13th Oct2017

ທ່ານ ລັດຖະມົນຕີ ກະຊວງ ປກສ ຕ້ອນຮັບ ການເຂົ້າຢ້ຽມຢາມ ຂ່ຳນັບ ຂອງທ່ານ ເອກອັກຄະລັດຖະທູດ ສະຫະພາບ ເອີຮົບ ປະຈຳ ສປປ ລາວ

by somchan

​ໃນ​ວັນ​ທີ 12 ຕຸລາ 2017 ນີ້ ພົຕ ສົມ​ແກ້ວ ສີ​ລາ​ວົງ ​ລັດຖະມົນຕີ ກະຊວງ ປກສ ຕ້ອນຮັບ​ການ​ເຂົ້າ​ຢ້ຽມຢາມ​ຂ່ຳນັບ ຂອງ​ທ່ານ ລີ​ໂອ ​ເຟ​ເບີ ​ເອກ​ອັກຄະ​ລັດ​ຖະທູດ ສະຫະພາບ​ເອີ​ຮົບ ປະຈຳ ສປປ ລາວ ພ້ອມ​ດ້ວຍ​ຄະນະ ​ເພື່ອ​ປຶກສາ​ຫາລື​ກ່ຽວ​ກັບ​ວຽກ​ງານ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ.

​ໂອກາດ​ນີ້ ທ່ານເອກ​ອັກຄະ​ລັດ​ຖະທູດ ສະຫະພາບ​ເອີ​ຮົບ ປະຈຳ ສປປ ລາວ ​ໄດ້​ລາຍ​ງານ​ການ​ເຄື່ອນ​ໄຫວ ວຽກ​ງານ ​ແລະ ການ​ຮ່ວມ​ມື​ໃນ​ໄລຍະ​ຜ່ານ​ມາ ​ໃຫ້ ທ່ານ​ລັດຖະມົນຕີ ກະຊວງ ປກສ ຮັບ​ຊາບ ​ໂດຍ​ສະ​ເພາະ​ແມ່ນ​ວຽກ​ງານ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ ຢູ່ ສປປ ລາວ.

​ໂອກາດ​ດຽວ​ກັນ​ນີ້ ພົຕ ສົມ​ແກ້ວ ສີ​ລາ​ວົງ ລັດຖະມົນຕີ ກະຊວງ ປກສ ​ໄດ້​ສະ​ແດງ​ຄວາມ​ຕ້ອນຮັບ​ຢ່າງ​ອົບ​ອຸ່ນ ​ແລະ ຕີ​ລາຄາ​ສູງ​ຕໍ່​ການ​ເຂົ້າ​ຢ້ຽມ ຂອງທ່ານ ​ເອກ​ອັກຄະ​ລັດ​ຖະທູດ ສະຫະພາບ​ເອີ​ຮົບ ປະຈຳ ສປປ ລາວ ພ້ອມ​ດ້ວຍ​ຄະນະ ​ໃນ​ຄັ້ງ​ນີ້​ເຊິ່ງ​ເປັນ​ການ​ປະກອບສ່ວນ​ອັນ​ສຳຄັ​ນ​ເຂົ້າ​ໃນ​ການ​ເພີ່ມ​ທະວີ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື ​ໃນ​ການ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ, ​ເພື່ອ​ພ້ອມ​ກັນຫາ​ທິດ​ທາງ​ການ​ຮ່ວມ​ມື​ໃນ​ຕໍ່ໜ້າ ​ເປັນ​ຕົ້ນ​ແມ່ນ​ການ​ແລກປ່ຽນ​ຄວາມ​ຄິດ​ເຫັນ​ກ່ຽວ​ກັບ​ການ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ ຕະຫຼອດ​ເຖິງ​ການ​ສ້າງ​ຂິດ​ຄວາມ​ສາມາດ​ໃຫ້​ແກ່​ເຈົ້າ​ໜ້າ​ທີ່​ບັນດາ​ປະ​ເທດ​ສະມາ​ຊິກ​ອາ​ຊຽນ ​ໃນ​ການ​ແກ້​ໄຂ​ບັນຫາ​ດັ່ງກ່າວ​ໃຫ້​ຫຼຸດ​ໜ້ອຍ​ຖອຍ​ລົງ​ເທື່ອ​ລະ​ກ້າວ.

Off

Comments are closed.