25th Nov2016

ຊາວໜຸ່ມ 6 ປະເທດ ລຸ່ມແມ່ນ້ຳຂອງ ປຶກສາຫາລືການມີສ່ວນຮ່ວມຕ້ານການຄ້າມະນຸດ.

by somchan

ກອງປະຊຸມຊາວໜຸ່ມ 6 ປະເທດ ລຸ່ມແມ່ນ້ຳຂອງ ກ່ຽວກັບການຕ້ານການຄ້າມະນຸດ ພາຍໃຕ້ຫົວຂໍ້ “ຊາວໜຸ່ມມີຄວາມສະດຸງໄວ ເຂົ້າຮ່ວມການຕ້ານການຄ້າມະນຸດ” ໄດ້ຈັດຂຶ້ນຢູ່ທີ່ໂຮງແຮມ ລາວພຣາຊາ ນະຄອນຫຼວງວຽງຈັນ ໃນວັນທີ 22 ພະຈິກ 2016 ນີ້ ໂດຍການເປັນກຽດເຂົ້າຮ່ວມຂອງ ປອ ຄຳຜາ ພິມມະສອນ ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ ພ້ອມດ້ວຍຜູ້ຕ່າງໜ້າຊາວໜຸ່ມຈາກ ລາວ, ຫວຽດນາມ, ຈີນ, ກຳປູເຈຍ, ມ້ຽນມາ ແລະ ໄທ ເຂົ້າຮ່ວມ.

ກອງປະຊຸມຄັ້ງນີ້ ເປັນການທົບທວນຕີລາຄາສະພາບການພັດທະນາ, ການປົກປ້ອງຊາວໜຸ່ມໃນຂົງເຂດວຽກງານ ສະກັດກັ້ນຕ້ານການຄ້າມະນຸດ, ພ້ອມທັງສົນທະນາ ປຶກສາຫາລື ແລກປ່ຽນຄວາມຄິດເຫັນ ແລະ ຊອກວິທີໃນການໂຄສະນາ ແລະ ການມີສ່ວນຮ່ວມໃນການສະກັດກັ້ນຕ້ານການຄ້າມະນຸດ ເນື່ອງຈາກຊາວໜຸ່ມແມ່ນຈັດຢູ່ໃນກຸ່ມສ່ຽງໜຶ່ງ ຂອງຂະບວນການມະນຸດ ຈາກຮູບການຕ່າງໆເຊັ່ນ: ການຂົນຂວາຍ, ຂົນສົ່ງ, ເຄື່ອນຍ້າຍແຮງງານ, ຖືກຕົວະຍົວະຫຼອກລວງ, ຂົ່ມຂູ່ ແລະອື່ນໆ.

ສຳລັບຢູ່ ສປປ ລາວ ພັກ-ລັດຖະບານ ໄດ້ຖືກເອົາວຽກງານຕ້ານການຄ້າມະນຸດ ເປັນວຽກງານສຳຄັນ ໄດ້ມີນະໂຍບາຍຊຸກຍູ້ໃຫ້ມີການພົວພັນຮ່ວມກັບພາກພື້ນ ແລະ ສາກົນ ໂດຍສະເພາະ 6 ປະເທດ ລຸ່ມແມ່ນ້ຳຂອງ ເພື່ອສະກັດກັ້ນຕ້ານການຄ້າມະນຸດ ເຊິ່ງເປັນປະກົດການຫຍໍ້ທໍ້ ຫຼື ອາຊະຍາກຳຂ້າມຊາດ ທີ່ສົ່ງຜົນການທົບຕໍ່ສະຖຽນລະພາບ ຄວາມໝັ້ນຄົງ, ຄວາມສະຫົງບ, ປອດໄພ, ຄວາມເປັນລະບຽບຮຽບຮ້ອຍຂອງສັງຄົມ, ການພັດທະນາເສດຖະກິດ-ສັງຄົມ ແລະອື່ນໆ.

 

Off

Comments are closed.