23rd Nov2017

ບັນຫາການຄ້າມະນຸດ ຢູ່ແຂວງຫຼວງນ້ຳທາ

by somchan

ພັທ ອຳ​ໄພ ສໍ​ສະຫວັນ​ແສງ ຮັກສາ​ການ​ຫົວໜ້າ​ຫ້ອງ​ຕຳຫຼວດ ປກສ ​ແຂວງ ຫຼວງ​ນ້ຳ​ທາ ​ໄດ້​ໃຫ້​ຮູ້​ວ່າ: ບັນຫາ​ການ​ຄ້າ​ມະນຸດ ຢູ່​ແຂວງ​ຫຼວງ​ນ້ຳ​ທາ ພົນ​ເດັ່ນ​ແມ່ນ​ຮູບ​ແບບ​ການ​ແຕ່ງງານ​ແອບ​ແຝງ, ນັບ​ແຕ່​ປີ 2015 ມາ​ເຖິງ​ປັດຈຸບັນ ຂະ​ບວນການ​ແຕ່ງງານ​ຂອງ​ຊາວ​ໜຸ່ມ ສປ ຈີນ ​ແລະ ຍິງ​ສາວ​ລາວ. ​ແມ່ນ​ປະກົດ​ການ​​ເດັ່ນທີ່​ສຸດ​ດ້ວຍ​ຮູບ​ລັກສະນະ​ມີ​ການ​ໜັ້ນໝາຍ, ​ໂດຍ​ຜ່ານ​ຄົນ​ລາວ ​ແລະ ຄົນ​ຈີນ​ຈຳນວນ​ໜຶ່ງ​ທີ່​ເຮັດ​ທຸລະ​ກິດ​ຢູ່​ລາວ ​ແລະ ຄົນ​ລາວ​ຢູ່​ປະ​ເທດ​ຈີນ ​ໃນ​ການ​ຕິດ​ຕໍ່​ພົວພັນ​ແຕ່ງງານ ຫຼື ​ເຮັດ​ຮີດຄອງ​ດ້ວຍ​ການ​ເອີ້ນ​ເຖົ້າ​​ແກ່ແນວ​ໂຮມບ້ານ​ເຂົ້າ​ຮ່ວມ ​ເພື່ອ​ເປັນ​ສັກຂີ​ພະຍານ ຫຼັງ​ຈາກ​ມອບ​ເງີ​ນຄ່າ​ດອງ​ແລ້ວ​ກໍ​ພ​ຍິງ​ສາວ​ລາວ ​ໄປ​ປະ​ເທດ​ຈີນ ​ໂດຍ​ບໍ່​ມີ​ເອກະສານ​ຖືກຕ້ອງ ​ແລະ ​ໃນ​ບາງ​ກໍລະນີ ​ແມ່ນ​ບໍ່​ໄດ້​ຄ່າ​ດອງ​ ພຽງ​ແຕ່​ລົມ​ກັນ​ປາກ​ເປົ່າ​ກໍ​ພາ​ຍິງ​ລາວ​ໄປ​ປະ​ເທດ​ຈີນ, ພາຍຫຼັງ​ຄູ່​ບ່າວ​ສາວ ອາ​ໃສ​ຢູ່​ປະ​ເທດ​ຈີນ ບາງ​ຄົນ​ກໍ່​ຖືກ​ກັກ​ຂັງ, ຖືກ​ຂູດ​ຮີດ​ແຮງ​ງານ ຂາຍ​ຕໍ່​ໃຫ້​ບຸກຄົນ​ອື່ນ, ​ເຊິ່ງຫຼາຍ​ກໍລະນີ​ຖືກ​ນາບ​ຂູ່, ທຳຮ້າຍ​ຮ່າງກາຍ ​ແລະ ຢືດໜັງສືຜ່ານ​ແດນ, ຕໍ່​ກັບ​ບັນຫາ​ນີ້ ຜ່ານ​ມາ​ໄດ້​ເຮັດ​ໃຫ້​ພໍ່​ແມ່ ຍາດ​ພີ່ນ້ອງ​ຜູ້​ຖືກ​ເສຍ​ຫາຍ ຮ້ອງ​ຂໍ​ຄວາມ​ຊ່ວຍ​ເຫຼືອ​ຈາກ​ນາຍ​ໜ້າ​ຜູ້​ພາ​ໄປ ​ແລະ ​ເຂົ້າ​ຊ່ວຍ​ເຫຼືອ​ດ້ວຍ​ຕົນ​ເອງ​ທັງ​ທີ່​ບໍ່​ຮູ້​ພື້ນ​ທີ່ ​ແລະ ພາສາ ບາງ​ກໍລະນີ​ກໍ​ເອົາ​ເງີ​ນຈ້າງ​ຜູ້​ພາ​ໄປ​ໃນ​ທີ່​ສຸດ​ກໍ​ຖືກ​ສໍ້ໂກງ ຮ້າຍ​ແນຮງກວ່າ​ນັ້ນ ກໍ​ຖືກ​ກັກ​ຂັງ, ນາບ​ຂູ່ ​ໂດຍ​ໃຫ້​ເອົາ​ເງີ​ນຄ່າ​ດອງ​ມາ​ສົ່ງ​ຄືນ​ແລ້ວ​ຈຶ່ງ​ຈະ​ປ່ອຍ​ຕົວ​ກັບ​ຄືນ​ປະ​ເທດ​ລາວ. ​ໃນ​ການ​ສະກັດ​ກັ້ນ ​ແລະ ​ແກ້​ໄຂ​ບັນຫາ​ການ​ຄ້າ​ມະນຸດ ຜ່ານ​ມາກ​ອງບັນຊາ​ກາ​ນ ປກສ ​ແຂວງ​ຫຼວງ​ນ້ຳ​ທາ ​​ໄດ້​ສຸມ​ໃສ່​ໃນ​ການ​ປະສານ​ງານ​ສົມທົບ​ກັບ ກົມ​ຕຳຫຼວດ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ ​ແລະ ບັນດາ​ແຂວງ​ໃນ​ທົ່ວ​ປະ​ເທດ ​ໃນ​ການ​ປຶກສາ​ຫາລື​ກັບ​ພາກສ່ວນ​ກ່ຽວຂ້ອງ​ເພື່ອ​ຊອກ​ຫາ​ວິທີ​ແກ້​ໄຂ. ພ້ອມ​ທັງ​ຊີ້​ນຳໆ​ພາ​ພະນັກງານ-​ນັກຮົບ ​ເຄື່ອນ​ໄຫວ​ລົງ​​ໂຄສະນາ​ເຜີຍ​ແຜ່​ຜົນ​ຮ້າຍ ​ແລະ ​ໄພ​ອັນຕະລາຍ​ທີ່​ເກີດ​ຈາກ​ການ​ຄ້າ​ມະນຸດ ຢູ່​ບັນດາ​ບ້ານ​ທີ່​ລຽບ​ຕາມ​ຊາຍ​ແດນ ​ແລະ ບ້ານ​ທີ່​ມີ​ແລວ​ລົດ​ໄຟ​ຜ່ານ ນອກຈາກ​ນັ້ນ​ຍັງ​ໄດ້ ຈັດ​ຕັ້ງ​ພະນັກງານ-​ນັກຮົບ ລົງ​ປະຈຳ​ຢູ່​ແຕ່​ລະ​ດ່ານ ​ເພື່ອ​ຕິດຕາມ​ກວດກາ, ກຸ່ມ​ເປົ້າ​ໝາຍ​ທີ່​ອາດ​ຕົກ​ເປັນ​ເຫຍື່ອ​ຂອງ​ຂະ​ບວນການ​ຄ້າ​ມະນຸດ, ຜ່ານ​ການຈັດ​ຕັ້ງ​ປະຕິບັດ​ວຽກ​ງານ​ຕົວ​ຈິງ ສາມາດ​ພົບ​​ເຫັນເປົ້າ​ໝາຍ ​ແລະ ກຸ່ມ​ຄົນ​ຈຳນວນ​ໜຶ່ງ​ທີ່​ມີ​ການ​ເຄື່ອນ​ໄຫວ​ທີ່​ບໍ່​ຖືກຕ້ອງ ​ໂດຍ​ໄດ້​ມີ​ການ​ສຶກສາ​ອົບຮົມ ​ແລະ ດຳ​ເນີນ​ຄະດີ​ຕໍ່​ຜູ້​ທີ່​ກະທຳ​ຜິດ. ກອງ​ບັນຊາ​ການ ປກສ ​ແຂວງ​ຫຼວງ​ນ້ຳ​ທາ ​ໄດ້​ປະສານ​ສົມທົບ​ກັບ​ຕຳຫຼວດ​ເມືອງ​ຫຼາ ​ແຂວງ​ຢຸນນານ ສປ ຈີນ ​ເພື່ອ​ແລກປ່ຽນ​ຂໍ້​ມູນ​ຂ່າວສານ ​ແລະ ​ໃຫ້ການ​ຊ່ວຍ​ເຫຼືອ​ຜູ້​ເຄາະ​ຮ້າຍ. ຜ່ານ​ການ​ປະສານ​ງານ​ກັບ​ເຈົ້າ​ໜ້າ​ທີ່ ສປ ຈີນ ຈຳນວນ 12 ຄັ້ງ ສາມາດ​ຊ່ວຍ​ເຫຼືອ​ຜູ້ຍິງ​ທີ່​ຖືກ​ເຄາະ​ຮ້າຍ​ທັງ​ໝົດ 69 ຄົນ ​ແລະ ອື່ນໆ

 

Off

Comments are closed.