21st Sep2018

ຖະແຫຼງຂ່າວຄະດີຄາດຕະກຳ ທ້າວ ໄຊຊະນະ ຫຍົດສະຫວັດ ຫຼື ຫລີຈາວເພີງ ໃນຄັ້ງ ວັນທີ່ 12/08/2018

by somchan

 

 

 

ໃນເວລາ 11 ໂມງ ຂອງວັນທີ່ 12 ເດືອນ ສິງຫາ 2018 ຫ້ອງຕຳຫຼວດ ປກສ ນະຄອນຫຼວງວັນຈັນ ໄດ້ຮັບແຈ້ງວ່າມີເຫດຄາດຕະກຳ ຢູ່ບ້ານ ສີໄຄທົ່ງ ເມືອງສີໂຄດຕະບອງ ນະຄອນຫຼວງວຽງຈັນ ຈີງໄດ້ສົມທົບກັບພາກສ່ວນທີ່ກ່ຽວຂ້ອງລົງສະຖານທີ່ເກີດເຫດຕົວຈີງ ຈືງຮູ້ວ່າຜູ້ເສຍຊີວິດຊື່ ທ້າວ ໄຊຊະນະ ຫຍົດສະຫວັດ ຫຼື ຫລີຈາວເພີງ ອາຍຸ 42 ປີ, ເຊື້ອຊາດຈີນ, ສັນຊາດລາວ, ອາຊີບນັກທຸລະກິດ, ຢູ່ບ້ານສີໄຄທົ່ງ, ເມືອງ ສີໂຄດຕະບອງ, ນະຄອນຫຼວງວຽງຈັນ. ຜ່ານການກວດກາສະຖານທີ່ເກີດເຫດ ແລະ ສັນລະສູດຊາບສົບເຫັນວ່າຢູ່ຫຼັງຂອງຜູ້ເສຍຊີວິດມີຮ່ອງຮອຍວັດຖຸມີຄົມແທງເຂົ້າດ້ານຫຼັງ 03 ຮ່ອງຮອຍ, ເງີນໃນຕູ້ເຊັບກໍ່ຖືກຄົນຮ້າຍເອົາໜີໄປ. ຈາກນັ້ນ ເຈົ້າໜ້າທີ່ພວກເຮົາໄດ້ສົມທົບກັບເຈົ້າໜ້າທີ່ຕຳຫຼວດແຂວງ ຫູໜານ ສປ ຈີນ ແລະ

ການຮ່ວມໄມຮ່ວມມືຈາກພໍ່ແມ່ປະຊາຊົນອຳນາດການປົກຄອງທຸກພາກສ່ວນໃນການຊອກຫາຜູ້ລົງມືກໍ່ເຫດຄາດຕະກຳໃນຄັ້ງນີ້. ຜ່ານການເກັບກຳຂໍ້ມູນລັກຖານຈາກພາກສ່ວນຕ່າງໆ ຈື່ງເຫັນວ່າ: ໃນເວລາປະມານ 4 ໂມງ 23 ນາທີ ຂອງວັນທີ່ 12 ສິງຫາ 2018 ໄດ້ເຫັນຄົນຮ້າຍຈຳນວນ 02 ຄົນ ປີນອອກຈາກຮົ້ວກຳແພງໜ້າເຮືອນຫຼັງເກີດເຫດເຊີ່ງເປັນເຮືອນຂອງ ທ້າວ ໄຊຊະນະ ຫຍົດສະຫວັດ ຫຼື ຫລີຈາວເພີງ ຜູ້ເສຍຊີວິດ ໃນມືຂອງຄົນຮ້າຍແມ່ນຖືກະເປົາ 03 ໜ່ວຍສີດຳອອກໄປພ້ອມ. ຄົນຮ້າຍທັງສອງໄດ້ຢ່າງໄປເອົາລົດຈັກທີ່ຈອດໄວ້ໃກ້ກັບຮ້ານຂາຍເຄື່ອງຫ່າງຈາກບ່ອນເກີດເຫດປະມານ 100 ແມັດ ແລັວຊ້ອນກັນໄປທາງຕະຫຼາດສີໄຄ, ລົດທີ່ຄົນຮ້າຍລັກໄປນ້ນເປັນລົດຈັກສີດຳບໍ່ມີຫາງປາ, ບໍ່ມີປ້າຍທະບຽນ. ຄົນຮ້າຍໄປຮອດຕະຫຼາດສີໄຄ ແລັວລ້ຽວຂວາໄປທາງ 13 ເໜືອ ລ້ຽວເຂົ້າໄປເສັນທາງທົງປົ່ງ, ແລ້ວລ້ຽວເຂົ້າໄປທາງກອງຄຸມຄອງພະຫານະພະແນກ ຍທຂ ນະຄອນຫຼວງວຽງຈັນ ຄົນຮ້າຍທັງສອງຄົນ ໄດ້ຂັບຂີ່ລົດຈັກໄປຈອດຖີມໄວ້ຢູ່ເດີ່ນໃກ້ເຮືອນປະຊາຊົນແລ້ວໜີໄປ, ຮອດວັນທີ່ 20 ສິງຫາ 2018 ເຈົ້າໜ້າທີ່ພວກເຮົາຈື່ງໄດ້ນຳເອົາລົດຈັກຄັນດັ່ງກ່າວມາກວດເຊັກເບີງຈື່ງຮູ້ວ່າລົດຈັກຄັນດັ່ງກ່າວແມ່ນໄດ້ຊື້ມາຈາກຮ້ານຂາຍລົດມືສອງ ບ້ານໜອງແຕ່ງ ໃນວັນທີ່ 17 ກໍລະກົດ 2018 ໂດຍມີຈີນ 02 ຄົນ ມາຊື້ລົດຄັນດັ່ງກ່າວ ຈີ່ງໄດ້ສົມທົບກັບເຈົ້າໜ້າທີ່ຕຳຫຼວດ ສປ ຈີນ ກວດກາຕໍ່ສອງຄົນດັ່ງກ່າວແລ້ວຮູ້ວ່າທັງສອງຄົນໄດ້ອອກຈາກປະເທດ ລາວ ໄປ ສປ ຈີນ ແລ້ວ. ເຈົ້າໜ້າທີ່ຈື່ງໄດ້ປະສານສົມທົບກັບເຈົ້າໜ້າທີ່ຕຳຫຼວດ ແຂວງ ຫູໜານ ສປ ຈີນ ກັກຕົວສອງຄົນດັ່ງກ່າວ ຈິ່ງຮູ້ວ່າ ຊື່ ທ້າວ ຊີງຢົງ ອາຍຸ 44 ປີ ແລະ ທ້າວ ເຊີນເພີງເຟີ້ງ ອາຍຸ 34 ປີ ໃນຄັ້ງວັນທີ 31 ສີງຫາ 2018 ຜ່ານການສືບສວນ-ສອບສວນ ຂອງເຈົ້າໜ້າທີ່ ແຂວງ ຫູໜານ ຈື່ງຮູ້ວ່າ ຄົນຮ້ານທ້ງສອງໄດ້ຄາດຕະກຳ ທ້າວ ໄຊຊະນະ ຫຍົດສະຫວັດ ຫຼື ຫລີຈາວເພີງ ໃຊ້ອາວຸດເຂົ້າໃນການຄາດຕະກຳ ທ້າວ ໄຊຊະນະ ຫຍົດສະຫວັດ ຫຼື ຫລີຈາວເພີງ ມີມິດ 02 ດວງ, ປືນສັ້ນ 02 ກະບອກ. ພາຍຫຼັງຄາດຕະກຳແລັວໄດ້ເອົາເງີນໃນຕູ້ເຊັບໜີໄປ, ຄົນຮ້າຍໄດ້ເອົາເງີນ, ມິດທັງສອງດວງ ແລະ ປືນສອງກະບອກ ໄປຊຸກເຊື່ອງໄວ້ຢູ່ບ້ານ ໂພນສົມບູນ ເມືອງສີໂຄດຕະບອງ ນະຄອນຫຼວງວຽງຈັນ, ສ່ວນເງີນ ແລະ ອາວຸດດັ່ງກ່າວ ເຈົ້າໜ້າທີ່ໄດ້ເກັບຮັກສາໄວ້ ເປັນທີ່ຮຽບຮ້ອຍ, ຄົນຮ້າຍທັງສອງໄດ້ຊັກທອດເຖີງຜູ້ບົງການ ຊື່ ທ້າວ ເຕີງຈືຫຼີງ ແລະ ທ້າວ ຖັງອີ່ຊຸ້ຍ ເຊື້ອຊາດ-ສັນຊາດ ຈີນ ທີ່ເປັນຫົວໂປໂຕການ ເຮັດທຸລະກິດຢູ່ປະເທດລາວ ພັກເຊົາຢູ່ອາພັດເມັ້ນ ຕະຫຼາດຊັງຈຽງມາຮອດວັນທີ່ 02.09.2018 ເຈົ້າໜ້າທີ່ຕຳຫຼວດ ລາວ ໄດ້ສົມທົບກັບຕຳຫຼວດ ສປ ຈີນ ກັກຕົວພວກກ່ຽວທັງສອງຄົນ ແລະ ເຈົ້າໜ້າທີ່ກໍ່ໄດ້ ສືບສວນ-ສອບສວນ ເບື້ອງຕົ້ນ ທັງສອງມີການພົວພັນກັບເຫດການຄາດຕະກຳໃນຄັ້ງນີ້, ປະຈຸບັນເຈົ້າໜ້າທີ່ພວມດຳເນີນການສືບສວນ-ສອບສວນ ຕາມຂັ້ນຕອນຂອງກົດໝາຍ.

ສັງລວມແລັວ: ຕໍ່ກັບເຫດການຄາດຕະກຳ ທ້າວ ໄຊຊະນະ ຫຍົດສະຫວັດ ຫຼື ຫຼີຈາວເພີງ ໃນຄັ້ງນີ້ເຈົ້າໜ້າທີ່ຕຳຫຼວດລາວ ແລະ ເຈົ້າໜ້າທີ່ຕຳຫຼວດແຂວງ ຫູໜານ ສປ ຈີນ ສາມາດກັກຕົວຜູ້ກະທຳຜິດ ຜູ້ລົງມືຄາດຕະກຳຈຳນວນ 02 ຄົນ ແລະ ຜູ້ບົງການ ຈຳນວນ 02 ຄົນ ລວມເປັນ 04 ຄົນ ພ້ອມທັງເກັບກູ້ອາວຸດທີ່ນຳໃຊ້ເຂົ້າໃນການຄາດຕະກຳ ໄດ້ຄື: ມິດ 02 ດວງ, ປືນສັ້ນ 02 ກະບອກ ແລະ ເງີນທີ່ຄົນຮ້າຍເອົາໄປໃນຕູ້ເຊັບກໍ່ສາມາດເກັບກູ້ມາຄືນໄດ້ໝົດແລັວລະອຽດຄື: ເງີນກີບຈຳນວນ 150,000,000 ກີບ, ເງີນຢວນ ຈຳນວນ 560,000 ຢວນ, ເງີນບາດຈຳນວນ 58,200 ບາດ, ເງີນດົງຈຳນວນ 5,322,000 ດົງ, ເງີນຫົງກົງຈຳນວນ 47,210 ຮົງກົງ ແລະ ເງີນອື່ນໆ ອີກຈຳນວນໜື່ງ. ສວນເງີນແມ່ນໄດ້ມອບຄືນໃຫ້ຍາດພີນ້ອງຜູ້ຖືກເຄາະຮ້າຍເປັນທີ່ຮຽບຮ້ອຍ.

ສາເຫດ ແລະ ແຮງຈູງໃຈ ໃນການຄາດຕະກຳ ທ້າວ ໄຊຊະນະ ຫຍົດສະຫວັດ ຫຼ ຫລີຈາວເພີງ ໃນຄັ້ງນີ້ ແມ່ນເກີດຈາກບັນຫາ ຂໍ້ຂັດແຍ່ງ ທາງດ້ານ ທຸລະກິດ.

Off

Comments are closed.