13th Mar2019

ບໍລິສັດຫົວເຫວີຍເຕັກໂນໂລຊີລາວຈຳກັດຜູ້ດຽວ ໄດ້ມອບເຄື່ອງອຸປະກອນສື່ສານ ໃຫ້ກະຊວງ ປກສ

by somchan

ວັນທີ 11 ມີນາ 2019 ພົທ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ ໄດ້ຕາງໜ້າໃຫ້ກະຊວງ ປກສ ຮັບເຄື່ອງຈັກ ແລະ ອຸປະກອນການສື່ສານເຄື່ອນທີ່ ໂດຍແມ່ນບໍລິສັດຫົວເຫວີຍເຕັກໂນໂລຊີລາວຈຳກັດ ນຳມາມອບ ເພື່ອຮັບໃຊ້ວຽກງານວິຊາສະເພາະໃຫ້ແກ່ ກະຊວງປ້ອງກັນຄວາມສະຫງົບ ເຊິ່ງປະກອບມີເຄື່ອງ ເຄືອຂ່າຍສັນຍານ 5 ຊຸດ, ໂຟນີ 30 ຊຸດ, ກ້ອງບູເລັດຟິກ 2 ຊຸດ, ລະບົບສື່ສານສຸກເສີມ 1 ຊຸດ, ກ້ອງສະປິດໂດມ 3 ຊຸດ, ເຄື່ອງໂຟນີຕິດລົດ 5 ຊຸດ ລວມມູນຄ່າ ເກົ້າແສນສອງໜື່ນຫົກພັນກວ່າ ໂດລາ ຫຼື ປະມານ 7 ຕື້ກວ່າກີບ ໃຫ້ກຽດມອບໂດຍ ທ່ານ ວາງສີ ປະທານ ບໍລິສັດຫົວເຫວີຍເຕັກໂນໂລຊີລາວຈຳກັດຜູ້ດຽວ.

ໂອກາດດຽວກັນນີ້ ທ່ານລັດຖະມົນຕີ ກະຊວງປ້ອງກັນຄວາມສະຫງົບ ກໍ່ໄດ້ສະແດງຄວາມຂອບໃຈ ຕໍ່ປະທານ ບໍລິສັດຫົວເຫວີຍເຕັກໂນໂລຊີລາວຈຳກັດຜູ້ດຽວ ທີ່ໄດ້ໃຫ້ການອຸປະຖຳໃນຄັ້ງນີ້ ແລະ ຈຳນຳໃຊ້ເຄື່ອງທີ່ໄດ້ຮັບໃນຄັ້ງນີ້ ປະກອບສວ່ນເຂົ້າໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະຢູ່ ກະຊວງປ້ອງກັນຄວາມສະຫງົບ ໃຫ້ໄດ້ຮັບໝາກຜົນສູງສຸດ.

ແລະ ວັນດຽວກັນນີ້ ຄອບຄົວ ພັຕ ບຸນແອດ ຊູບົວຈັນ ຍັງໄດ້ມອບເຄື່ອງກິລາ ມູນຄ່າ ໜຶ່ງລ້ານກວ່າກີບ ແລະ ທ່ານ ສິງຄຳ ພິລາວົງ ໄດ້ມອບເຄື່ອງກິລາ 30 ຊຸດ ລວມມູນຄ່າ ໜຶ່ງລ້ານກວ່າກີບ ໃຫ້ກົມໃຫ່ຍການເມືອງ ປ້ອງກັນຄວາມສະຫງົບ ເພື່ອຊຸກຍູ້ໃຫ້ນັກກິລາ ກົມໃຫ່ຍການເມືອງ ປ້ອງກັນຄວາມສະຫງົບ ໃນການແຂ່ງຂັນກິລາ ເພື່ອຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ທີ່ຈະໜູນວຽນມາຄົບຮອບ 58 ປີ ໃນມໍ່ໆນີ້ ໃຫ້ເປັນຂະບວນການຟົດຟື້ນ.

ໂອກາດນີ້ ພັອ ສີພັນດອນ ຫວ່າງບົວຊົງ ຫົວໜ້າຄະນະບັນນາທິການຂ່າວສານ ປກສ ທັງເປັນຫົວໜ້າອະນຸກຳມະການເສດຖະກິດ ເພື່ອຮັບໃຊ້ໃຫ້ແກ່ການສ້າງຂະບວນການແຂ່ງຂັນກິລາອ້ອມຂ້າງ ກົມໃຫ່ຍການເມືອງ ປ້ອງກັນຄວາມສະຫງົບ ໄດ້ສະແດງຄວາມຂອບໃຈ ຕໍ່ຜູ້ທີ່ໄດ້ໃຫ້ການອຸປະຖຳຊຸກຍູ້ໃນຄັ້ງນີ້ ແລະ ຈະນຳເອົາເຄື່ອງທີ່ນຳມາມອບໃນຄັ້ງນີ້ ໄປປະກອບສ່ວນນຳໃຊ້ເຂົ້າໃນກິດຈະກຳແຂ່ງຂັນກິລາໃຫ້ໄດ້ຮັບໝາກຜົນ.

Off

Comments are closed.