14th Nov2019

ປກສ ນວ ປະກາດການຈັດຕັ້ງຂັ້ນຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ ແລະ ປກສ 9 ຕົວເມືອງ

by somchan

ໃນວັນທີ 13 ພະຈິກ 2019 ກອງບັນຊາການ ປກສ ນວ ໄດ້ຈັດພິທີປະກາດໂຍກຍ້າຍ ແລະ ແຕ່ງຕັ້ງນາຍຕຳຫຼວດ ຂັ້ນຮອງຫົວໜ້າກອງບັນຊາການ ແລະ ພະນັກງານຂັ້ນບັນຊາຂອງຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ ແລະ ປກສ 9 ຕົວເມືອງ ໂດຍການເປັນປະທານຂອງ ພົຕ ວັນທອງ ກອງມະນີ ຄະນະປະຈຳພັກກະຊວງ ຫົວໜ້າກົມໃຫ່ຍການເມືອງ ກະຊວງ ປກສ, ມີບັນດາຫົວໜ້າ ແລະ ຄະນະຫ້ອງກອງບັນຊາການ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ ແລະ ປກສ 9 ຕົວເມືອງ, ມີການນຳ ນະຄອນຫຼວງວຽງຈັນ, ເຈົ້າເມືອງ, ຮອງເຈົ້າເມືອງ, ທະຫານນະຄອນຫຼວງ, ຫົວໜ້າ ປກສ ກຸ່ມບ້ານເຂົ້າຮ່ວມ.

ພັທ ຄອນສະຫວັນ ສົມພາໄຊ ຫົວໜ້າກົມຈັດຕັ້ງພະນັກງານ ກົມໃຫ່ຍການເມືອງ ກະຊວງ ປກສ ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງ ປກສ ວ່າດ້ວຍການແຕ່ງຕັ້ງນາຍຕຳຫຼວດ ທີ່ຂື້ນກັບກອງບັນຊາການ ປກສ ນະຄອນຫຼວງວຽງຈັນ; ໃນນີ້ໄດ້ແຕ່ງຕັ້ງ ພັອ ພິມມະສອນ ທຳມະວົງ ເປັນຮອງຫົວໜ້າ ກອງບັນຊາການ ປກສ ນວ, ຂໍ້ຕົກລົງວ່າດ້ວຍການແຕ່ງຕັ້ງໂຍກຍ້າຍນາຍຕຳຫຼວດ ທີ່ຂື້ນກັບກອງບັນຊາການ ປກສ ນວ ໄປຮັບໜ້າທີ່ໃໝ່ ເປັນຫົວໜ້າ ແລະ ຮອງຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ, ກອງບັນຊາການ ປກສ 9 ຕົວເມືອງ; ໃນນັ້ນແຕ່ງຕັ້ງ ພັທ ສົມພຽງ ສຸກປະເສີດ ເປັນຫົວໜ້າຫ້ອງການກອງບັນຊາການ ປກສ ນວ, ພັທ ສີທາ ແກ້ວພິທູນ, ພັທ ແສງທອງ ສີຫາມົນຕີ ແລະ ພັທ ບຸນລັບ ໄຊຍະວົງ ເປັນຮອງຫົວໜ້າຫ້ອງການ, ແຕ່ງຕັ້ງ ພັທ ນາງ ບົວລະພາ ທິລະສັກ ເປັນຫົວໜ້າຫ້ອງການເມືອງ; ແຕ່ງຕັ້ງ ພັທ ສັງວານ ຂ່າວປະເສີດ ເປັນຫົວໜ້າຫ້ອງສັນຕິບານ, ພັທ ບຸນຍົງ ສີບຸນເຮືອງ ແລະ ພັທ ຄຳປັກ ລາດຊະວົງສາ ເປັນຮອງ; ແຕ່ງຕັ້ງ ພັັທ ສຸລິວັນ ລາດສະວົງ ເປັນຫົວໜ້າຫ້ອງຕຳຫຼວດ, ພັທ ກົງ ຄະນະລັງສຸກ, ພັທ ວິລະສອນ ພິໄຂຄຳ, ພັທ ຈັນທະບູນ ມະນີວົງ ແລະ ພັັທ ທັດສະພົງ ຫວັນມະນີຈັນ ເປັນຮອງ; ແຕ່ງຕັ້ງ ພັທ ຢຸດຕະພົງ ສຸວັນນະສິງ ເປັນຮອງຫົວໜ້າຫ້ອງພະລາທິການ; ແຕ່ງຕັ້ງ ພັທ ເຂັມພອນ ນາມວົງສາ ເປັນຫົວໜ້າຫ້ອງ 504, ພັທ ອຸໄທ ພິມມະສອນ ເປັນຮອງ; ແຕ່ງຕັ້ງ ພັທ ເສີມໃສ ປິຍະວົງ ເປັນຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ພັທ ໂທຄຳ ໄຊບຸນເຮືອງ, ພັທ ຊຽງພັນ ອິນທະປັນຍາ ແລະ ພັທ ສະເຫວີຍ ສິງຄະບັນດິດ ເປັນຮອງ; ແຕ່ງຕັ້ງ ພັທ ບຸນຖົມ ແກ້ວມະນີວົງ ເປັນຫົວໜ້າກອງພັນປ້ອງກັນເຄື່ອນທີ່ ແລະ ພັຕ ຖ່າຍທອດ ໄຊນະພາ ເປັນຮອງ; ແຕ່ງຕັ້ງ ພັທ ຄຳເຜີຍ ພິມພິສາ ເປັນຫົວໜ້າຄ້າຍຄຸມຂັງ-ດັດສ້າງ; ແຕ່ງຕັ້ງ ພັທ ຄຳໜອກ ພົມມະວົງສາ ເປັນຫົວໜ້າ ປກສ ເມືອງຈັນທະບູລີ, ພັທ ສັງທອງ ພັນວົງສາ, ພັທ ຄຳໄຊ ສີສົມສຸກ ເປັນຮອງ; ແຕ່ງຕັ້ງ ພັທ ສີເພັດ ພິມມະສອນ ເປັນຫົວໜ້າ ປກສ ເມືອງໄຊເຊດຖາ ແລະ ພັທ ສາລິກາ ເພັດມະນີ ເປັນຮອງ; ແຕ່ງຕັ້ງ ພັທ ຄຳຝັ່ງ ເຄືອບພະພອນ ເປັນຫົວໜ້າ ປກສ ເມືອງສີສັດຕະນາກ, ພັທ ບຸນສົງ ດາລາແສນ, ພັທ ບຸນສອນ ພັນທະວົງ ແລະ ພັທ ອິນປັນ ຫາດາວເຮືອງ ເປັນຮອງ; ແຕ່ງຕັ້ງ ພັທ ຄຳຫຼ້າ ພົມມະສານ ເປັນຫົວໜ້າ ປກສ ເມືອງສີໂຄດຕະບອງ, ພັທ ໂຈມມະນີ ແປງບຸນດີ ແລະ ພັທ ສອນເພັດ ພິຈິດ ເປັນຮອງ; ແຕ່ງຕັ້ງ ພັທ ລຳພອນ ສີສົມບັດ ເປັນຫົວໜ້າ ປກສ ເມືອງນາຊາຍທອງ, ພັທ ບຸນສົງ ມຸນຕີ ແລະ ພັຕ ບຸນກອງ ພົມມະວົງສາ ເປັນຮອງ; ແຕ່ງຕັ້ງ ພັທ ແສງທອງ ເກື້ອບຸນລຳ ເປັນຫົວໜ້າ ປກສ ເມືອງຫາດຊາຍຟອງ ແລະ ພັທ ວຽງທອງ ຜາງພິລາວົງ ເປັນຮອງ; ແຕ່ງຕັ້ງ ພັທ ສົມພອນ ວົງສາ ເປັນຫົວໜ້າ ປກສ ເມືອງໄຊທານີ ແລະ ພັທ ສົມຫວັງ ທອງປະດິດ ເປັນຮອງ; ແຕ່ງຕັ້ງ ພັທ ຄຳຜາຍ ທຳມະວົງຄຳ ແລະ ພັທ ອາທອນ ລິດປັນຍາ ເປັນຮອງ ປກສ ເມືອງປາກງື່ມ; ແຕ່ງຕັ້ງ ພັທ ສຸລິວັນ ແກ້ວມະນີວົງ ແລະ ພັທ ພອນສີ ພັນທະວົງ ເປັນຮອງ ປກສ ເມືອງສັງທອງ; ສ່ວນຫົວໜ້າ ແລະ ຮອງມີຢູ່ແລ້ວແມ່ນຮັກສາໄວ້ຄືເກົ່າ.

ໃນໂອກາດນີ້ ພົຕ ວັນທອງ ກອງມະນີ ຄະນະປະຈຳພັກກະຊວງ ຫົວໜ້າກົມໃຫ່ຍການເມືອງ ປກສ ໄດ້ກ່າວວ່າ: ໂດຍອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃຫ້ມີຄວາມໜັກແໜ້ນທາງດ້ານແນວຄິດ, ມີຄວາມເຂັ້ມແຂງທາງດ້ານການຈັດຕັ້ງ ແລະ ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ແລະ ເພື່ອເປັນການສ້າງສາພັດທະນາປະເທດຊາດມີຄວາມສະຫງົບ-ປອດໄພ ແລະ ມີຄວາມເປັນລະບຽບຮຽບຮ້ອຍ, ບັນດາສະຫາຍທີ່ຖືກໂຍກຍ້າຍ ແລະ ຖືກແຕ່ງຕັ້ງ ຈົ່ງພ້ອມກັນສືບຕໍ່ເອົາໃຈໃສ່ປະຕິບັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ມີຜົນສຳເລັດ.

Off

Comments are closed.