31st Jul2019

ບໍລິສັດຫອມສົມບັດມອບລົດຈັກ 10 ຄັນ ໃຫ້ກອງບັນຊາການປ້ອງກັນທີ່ຕັ້ງ

by somchan

ໃນວັນທີ່ 30 ກໍລະກົດນີ້ ບໍລິສັດ ຫອມສົມບັດກໍ່ສ້າງ ໄດ້ມອບລົດຈັກຈຳນວນ 10 ຄັນ ມູນຄ່າ 65 ລ້ານກີບ ໃຫ້ກອງບັນຊາການປ້ອງກັນທີ່ຕັ້ງ ກະຊວງປ້ອງກັນຄວາມສະຫງົບ ໂດຍຊ້ອງໜ້າ ພົທ ວິໄລ ຫຼ້າຄຳຟອງ ລັດຖະມົນຕີກະຊວງ ປ້ອງກັນຄວາມສະຫົງບ, ມອບໂດຍ ທ່ານ ວັນຊະນະ ຫອມສົມບັດ ປະທານບໍລິສັດຫອມສົມບັດກ່ໍສ້າງ, ຕາງໜ້າຮັບໂດຍ ພັອ ໄຊສີ ແກ້ວສະຫ່ງາ ຮອງຫົວໜ້າກອງບັນຊາການປ້ອງກັນທີ່ຕັ້ງ.

ໂອກາດນີ້ ພັອ ໄຊສີ ແກ້ວສະຫ່ງາ ໄດ້ສະແດງຄວາມຂອບໃຈມາຍັງບໍລິສັດທີ່ໄດ້ໃຫ້ການອຸປະຖຳຊ່ວຍເຫຼືອໃນຄັ້ງນີ້ ແລະຈະນຳເອົາພາຫະນະດັ່ງກ່າວໝູນໃຊ້ເຂົ້າໃນວຽກງານວິຊາສະເພາະໃຫ້ເກີດປະໂຫຍດສູງສຸດ ຕາມເງື່ອນໄຂ ແລະສະພາບແວດລ້ອມຕົວຈິງ.

ພ້ອມດຽວກັນນີ້ ໃນວັນທີ່ 29 ກໍລະກົດ 2019 ນີ້ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ໄດ້ຕາງໜ້າກະຊວງປ້ອງກັນຄວາມສະຫງົບ ຮັບເຄື່ອງອຸປະຖຳບໍລິສັດ ກຸັມຄຳໄພຊະນະ, ເຊີ່ງເຄື່ອງທີນຳມາມອບໃນຄັ້ງນີ້ ມີຄອມພີວເຕີຕັ້ງໂຕະ 15 ຊຸດ, ປີ່ນເຕີ 15 ຊຸດ, ລວມມູນຄ່າ 65 ລ້ານກີບ, ມອບໂດຍທ່ານ ຄຳໄພ ສົມຊະນະ ປະທານບໍລິສັດ ກຸັມຄຳໄພຊະນະ ໃນໂອກາດນີ້ ທ່ານ ຮອງລັດຖະມົນຕີກໍ່ໄດ້ຕາງໜ້າໃຫ້ກຳລັງປ້ອງກັນຄວາມສະຫງົບ ກ່າວສະແດງຄວາມຂອບໃຈ ຕໍ່ບໍລິສັດ ກຸັມຄຳໄພຊະນະ ທີໄດ້ເຫັນຄວາມສຳຄັນຂອງວຽກງານ ປ້ອງກັນຄວາມສະຫງົບ ຈື່ງໄດ້ນຳເອົາເຄື່ອງດັ່ງກ່າວມາມອບໃຫ້ ແລະ ເຄື່ອງຈຳນວນດັ່ງກ່າວນີ້ ແມ່ນຈະນຳໄປໝູນໃຊ້ເຂົ້າໃນວຽກງານວິຊາສະເພາະ ໃນຂະແໜງການຕ່າງໆຂອງກຳລັງປ້ອງກັນຄວາມສະຫງົບ ໃຫ້ມີຜົນສຳເລັດ.

Off

Comments are closed.