15th May2019

ຖະແຫຼງຂ່າວກ່ຽວກັບເຫດການໄຟໄໝ້ ສູນການຄ້າລາວ-ໄອເຕັກ

by somchan

ວັນທີ 14 ພຶດສະພາ ນີ້ ພັທ ຈັນທະບູນ ມະນີວົງ ຫົວໜ້າພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ປກສ ນະຄອນຫຼວງວຽງຈັນ ໄດ້ຖະແຫຼງຂ່າວກ່ຽວກັບເຫດການໄຟໄໝ້ ສູນການຄ້າລາວ-ໄອເຕັກ ອາຄານຫຼັງເກົ່າ ໃນຄັ້ງທີ 10 ພຶດສະພາ ຕໍ່ສື່ມວນຊົນປ້ອງກັນຄວາມສະຫງົບ ວ່າເຫດການດັ່ງກ່າວແມ່ນເກີດຂື້ນໃນເວລາ 8:30 ນາທີ ຈາກນັ້ນເວລາ 8:50 ນາທີ ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ແລະ ປກສ ເມືອງໄຊເສດຖາ ແລະ ໜ່ວຍກູ້ໄພປະຕິບັດໜ້າທີເຊິ່ງໄດ້ໃຊ້ລົດມອດໄຟຈຳນວນ 7 ຄັນ ແລະ ພະນັກງານວິຊາການຈຳນວນ 40 ກ່ວາຄົນເຂົ້າດັບມອດໄຟໃຊ້ເວລາ 45 ນາທີ ຈື່ງສາມາດດັບໄຟໄດ້

ຜ່ານການລົງກວດກາຈຸດເກີດເຫດໄຟໄໝ້ຮ້ານເສຍຫາຍທັງໝົດ 30 ຮ້ານ ໃນນີ້ 19 ຮ້ານ ໄໝ້ໝົດ ແລະ 11 ຮ້ານ ເສຍຫາຍສົມຄວນ ສ່ວນສາເຫດ ຂອງການເກີດອັກຄີໄພໃນຄັ້ງນີ້ ແມ່ນເກີດຈາກໄຟຟ້າລັດວົງຈອນ.

Off

Comments are closed.