01st Aug2018

ຮອງລັດຖະມົນຕີ ກະຊວງ ປກສ ເຄື່ອນໄຫວຊີ້ນຳວຽກງານຢູ່ດ່ານສາກົນ ພູເກືອ

by somchan

ວັນທີ 31 ກໍລະກົດ 2018 ຜ່ານ ທ່ານ ສິນທະວົງ ໄຊຍະກອນ ກຳມະການສູນກາງພັກ ຮອງລັດຖະມົນຕີ ກະຊວງປ້ອງກັຄວາມສະຫງົບ ພ້ອມຄະນະໄດ້ເຄື່ອນໄຫວຊີ້ນຳວຽກງານວິຊາສະເພາະ ຢູ່ດ່ານ ຕຳຫຼວດກວດຄົນເຂົ້າ-ອອກເມືອງ ສາກົນພູເກືອ ເຊິ່ງຕັ້ງຢູ່ບ້ານພູເກືອ ເມືອງພູວົງ ແຂວງອັດຕະປື. ຕ້ອນຮັບໂດຍທ່່ານ ພັຕ ຕຸ່ນຄຳ ສຸດທະວົງ ຫົວໜ້າດ່ານ ຕຳຫຼວດກວດຄົນເຂົ້າ-ອອກເມືອງ ສາກົນພູເກືອ, ພ້ອມດ້ວຍຄະນະໃຫ້ການຕ້ອນຮັບຢ່າງອົບອຸ່ນ.

ທ່ານ ຫົວໜ້າດ່ານ ຕມ ສາກົນ ພູເກືອ ໄດ້ລາຍງານສະພາບການເຄື່ອນໄຫວວຽກງານພາຍໃນດ່ານໃຫ້ທ່່ານຮອງລັດຖະມົນຕີກະຊວງ ປກສ ໄດ້ຮັບຊາບ ເປັນຕົ້ນແມ່ນການເຄື່ອນໄຫວວຽກງານໃນໄລຍະ 6 ເດືອນທີ່ຜ່ານມາ ເຊິ່ງທ່ານໄດ້ກ່າວວ່າ: ໄດ້ສຸມໃສ່ເຮັດວຽກງານສຶກສາອົບຮົມການເມືອງແນວຄິດ ແນ່ໃສ່ເຮັດໃຫ້ພະນັກງານ-ນັກຮົບ ມີແນວຄິດອຸ່ນທ່ຽງທຸ່ນທ່ຽງເຊື້ອໝັ້ນຕໍ່ການຈັດຕັ້ງ ແລະ ເຮັດສຳເລັດໜ້າທີ່ການເມືອງຂອງຕົນ ຕາມຂັ້ນເທິງມອບໝາຍໃຫ້. ເຊິ່ງໃນ 6 ເດືອນຜ່ານມາ ມີຄົນເຂົ້າເມືອງທັງໝົດ39.285 ຄົນ, ຍິງ 8.075 ຄົນ ລວມມີ 47 ສັນຊາດ, ຄົນແຈ້ງອອກເມືອງ 38.338 ຄົນ ຍິງ 7.639 ຄົນ, ມີ 52 ສັນຊາດ, ລົດແຈ້ງອອກເມືອງ 8.403 ຄັນ, ມີ 3 ຊັນຊາດ.

ໂອກາດນີ້ ທ່ານຮອງລັດຖະມົນຕີກະຊວງ ປກສ ກໍ່ໄດ້ໂອ້ລົມ, ກ່ອນອື່ນ ທ່ານຮອງລັດຖະມົນຕີ ໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ, ພ້ອມທັງເໜັ້ນໜັກບາງບັນຫາ ເປັນຕົ້ນແມ່ນໃຫ້ສືບຕໍ່ ເພີ່ມທະວີສຶກສາອົບຮົມການເມືອງແນວຄິດຕໍ່ພະນັກງານ-ນັກຮົບ ແນ່ໃສ່ເຮັດໃຫ້ພະນັກງານທຸກຂະແໜງການມີການແນວຄິດອຸ່ນອ່ຽງທຸ່ນທ່ຽງ ກຽມພ້ອມເຮັດສຳເລັດໜ້າທີ່ການເມືອງຂອງຕົນ, ເຊີດຊູຄວາມຮັບຜິດຊອບຕໍ່ໜ້າທີ່ການເມືອງ ເພື່ອຍາດແຍ່ງເອົາຜົນງານໃຫມ່ ຍິ່ງໃຫຍ່ກວ່າເກົ່າ, ຮັກສາຄວາມສາມັກຄີ ພາຍໃນໃຫ້ແໜ້ນແຟ້ນ ແລະ ສືບຕໍ່ປະສານງານກັບພາກສ່ວນອື່ນ ໃຫ້ເລິກເຊີງເຖິງຖອງ, ເພື່ອສຸມໃສ່ເຮັດວຽກງານວິສາສະເພາະມີຜົນສຳເລັດ ຕາມເປົ້າໝາຍທີ່ວາງໄວ້.

Off

Comments are closed.