09th Aug2019

ປກສ ລາວ-ຈີນ ຈະເສີມຂະຫຍາຍສາຍ ພົວພັນທີ່ດີຕໍ່ກັນຕາມທິດ 4 ດີ

by somchan

ລະຫວ່າງວັນທີ 05,08,2019 ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ ນະຄອນຫຼວງປັກກີງ ສປ ຈີນ ຢ່າງເປັນທາງການ ເພື່ອເພີມທະວີຄວາມຮັກແພງສາມັກຄີ ຄວາມໄວ້ເນື້ອເຊື່ອໃຈເຊີ່ງກັນ ແລະ ກັນ ໃຫ້ເລີກເຊີ່ງຂື້ນກວ່າເກົ່າ ທັງເປັນການເສີມຂະຫຍາຍ ສາຍພົວພັນຕາມທິດ 4 ດີ ຄື: ບ້ານໃກ້ເຮືອນຄຽງທີດີ, ສະຫາຍທີດີ ແລະ ຄູ່ຮ່ວມມືທີດີ, ໂດຍໄດ້ຮັບການຕ້ອນຮ້ບຈາກທ່ານ ຈ້າວເຄີ້ຈື້ ທີປືກສາແຫ່ງລັດ, ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປ ຈີນ ພ້ອມຄະນະ.

ໂອກາດດັ່ງກ່າວ ລັດຖະມົນຕີທັງສອງກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ສປ ຈີນ ໄດ້ມີການພົບປະກັນ ແລກປ່ຽນບົດຮຽນເຊີ່ງກັນ ແລະ ກັນ ຕີລາຄາຄືນກ່ຽວກັບການປະຕິບັດອານຸສັນຍາຮ່ວມມື ລະຫວ່າງສອງກະຊວງໃນປີ 2018 ທີທັງສອງຝ່າຍໄດ້ມີຄວາມພະຍາຍາມສູງ ໃນການຈັດຕັ້ງປະຕິບັດໃຫ້ມີໝາກຜົນທີ່ໜ້າພາກພູມໃຈກົນໄກການປະຕິບັດ ໄດ້ມີຄວາມກົມກຽວກັນ, ມີການປະສານສົມທົບກັນແໜ້ນແຟ້ນ ແລະ ມີປະສິດທິຜົນດີ, ບົນຈິດໃຈຄວາມສາມັກຄີ ແລະ ສາຍພົວພັນຮ່ວມມື ຍຸດທະສາດຮອບດ້ານລະຫວ່າງສອງຊາດ, ສອງກຳລັງ ປກສ ລາວ-ຈີນ ອັນແທ້ຈີງ, ທັງເປັນການສືບຕໍ່ເສີມຂະຫຍາຍສາຍພົວພັນທີ່ເປັນມູນເຊື້ອ ແລະ ຄູ່ຮ່ວມມືແບບຄູ່ຮ່ວມຍຸດທະສາດຮອບດ້ານ.

ພ້ອມດຽວກັນນີ້ ເພື່ອເປັນການສືບຕໍ່ເສີມຂະຫຍາຍສາຍພົວພັນຕາມທິດ 4 ດີ ໃຫ້ມີຜົນສຳເລັດ ທັງສອງຝ່າຍໄດ້ຄົ້ນຄ້ວາປືກສາຫາລືກ່ຽວກັບການຮ່ວມມືຊ່ວຍເຫຼືອເຊີ່ງກັນແລະກັນໃນຕໍ່ໜ້າເປັນຕົ້ນແມ່ນການຊ່ວຍເຫຼືອບຳລຸງ-ກໍ່ສ້າງພະນັກງານວິຊາສະເພາະເພີມທະວີໃນການແລກປ່ຽນຂໍ້ມູນຂ່າວສານທີ່ກ່ຽວຂ້ອງເຖີງຄວາມສະຫງົບທາງດ້ານການເມືອງ-ຄວາມເປັນລະບຽບຮຍບຮ້ອຍທາງດ້ານສັງຄົມ, ການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຕາມບໍລິເວນຊາຍແດນ ຮ່ວມຂອງສອງປະເທດ, ມີມາດຕະການຕິດຕາມ, ກວດກາດ່ານຊາຍແດນ, ສະກັກກັ້ນແລະແກ້ໄຂບັນຫາຄ້າຂາຍເຖື່ອນ, ບັນຫາຢາເສບຕິດ, ອາດສະຍາກຳທາງຄອມພີວເຕີ, ການໂຈລະກຳຂໍ້ມູນ, ເພີມທະວີການປືກສາຫາລື, ເພື່ອມີມາດຕະການຕົວຈິງຮ່ວມໃນການແກ້ໄຂບັນຫາ,ການເຄື່ອນຍ້າຍພົນລະເມືອງຂ້າມຊາຍແດນແລະ ເຂົ້າອອກເມືອງແບບບໍ່ຖືກຕ້ອງ ເປັນຕົ້ນແມ່ນການຕົວະຍົວະຍີງສາວ ໃຫ້ໄປຂາຍແຮງງານແລະກົນອຸບາຍການຄ້າມະນຸດດ້ວຍຮູບການຕ່າງໆ, ຊຸກຍູ້ໃຫ້ບັນດາກອງບັນຊາການ ປກສ ແຂວງທີມີຊາຍແດນຕິດຈອດແລະແຂວງດວກສ່ຽວແລກປ່ຽນສະພາບນຳກັນເປັນປົກກະຕິແລະຖືກຕ້ອງຕາມລະບຽບການທີ່ທັງສອງຝ່າຍໄດ້ກຳນົດເພື່ອພ້ອມກັນສະກັດກັ້ນບັນຫາອາສະຍາກຳຕ່າງໆຮັບປະກັນໃຫ້ສອງປະເທດລາວ-ຈີນ ມີຄວາມສະຫງົບທາງດ້ານການເມືອງ ແລະ ມີຄວາມເປັນລະບຽບຮຽບຮ້ອຍທາງດ້ານສັງຄົມ ປະຊາຊົນໄປມາຫາສູ່ກັນໄດ້ຢ່າງສະດວກສະບາຍ.

ໃນໂອກາດຢ້ຽມຢາມ ສປ ຈີນ ສະຫາຍລັດຖະມົນຕີກະຊວງ ປກສ ພ້ອມດ້ວຍຄະນະ ຍັງໄດ້ໄປທັດສະນະສະຖານທີ່ທ່ອງທ່ຽວທີ່ສຳຄັນທາງປະຫວັດສາດຂອງ ສປ ຈີນ ຈາກນັ້ນກໍ່ໄດ້ເດີນທາງກັບປະເທດດ້ວຍຄວາມສະຫວັດດີພາບ ເຊີ່ງພິທີຕ້ອນຮັບຢ່າງເປັນທາງການທີ່ສະໝາມບີນສາກົນວັດໄຕ ໃນວັນທີ 8 ສີງຫາ 2019 ໃຫ້ການຕ້ອນຮັບໂດຍທ່ານ ວຽງຈາຍຕົງ ເອກອັກຄະລັດຖະທູດວິສາມັນຜູ້ມີອຳນາດເຕ້ມແຫ່ງ ສປ ຈີນ ປະຈຳ ສປປ ລາວ ພ້ອມຄະນະ

 

Off

Comments are closed.