24th Mar2020

ດ່ານສາກົນຂົວມິດຕະພາບລາວ-ໄທ 1 ໃຊ້ມາດຕະການສະກັດກັ້ນການລະບາດພະຍາດ ໂຄວິ-19

by somchan

ການແພ່ລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃຫມ່ ຫລື ໂຄວິດ 19 ເຮັດໃຫ້ຫລາຍປະເທດໃນໂລກໄດ້ຮັບຜົນກະທົບຈາກພະຍາດດັ່ງກ່າວ ໂດຍມີຜູ້ທີຕິດເຊື້ອ ແລະ ເສຍຊີວິດເປັນຈໍານວນ ຫລວງຫລາຍ ສະເພາະປະເທດລາວຍັງບໍ່ທັນມີຜູ້ຕິດເຊື້ອດັ່ງກ່າວ ແຕ່ກໍຍັງຄວາມສ່ຽງ ເພາະວ່າປະເທດລາວມີຊາຍແດນຕິດກັບປະເທດທີ່ມີການແພ່ລະບາດຂອງພະອັກເສບປອດຈາກເຊື້ອຈຸລະໂລກສາຍພັນໄຫມ່ ຫລື ໂຄວິດ 19 ເຊິ່ງໃນແຕ່ລະມື້ແມ່ນມີຜູ້ຕິດເຊື້ອເພີ່ມຂຶ້ນຫລາຍພໍສົມຄວນ ຕໍ່ກັບສະພາບການດັ່ງກ່າວເຈົ້າຫນ້າທີ່ທຸກພາກສ່ວນຈຶ່ງ ໄດ້ໃຊ້ຫລາຍມາດຕະການໃນການຕ້ານສະກັດກັ້ນພະຍາດດັ່ງກ່າວ

ນີ້ໃນການເດີນທາງກັບປະເທດຂອງປະຊາຊົນລາວທີ່ໄປອອກແຮງງານຢູ່ຕ່າງປະເທດ ກໍມີຄວາມສຽງສູງເຊັ່ນດຽວກັນ ໂດຍສະເພາະແມ່ນວັນທີ 23 ມີນາ 2020 ຂົວມິດຕະພາບລາວໄທ 1 ໄດ້ມີປະຊາຊົນລາວທີ່ໄປອອກແຮງານຢູ່ປະເທດໄທ ເດີນທາງກັບມາບ້ານເປັນຈຳນວນຫຼວງຫຼາຍ ສຳລັບຕຳຫຼວດກວດຄົນເຂົ້າ-ອອກປະຈຳຢູ່ດ່ານສາກົນຂົວມິດຕະພາບລາວ-ໄທ 1 ກໍ່ໄດ້ເຮັດໜ້າໃນການກວດກາເອກະສານ ແລະ ປະສານສົມທົບກັບພາກສ່ວນຕ່າງໆໃນການກວດກາຕາມມາດຕະການສະກັດກັ້ນການພະຍາດລະບາດ ເຊິ່ງລາຍລະອຽດ ພັນໂທ ກິດ່ອນ ກິວົງໄຊ ຫົວໜ້າຕຳຫຼວດກວດຄົນເຂົ້າ-ອອກເມືອງ ດ່ານສາກົນຂົວມິດຕະພາບ ລາວ-ໄທ 1 ໄດ້ໃຫ້ສຳພາດວ່າ:

ນອກນີ້, ເຈົ້າໜ້າທີ່ສາທາລະນະສຸກ ກໍ່ໄດ້ນຳເອົາອຸປະກອນການແພດລົງປະຈຳເພື່ອກວດກາ ແລະ ສະກັດກັ້ນການລະບາດຂອງພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃຫມ່ຖ້າຫາກພົບເຫັນກໍລະນີສົງໃສ່ກໍ່ໄດ້ ແຍກເພື່ອເຝົ້າຕິດຕາມສະເພາະ, ສ່ວນບຸກຄົນທີ່ບໍ່ໄດ້ຢູ່ໃນກໍລະນີສົງໄສ ທາງໜ້າທີ່ກໍໄດ້ມີການຈັດສະຖານທີ່ພັກ ເພື່ອຕິດຕາມສຸຂະພາບເປັນເວລາ 14 ວັນ.

Comments are closed.