດປ້ອງກັນເຄື່ອນທີ່.

by somchan

ພົຈວ ຈັນສະແຫວງ ທິບຄູນທອງ ຫົວໜ້າ ກອງບັນຊາການປ້ອງກັນເຄື່ອນທີ່ ກະຊວງ ປ້ອງກັນຄວາມສະຫງົບ ໄດ້ຊີ້ແຈ້ງກ່ຽວກັບກໍລະນີ ທີ່ມີຄົນບໍ່ດີແອບອ້າງ ເປັນເຈົ້າໜ້າທີ່ຕຳຫຼວດປ້ອງກັນເຄື່ອນທີ່ ຂີ່ລົດສະເກມເລາະກວດເອົາຊັບສິນຂອງປະຊາຊົນ ຢູ່ຕາມເສັ້ນທາງຕ່າງໆໃນນະຄອນຫຼວງວຽງຈັນ ເຊິ່ງກໍ່ໃຫ້ເກີດມີຫາງສຽງວິພາກວິຈານຕ່າງໆນາໆ ໃນທາງເສຍຫາຍຕໍ່ເຈົ້າໜ້າທີ່ຕຳຫຼວດປ້ອງກັນ ເຄື່ອນທີ່ຈາກສັງຄົມ; ຕໍ່ກັບກໍລະນີດັ່ງກ່າວນີ້ ພາຍຫຼັງຄະນະພັກ-ຄະນະບັນຊາ ກອງບັນຊາການປ້ອງກັນເຄື່ອນທີ່ ໄດ້ຮັບແຈ້ງຂໍ້ມູນຈາກປະຊາຊົນ ກໍໄດ້ແຕ່ງຕັ້ງຈາກຄະນະກຳມະການ ເພື່ອແກ້ໄຂກໍລະນີດັ່ງກ່າວ ປະຈຸບັນແມ່ນສາມາດຈັບຕົວພວກຄົນບໍ່ດີທີ່ເຄື່ອນໄຫວກະທຳຜິດໄດ້ແລ້ວ.

ພົຈວ ຈັນສະແຫວງ ທິບຄູນທອງ ຍັງໃຫ້ຮູ້ຕື່ມອີກວ່າ: ໃນການປະຕິບັດໜ້າທີ່ຂອງກຳລັງປ້ອງກັນເຄື່ອນທີ່ ແມ່ນຈະບໍ່ອະນຸຍາດໃຫ້ມີການປັບໄໝເອົາເງິນປະຊາຊົນໂດຍພະລະການ ໃນກໍລະນີກວດພົບເຫັນການກະທຳຜິດເຊັ່ນ: ລັດແປງສະພາບເຕັກນິກລົດ, ຕິດເຄື່ອງສຽງດັງ, ທໍ່ດັງ ແລະ ອື່ນໆ ແມ່ນທາງເຈົ້າໜ້າທີ່ຈະໄດ້ກັກລົດໄວ້ ເພື່ອໃຫ້ປັບປຸງຄືນ ໃຫ້ຢູ່ໃນສະພາບເດີມ ແລະ ສຶກສາອົບຮົມກ່າວເຕືອນ.

Off

Comments are closed.