04th Oct2019

ວິທະຍາຄານຕຳຫຼວດປະຊາຊົນ ປະກາດເລື່ອນຊັ້ນໃຫ້ນາຍຕຳຫຼວດ

by somchan

ວິທະຍາຄານຕຳຫຼວດປະຊາຊົນ ປະກາດເລື່ອນຊັ້ນໃຫ້ ພະນັກງານ-ນັກຮົບໃນວັນທີ 4 ຕຸລາ2019 ນີ້ ໂດຍການເປັນກຽດເຂົ້າຮ່ວມຂອງ ພົຈວ ປອ ບຸນຊູ ນາມມະຈັກ ຜູ້ອຳນວຍການວິທະຍາຄານຕຳຫຼວດປະຊາຊົນ ມີບັນດາ ແຂກຖືກເຊີນ ແລະ ພະນັກງານ-ນັກຮົບເຂົ້າຮ່ວມ.

ພັທ ອອ່ນສີ ແກ້ວໂພໄຊ ຫົວໜ້າຫ້ອງການເມືອງ ວິທະຍາຄານຕຳຫຼວດປະຊາຊົນ ໄດ້ຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ແລະ ຂໍ້ຕົກລົງ ຂອງກົມໃຫຍ່ການເມືອງ ປກສ ວ່າດ້ວຍການເລື່ອນຊັ້ນ ໃຫ້ພະນັກງານ-ນັກຮົບ ວິທະຍາຄານຕຳຫຼວດປະຊາຊົນ ຈຳນວນ 34 ສະຫາຍ, ໃນນີ້ເລື່ອນຊັ້ນ ຂັ້ນນາຍພັນ 4 ສະຫາຍ, ຂັ້ນນາຍຮ້ອຍ 25 ສະຫາຍ ແລະ ຂັ້ນນາຍສິບ 5 ສະຫາຍ ໃຫ້ກຽດຂື້ນປະດັບຊັ້ນ ໂດຍ ພົຈວ ປອ ບຸນຊູ ນາມມະຈັກ.

ພ້ອມນີ້ທ່ານໄດ້ສະແດງຄວາມຊົມເຊີຍຕໍ່ຜົນງານຜູ້ທີ່ໄດ້ຮັບການເລື່ອນຊັ້ນ ຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ ຜູ້ທີ່ໄດ້ຮັບການເລື່ອນຊັ້ນໃໝ່ ຈົ່ງພ້ອມກັນເອົາໃຈໃສ່ປະຕິບັດໜ້າທີວຽກງານວິຊາສະເພາະ ໃຫ້ສູງຂື້ນກວ່າເກົ່າ ມີຄວາມສາມັກຄີເຊີ່ງກັນ ແລະ ກັນ ພ້ອມພາກັນສ້າງສາພັດທະນາກົມກອງໃຫ້ດີຂື້ນເປັນກ້າວໆ.

Comments are closed.