27th Mar2020

ຈີນໃຫ້ການຊ່ວຍເຫຼືອດ້ານອຸປະກອນການແພດແກ່ລາວໃນການປ້ອງກັນ ແລະ ສະກັດກັ້ນພະຍາດໂຄວິດ- 19

by somchan

ວັນທີ 26 ມີນາ 2020 ນີ້ ສະຖານທູດ ສປ ຈີນປະຈໍາ ສປປ ລາວໄດ້ເຜີຍໃຫ້ຮູ້ວ່າ, ພັກ ແລະ ລັດຖະບານຈີນໄດ້ໃຫ້ ຄວາມເອົາໃຈໃສ່ຢ່າງສູງຕໍ່ການຮ່ວມມືກັບຝ່າຍລາວ ໃນການປ້ອງກັນ ແລະ ຄວບຄຸມພະຍາດໂຄວິດ-19.

ລັດຖະບານຈີນໄດ້ສະຫນອງຢາກວດເຊື້ອໄວຣັດ ຈໍານວນ 2016 ຊຸດໃຫ້ແກ່ລາວ, ນອກນັ້ນຍັງມີຊຸດປອງກັນ 5000 ຊຸດ, ຜ້າປິດປາກລຸ້ນ N95 ແລະ ຜ້າປິດປາກການແພດທໍາມະດາຈໍານວນ 4 ແສນອັນ ພ້ອມກັບຢາກວດເຊື້ອໄວຣັດ 2 ໝື່ນຊຸດ ທີ່ບໍລິຈາກໂດຍມູນນິທິແຈກມາ

ລັດຖະບານຈີນ ຍັງຈະຊ່ວຍເຫຼືອໃນດ້ານຕ່າງໆຕື່ມອີກ. ໂດຍອີງຕາມຄວາມຕ້ອງການຕົວຈິງຂອງລາວໃນການປ້ອງກັນ ແລະ ຄວບຄຸມພະຍາດ ແລ້ວໃຫ້ການຊ່ວຍເຫຼືອທີ່ສົມຄູ່ກັນ.

ໃນຂະນະດຽວກັນນີ້, ອົງການປົກຄອງທ້ອງຖີ່ນຕ່າງໆຂອງຈີນເຊັ່ນ ເເຂວງຢຸນນານ, ຫູໜານ, ນະຄອນສຸງສິງ, ແຂວງຊານຕົງ ແລະ ນະຄອນຊຽງໄຮ້ ພ້ອມກັບສະມາຄົມພັດທະນາເສດຖະກິດອາຊີຈີນ, ສະຫະພັນນັກວິສາຫະກິດຈີນ ແລະຕ່າງປະເທດ, ກໍຄືອົງການຈັດຕັ້ງຕ່າງໆ, ພ້ອມກັບຊາວຈີນທີ່ຢູ່ລາວກໍ່ຄື ຄະນະຊາວຈີນຕ່າງດ້າວກໍ່ໄດ້ຕັ້ງຫນ້າໃຫ້ການຊ່ວຍເຫຼືອ ແລະບໍລິຈາກ, ເຊິ່ງອຸປະກອນເຫຼົ່ານີ້ ມີສ່ວນຫນຶ່ງໄດ້ຖືກສົ່ງໄປຮອດລາວແລ້ວ, ທີ່ເຫຼືອນັ້ນກໍ່ພວມຫ້າງຫາກະກຽມຢູ່.

ໃນນາມເປັນຄູ່ຮ່ວມຊາຕາກໍາ, ພັກ-ລັດ ກໍ່ຄືປະຊາຊົນຈີນມີຄວາມເຫັນອົກເຫັນໃຈຕໍ່ລາວ ທີ່ກໍາລັງປະສົບ ການກະທົບຈາກພະຍາດໂຄວິດ-19 ແລະ ຍິນດີຮ່ວມໃຈຮ່ວມແຮງກັບຝ່າຍລາວຜ່ານຜ່າຄວາມ ຫຍຸ້ງຍາກໃນປະຈຸບັນ.

Comments are closed.