02nd Aug2018

ຖະແຫຼງຄວາມຄືບໜ້າ ຜົນການກອບ ກູ້ໄພພິບັດ ທີ່ເມືອງສະໜາມໄຊ

by somchan

ພົຕ ຄຳລຽງ ອຸທະໄກສອນ ຮອງຫົວໜ້າ ກົມໃຫ່ຍເສນາທິການກອງທັບ ກະຊວງປ້ອງກັນປະເທດ ຮອງຫົວໜ້າຄະນະຊີ້ນຳ ສູນບັນຊາການ ກອບກູ້ໄພພິບັດ ທີ່ເມືອງສະໜາມໄຊ ແຂວງອັດຕະປື ໄດ້ຖະແຫຼງກ່ຽວກັບຄວາມຄືບໜ້າ ຂອງການຄົ້ນຫາ ແລະ ຊ່ວຍເຫຼືອຜູ້ປະສົບໄພພິບັດນ້ຳຖ້ວມ ຢູ່ 6 ບ້ານຂອງເມືອງສະໜາມໄຊ ໃນວັນທີ 1 ສິງຫາ 2018 ນີ້ວ່າ:

ຜ່ານການປະຕິບັດໜ້າທີ່ ຂອງກຳລັງປ້ອງກັນຊາດ-ປ້ອງກັນຄວາມສະຫງົບ ແລະ ໜ່ວຍກູ້ໄພຈາກພາກສ່ວນຕ່າງໆ ໃນການຊອກຄົ້ນຫາ ແລະ ຊ່ວຍເຫຼືອປະຊາຊົນ ທີ່ປະສົບໄພຈາກໄພພິບັດນ້ຳຖ້ວມຢູ່ 6 ບ້ານ ທີ່ໄດ້ຮັບຜົນກະທົບໃນ 9 ວັນຜ່ານມາ ທາງເຈົ້າໜ້າທີ່ທີ່ປະຕິບັດໜ້າທີ່ໃນການກອບກູ້ໄພທຸກພາກສ່ວນ ແມ່ນມີຄວາມເອົາໃຈໃສ່ຢ່າງຕັ້ງໜ້າໃນການຊອກຄົ້ນຫາ ແລະ ຊ່ວຍເຫຼືອຜູ້ປະສົບໄພ ມາເຖິງປັດຈຸບັນແມ່ນສາມາດກວດຄົ້ນຫາໃນຂອບເຂດທັງໝົດ 6 ບ້ານ ໄດ້ສຳເລັດ ໂດຍພື້ນຖານ ແລະ ສາມາດກອບກູ້ເອົາຜູ້ທີ່ເສຍຊີວິດໄດ້ ລວມທັງໝົດ 13 ຄົນ, ນອກນີ້ເຈົ້າໜ້າທີ່ກອບກູ້ໄພພິບັດຍັງຈະສືບຕໍ່ຂະຫຍາຍພື້ນທີ່ໃນການຊອກຄົ້ນຫາ ແລະ ຊ່ວຍເຫຼືອຜູ້ທີ່ຍັງສູນຫາຍອີກ 118 ຄົນ ຢູ່ຕາມພື້ນທີ່ໆເປັນປ່າຕື່ມອີກ.

 

 

Off

Comments are closed.