31st Oct2018

ຊຸກເຊື່ອງສານເຄມີ ເພື່ອຜະລິດຢາບ້າ 2 ໂຕນຢູ່ພື້ນລົດເມ

by somchan

 

ໃນວັນທີ່ 24 ຕຸລາ 2018 ນີ້ ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານຢາເສບຕິດ ແຂວງອຸດົມໄຊ ສົມທົບກັບເຈົ້າໜ້າທີ່ ກອງກວກກາພາສີປະຈຳ ແຂວງອຸດົມໄຊໄດ້ກວດກາລົດເມໂດຍສານ ໝາຍເລກທະບຽນ ບກ 6777 ຈຳປາສັກ ເຊີ່ງເປັນລົດເປົ້າໝາຍສົງໄສ ກ່ຽວກັບການລັກລອບຂົນສົ່ງສານເຄມີຄົ້ນ ເພື່ອຜະລິດຢາເສບຕິດຢູ່ເສັນທາງລະຫວາງ ແຂວງອຸດົມໄຊຫາແຂວງຫຼວງນ້ຳທາ.

ຜ່ານການກວດກາພົບເຫັນສານເຄມີຕົ້ນເພື່ອນຳໃຊ້ເຂົ້າໃນການຜະລິດ ຢາເສບຕິດທີ່ບັນຈຸໃສ່ເປົາຊຸກເຊື່ອງຢູ່ໃນພື້ນລົດກມຈຳນວນ 80 ເປົາ ນ້ຳໜັກ 2 ໂຕນ ດັ່ງນັ້ນເຈົ້າໜ້າທີ່ຈື່ງໄດ້ຍືດສານເຄມີດັ່ງກ່າວ ພ້ອມທັງກັກຕົວຜູ້ກ່ຽວຂ້ອງກັບການກະທຳຜິດຄັ້ງນີ້ ໄດ້ທັງໝົດ 5 ຄົນຄື: ທ້າວ ຮ້ວາງວັນຈຸງ ອາຍຸ 27 ປີ ຢູ່ບ້ານສ້ອມຈີນ ເມືອງຢຽມເຈົ່າ ແຂວງເຫງະອານ,ທ້າວ ບຸ້ຍວັນດຽວ ອາຍຸ 47ປີ ຢູ່ບ້ານດົງຮວງ ເມືອງດົງຮືງ ແຂວງທາຍບີງ,ທ້າຍຫວຽນວັນເຟືອງ ອາຍຸ 38 ປີ ຢູ່ບ້ານຢຽນຫວ້ານ,ນາງ ຫຍຽນທີມາຍ ອາຍຸ 33 ປີ ຢູ່ບ້ານນາມບີງ ເມືອງ-ແຂວງນີງບີ້ງ ແລະ ທ້າວ ເຈີ້ນຢູຍກວາງ ອາຍຸ 17 ປີ ຢູ່ບ້ານຢຽນລຽນ ເມືອງຢຽນເຈົ່າແຂວງເຫງະອານ.

ປະຈຸບັນລາຍຄະດີດັ່ງກ່າວນີ້ ພວມຢູ່ໃນຂັ້ນຕອນການສືບສວນ-ສອບສວນ ເພື່ອສະຫຼູບສຳນວນຄະດີ ແລະ ຂະຫຍາຍຜົນຫາພວກຮ່ວມຂະບວນການເພື່ອດຳເນີນຄະດີແລະລົງໂທດຕາມກົດໝາຍ.

Off

Comments are closed.