13th Feb2019

ຈັບຜູ້ຖືກຫາ 02 ຄົນ ພ້ອມຂອງກາງຢາບ້າ 103 ມັດ

by somchan

 

ວັນທີ 11 ກຸມພາ 2019 ນີ້ ເຈົ້າໜ້າທີ ເມືອງໄຊພູທອງ ແຂວງສະຫວັນນະເຂດ ໄດ້ຮັບແຈ້ງຈາກພົນລະເມືອງດີວ່າ: ມີກຸ່ມຄົນບໍ່ດີຈຳນວນໜື່ງ ກຳລັງເຄື່ອນໄຫວສົ່ງຢາເສບຕິດ (ຢາບ້າ) ຢູ່ເຂດບ້ານນາຄຳ ເມືອງໄຊພູທອງ ແຂວງ ສະຫວັນນະເຂດ ເມື່ອໄດ້ຂໍ້ມູນດັ່ງກ່າວ ຈືງໄດ້ຈັດຕັ້ງກຳລັງວິຊາສະເພາະ ລົງພິສູດແຫຼ່ງຂ່າວ ຜ່ານການພິສູດແຫຼ່ງຂ່າວ ເຫັນວ່າມີມູນຄວາມຈີງ ຈືງຈັດຕັ້ງກຳລັງ ເພື່ອມ້າງຄະດີ ເມື່ອມາຮອດເວລາປະມານ 21:00 ຂອງວັນດຽວກັນ ຈືງສາມາດກັກຕົວເປົ້າໝາຍໄດ້ 2 ຄົນ ພ້ອມຂອງກາງຢາບ້າ 103 ມັດ ກັບ 08 ຖົງ ເທົ່າກັບ 107.600 ເມັດ ແລະ ໂທລະສັບ 02 ໜ່ວຍ ທີ່ພວກກ່ຽວຊຸກເຊື່ອງໄວ້ຢູ່ຖຽງນາ ຜູ້ຖືກຫາ ທ້າວ ກິ ສີຫາລາດ ອາຍຸ 43 ປີ ແລະ ທ້າວ ບົວວອນ ແກ້ວພອນວິໄລ ອາຍຸ 37 ປີ ທັງສອງຢູ່ບ້ານນາຄຳ ເມືອງໄຊພູທອງແຂວງສະຫວັນນະເຂດ

ຜ່ານການສືບສວນ ພວກກ່ຽວ ທັງ 02 ຮັບສາລະພາບວ່າ: ຢາບ້າຈຳນວນດັ່ງກ່າວນັ້ນແມ່ນຂອງພວກກ່ຽວແທ້ ປະຈຸບັນຄະດີດັ່ງກ່າວຍັງຢູ່ໃນຂັ້ນຕອນສືບສວນ-ສອບສວນຂະຫຍາຍຜົນ ຫາຜູ້ຮ່ວມຂະບວນການມາລົງໂທດຕາມກົດໝາຍບ້ານເມືອງຕໍ່ໄປ.

Comments are closed.