30th Jan2018

ຈັບເປົ້າໝາຍຄ້າຂາຍຢາເສບຕິດ 2 ຄົນພ້ອມຢາບ້າ 8.520 ເມັດ

by somchan

ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາ ເສບຕິດ ປກສ ເມືອງສີສັດຕະນາກນະຄອນຫຼວງວຽງຈັນ ໄດ້ລາຍງານໃຫ້ຮູ້ວ່າ: ໃນວັນທີ 24 ມັງກອງ 2018 ນີ້ ໄດ້ຈັບເປົ້າໝາຍຄ້າຂາຍຢາເສບຕິດ ໄດ້ 2 ຄົນພ້ອມຢາບ້າ 8.520 ເມັດ ຄື: ສຸລິຄານ (ອິດ) ອາຍຸ 28 ປີ ຢູ່ບ້ານສີບຸນເຮືອງ ເມືອງຈັນທະບູລີ ນະຄອນຫຼວງວຽງຈັນ ພ້ອມຢາບ້າ 1.520 ເມັດ ແລະ ທ້າວບຸນມີ (ໂກ້) ອາຍຸ 32 ປີ ຢູ່ບ້ານທົ່ງປົ່ງ ເມືອງສີໂຄດຕະບອງ ນະຄອນຫຼວງວຽງຈັນ ພ້ອມຢາບ້າ 7.000 ເມັດ ເຊິ່ງທັງ 2 ຄົນ ຖືກເຈົ້າໜ້າທີ່ຈັບຕົວໄດ້ຢູ່ທີ່ເຮືອນຂອງພວກກ່ຽວເອງ.

ຜ່ານການສືບສວນ-ສອບສວນພວກກ່ຽວໄດ້ໃຫ້ການສາລະພາບວ່າ: ຢາບ້າຈຳນວນດັ່ງກ່າວແມ່ນຂອງພວກກ່ຽວແທ້ ເຊິ່ງໄດ້ມີການພົວພັນຄ້າຂາຍຢາເສບຕິດຮ່ວມກັນ ແລະ ນຳໄປຈຳໜ່າຍໃຫ້ຊາວໜຸ່ມຢູ່ເຂດບ້ານຂອງຕົນ.

ປະຈຸບັນ ພວມຢູ່ໃນຂັ້ນຕອນສືບສວນ-ສອບສວນຂະຫຍາຍຜົນຂອງເຈົ້າໜ້າທີ່ເພື່ອພາຜູ້ຮ່ວມຂະບວນການມາດຳເນີນຄະດີຕາມຂັ້ນຕອນຂອງກົດໝາຍ

Off

Comments are closed.