07th Jan2019

ທ່ານອາດິດປະທານປະເທດແຫ່ງ ສປປ ລາວ ໂອ້ລົມຕໍ່ນາຍ ແລະ ພົນທະຫານ ກອງພົນທະຫານ ຮາບທີ່ 2

by somchan

 

ໃນວັນທີ່ 4 ມັງກອນ 2019 ທ່ານຈູມມະລີ ໄຊຍະສອນ ອາດິດເລຂາທິການໃຫ່ຍ, ອາດິດປະທານປະເທດແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະໄດ້ຢ້ຽມຢາມ ແລະ ໂອ້ລົມນາຍ ແລະ ພົນທະຫານ ກອງພົນທະຫານລາບທີ່ 2 ນຳພາຢ້ຽມຢາມໂດຍ ທ່ານ ພົງສະຫວັນ ສິດທິວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ໃຫ້ການຕ້ອນຮັບໂດຍ ທ່ານ ພົຈວ ພັນແສງ ບຸນພັນ ຫົວໜ້າກອງພົນລາບທີ່ 2 ພ້ອມດ້ວຍ ນາຍ ແລະ ພົນທະຫານພາຍໃນກອງພົນ ໃຫ້ການຕ້ອນຮັບຢ່າງອົບອຸ່ນ

ທ່ານ ພົຈວ ພັນແສງ ບຸນພັນ ໄດ້ລາຍງານການຈັດຕັ້ງປະຕິບັດ ວຽກງານຕ່າງໆຂອງກອງພັນທະຫານຮາບທີ່ 2 ໂດຍສະເພາະວຽກງານການກໍ່ສ້າງຮາງຖານ ຕິດພັນກັບວຽກງານ ສາມສ້າງໃນຂອບເຂດທີ່ກອງພົນຮັບຜິດຊອບ, ໂດຍລວມແລ້ວຄະນະພັກ-ຄະນະບັນຊາກອງພັນແມ່ນຖືສຳຄັນໃນການຫັນລົງກໍ່ສ້າງຮາກຖານການເມືອງຢູ່ພື້ນຖານປະຊາຊົນ ທີ່ກອງພົນຮັບຜິດຊອບຢູ່ບັນດາກຸ່ມບ້ານ ແລະ ເມືອງ ຕາມການມອບໝາຍຈາກແຂວງ, ຜ່ານການລົງຕົວຈີງເຫັນວ່າຂອບເຂດດັ່ງກ່າວມີຄວາມສະຫງົບ, ອຳນາດການປົກຄອງ, ຂະແໜງການຂອງບ້ານ ໄດ້ຮັບການປັບປຸງດີຂື້ນ, ປະຊາຊົນເຊື່ອໝັ້ນຕໍ່ການນຳພາຂອງພັກ, ລະບຽບກົດໝາຍຂອງລັດ, ຜ່ານມາກອງພົນສາມາດສ້າງບ້ານປ້ອງກັນຊາດເຂັ້ມແຂງ 28 ບ້ານ, ບ້ານແຮກສ່ຽວ 55 ບ້ານ, ບ້ານວັດທະນາທຳ 37 ບ້ານ, ບ້ານພັດທະນາ 49 ບ້ານ, ບ້ານສາທານະສຸກ 26 ບ້ານ, ຂອງຈຳນວນບ້ານທີ່ຂື້ນກັບຄວາມຮັບຜິດຊອບຂອງກອງພົນ, ໂອກາດດຽວກັນນີ້ ທ່ານ ຈູມມະລີ ໄຊຍະສອນ ອາດິດເລຂາທິການໃຫ່ຍ ອາດິດປະທານປະເທດ ແຫ່ງ ສປປ ລາວ ກໍ່ໄດ້ໂອ້ລົມຕໍ່ນາຍ ແລະ ພົນທະຫານ, ກ່ອນອືນທ່ານໄດ້ຍົກໃຫ້ເຫັນສະພາບການຂອງໂລກ, ພາກພື້ນ ແລະ ບັນດາອິດທິກຳລັງປໍລະປັບທີ່ຫວັງມ້າງເພທຳລາຍ ຕໍ່ການປະຕິວັດຂອງປະເທດ, ຍົກໃຫ້ເຫັນຄວາມຮັບຜິດຊອບຂອງກອງທັບທີ່ປະຕິບັດ 2 ໜ້າທີ່ຍຸດທະສາດ ປັກປັກຮັກສາ ແລະ ສ້າງສາພັດທະນາປະເທດຊາດ ໃຫ້ກ້າວຂື້ນຕາມເສັ້ນທາງສັງຄົມນິຍົມ, ພ້ອມດຽວກັນທ່ານຍັງໄດ້ເນັ້ນໜັກໃຫ້ຄະນະພັກ-ຄະນະບັນຊາກອງພົນຈົ່ງຮັກສາມູນເຊື້ອອັນດີງາມຂອງກອງທັບ ພ້ອມທັງນຳໄປຜັນຂະຫຍາຍ ໃຫ້ຄະນະພັກ-ຄະນະບັນຊາແຕ່ລະຂັ້ນ, ນັກຮົບແຕ່ລະສະຫາຍໃຫ້ເຊື່ອມຊືມກຳແໜັ້ນຢ່າງເລີກເຊີ່ງ, ສືບຕໍ່ປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືແຂວງໄຊຍະບູລີ, ສືບຕໍ່ລົງກໍ່ສ້າງຮາກຖານ ຕິດພັນກັບວຽກງານສາມສ້າງ, ຊ່ວຍເຫຼືອປະຊາຊົນ ໃນການຜະລິດເປັນສີນຄ້າ, ສືກສາອົບຮົມການເມືອງແນວຄິດໃຫ້ພະນັກງານ, ນັກຮົບໃຫ້ທົວເຖີງທຸກເປົ້າໝາຍຢ່າງຕໍ່ເນື່ອງ, ສ້າງໃຫ້ມີຄຸນທາດການເມືອງທີ່ໜັກແໜັ້ນດ້ວຍອຸດົມການສັງຄົມນິຍົມ, ຕັ້ງໜ້າປັບປຸງການຈັດຕັ້ງນຳພາ-ບັນຊາແຕ່ລະຂັ້ນ ໃຫ້ແຂງແຮງຮັບປະກັນຄຸນນະພາບ, ເອົາໃຈໃສ່ເພີ່ງຕົນເອງ, ກຸມຕົນເອງ, ສ້າງຄວາມເຂັ້ມແຂງດ້ວຍຕົນເອງ ໂດຍການຫັນເອົາການປູກຟັງ-ລ້ຽງສັດ, ການບໍລິຫານ ເປັນທ່າແຮງຕົນຕໍ ເພື່ອສ້າງແຫຼ່ງລາຍຮັບໃຫັກົມກອງລວມໝູ່ ແລະ ຄອບຄົວ, ເອົາໃຈໃສ່ປົກປັກຮັກສາ ແລະ ຄຸມຄອງພະຫານະ, ອາວຸດ, ລູກກະສູນ, ເພື່ອຮັບປະກັນໃຫ້ແກ່ການເຄື່ອນໄຫວເຮັດໜ້າທີ່, ຝືກແອບຮຳຮຽນ ແລະ ກ້ຽມພ້ອມສູ້ຮົບ.

Off

Comments are closed.