13th Aug2018

ຈັບເປົ້າໝາຍຄ້າຂາຍຢາເສບຕິດ ຂະຫຍາຍຜົນຈັບໄດ້ຕື່ມອີກ 3 ຄົນ ພ້ອມຂອງກາງຢາບ້າ 25 ພັນກວ່າເມັດ

by somchan

ໃນທ້າຍເດືອນກໍລະກົດ 2018 ນີ້ ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ສົມທົບກັບ ປກສ ກຸ່ມບ້ານ ເຂົ້າຈັບຕົວເປົ້າໝາຍຄ້າຂາຍຢາເສບຕິດ ຢູ່ບ້ານທ່ານາແລ້ງ ເມືອງຫາດຊາຍຟອງ ໄດ້ 1 ຄົນ, ແລ້ວຂະຫຍາຍຜົນຫາຜູ້ຮ່ວມຂະບວນການອີກ 3 ຄົນ, ລວມຂອງກາງຢາບ້າທີ່ຍຶດໄດ້ 25.613 ກວ່າເມັດ.

ຜູ້ຖືກຫາທັງ 4 ຄົນມີ: ທ້າວສຸກິນດາ ຫຼືເໝັ້ນ ອາຍຸ 19 ປີ, ທ້າວດວງຕາວັນ ຫຼື ປີ້ ອາຍຸ 27 ປີ, ທັງສອງຢູ່ບ້ານທ່ານາແລ້ງ ເມືອງຫາດຊາຍຟອງ, ທ້າວກັນຕັນຍຸ ຫຼື ຍຶດ ອາຍຸ 24 ປີ, ບ້ານດອງວັງໂພ ແລະ ທ້າວຂຽດ ອາຍຸ 37 ປີ ບ້ານໂດນ ທັງສອງຢູ່ເມືອງປາກງື່ມ ນະຄອນຫຼວງວຽງຈັນ

ປະຈຸບັນ, ພວກກ່ຽວທັງ 4 ຄົນ ເຈົ້າໜ້າທີ່ພວມສືບສວນ-ສອບສວນຕາມຂັ້ນຕອນຂອງກົດໝາຍ.

Off

Comments are closed.