11th Sep2019

ຊົມເຊີຍ 3 ພາກສ່ວນ ມອບເງິນຊ່ວຍເຫຼືອຜູ້ປະສົບໄພນ້ຳຖ້ວມ.

by somchan

ໃນວັນທີ 10 ກັນຍາ 2019 ນີ້ ທີ່ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ  ນາຍົກລັດຖະມົນຕີ ໄດ້ຕາງໜ້າໃຫ້ລັດຖະບານ ຮັບເງິນຊ່ວຍເຫຼືອຜູ້ປະສົບໄພນ້ຳຖ້ວມ ຈາກບໍລິສັດ ເອັສທີ ກຣຸບ ຈຳນວນ 2,5 ຕື້ ກີບ, ຈາກກຸ່ມບໍລິສັດ ພົງຊັບທະວີ ຈຳກັດຜູ້ດຽວຈຳນວນ 2 ຕືກີບ ແລະ ຈາກບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ ຈຳນວນ 2 ຕື້ກີບ. ໂດຍມີພະນັກງານທີ່ກ່ຽວຂ້ອງຂອງແຕ່ລະພາກສ່ວນເຂົ້າຮ່ວມ.

ການມອບເງິນໃນຄັ້ງນີ້ ຕາງໜ້າບໍລິສັດ ເອັສທີ ກຣຸບ  ມອບໂດຍທ່ານ ສີທັດ ໄຊສຸລິວົງ, ປະທານບໍລິສັດເອັສທີ ກຣຸບ, ຕາງໜ້າກຸ່ມບໍລິສັດ ພົງຊັບທະວີ ຈຳກັດຜູ້ດຽວ ມອບໂດຍທ່ານ ພົງສະຫວັດ ເສນາພວນ ປະທານບໍລິສັດ ພົງຊັບທະວີ ຈຳກັດຜູ້ດຽວ ແລະ ຕາງໜ້າບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ກດຽວ ມອບໂດຍທ່ານ ປີຊາ ແກ້ວໄຊຍະຈັກ ປະທານບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູດຽວ.

ໃນໂອກາດດັ່ງກ່າວ, ທ່ານນາຍົກລັດຖະມົນຕີ ໄດ້ກ່າວຂອບໃຈ ຕໍ່ສາມພາກສ່ວນດັ່ງກ່າວ ທີ່ໄດ້ນຳເອົາເງິນມາມອບ ເພື່ອນຳໄປຊ່ວຍເຫຼືອຜູ້ປະສົບໄພນ້ຳຖ້ວມໃນປີນີ້ ເພື່ອບັນເທົາທຸກ ແລະ ສາມາດແກ້ໄຂບັນຫາຕ່າງໆ ທີ່ໄດ້ຮັບຜົນກະທົບ ແລະ ເສຍຫາຍ ຈາກໄພພິບັດນ້ຳຖ້ວມຄັ້ງນີ້ ໃຫ້ຜ່ານພົ້ນໄປໄດ້ດ້ວຍດີ.

ສຽງຂອງທ່ານ ນາຍົກລັດຖະມົນຕີ

ແລະ ໃນໂອກາດນີ້ ທ່ານບຸນປອນ ພຸດທະວົງ ຮອງຜູ້ອຳນວຍການກຸ່ມບໍລິສັດ ເອັສທີ ກຣຸບ ໄດ້ມີຄຳເຫັນຕໍ່ການມອບເງິນຊ່ວຍເຫຼືອຜູ້ປະສົບໄພນ້ຳຖ້ວມ 2 ແຂວງພາກກາງ ແລະ 4 ແຂວງພາກໃຕ້ຂອງລາວໃນຄັ້ງນີ້ ເຊິ່ງບາງຄຳເຫັນທ່ານໄດ້ກ່າວວ່າ:

ສຽງ: ທ່ານ ບຸນປອນ ພຸດທະວົງ

Comments are closed.