11th Oct2018

ປກສ ນະຄອນຫຼວງວຽງຈັນ ໃຫ້ສຳພາດ ເນື່ອງໃນໂອກາດ ວັນແຫ່ງຊາດ ຕ້ານຢາເສບຕິດ ຄົບຮອບ 17 ປີ

by somchan

ພົຈວ ບຸບຜາ ສີພົມມາ ຄະນະປະຈຳພັກ ຫົວໜ້າກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ໃຫ້ສຳພາດ ເນື່ອງໃນໂອກາດວັນແຫ່ງຊາດຕ້ານຢາເສບຕິດ ຄົບຮອບ 17 ປີ ຄື: ວັນທີ 12 ຕຸລາ 2001 – 12 ຕຸລາ 2018 ເຊິ່ງໄດ້ກ່າວ່າ ຕະຫຼອດໄລຍະ 1 ປີ ຜ່ານມາຄະນະກອງບັນຊາການ ປກສ ນະຄອນຫຼວງວຽງຈັນ ໄດ້ເອົາໃຈໃສ່ຕໍ່ວຽກງານຕ້ານສະກັດກັ້ນ ແລະ ແກ້ໄຂບັນຫາຢາເສບຕິດ ໂດຍສະເພາະໄດ້ເອົາໃຈໃສ່ ປະສານສົມທົບ ແໜ້ນກັບພາກສ່ວນທີ່ກ່ຽວຂ້ອງ ໃນການລົງເຄື່ອນໄຫວໂຄສະນາເຜີຍແຜ່ໃຫ້ບັນດາບ້ານ, ໂຮງຮຽນ, ໂຮງຈັກ, ໂຮງງານແຫ່ງຕ່າງໆ ເພື່ອປູກຈິດສຳນຶກໃຫ້ທຸກຄົນໃນສັງຄົມໄດ້ຮັບຮູ້ ແລະ ເຂົ້າໃຈຕໍ່ກົດໝາຍ ແລະ ເຫັນໄດ້ເຖິງຜົນຮ້າຍອັນຕະລາຍຂອງຢາເສບຕິດ ຜ່ານການລົງເຮັດວຽກງານຕົວຈິງເຫັນໄດ້ວ່າ ປະຊາຊົນສ່ວນຫຼວງຫຼາຍ ແມ່ນໄດ້ເປັນເຈົ້າການປະກອບສ່ວນຢ່າງຕັ້ງໜ້າ ເຂົ້າໃນວຽກງານ ຕ້ານສະກັດກັ້ນບັນຫາ ຢາເສບຕິດ ສະແດງອອກໃນ 1 ປີ ກອງບັນຊາການ ປກສ ນະຄອນຫຼວງວຽງຈັນ ສາມາດມ້າງລາຍຄະດີຢາເສບຕິດໄດ້ 759 ລາຍ, ກັກຜູ້ກະທຳຜິດໄດ້ 1 ພັນກວ່າຄົນ, ຢຶດຢາບ້າໄດ້ 5 ແສນກວ່າເມັດ, ຢາໄອ 199 ກິໂລກະລາມ, ເຮໂລອິນ 4 ແທ່ງ, ກັນຊາ 76 ແທ່ງ ພ້ອມລົດໃຫ່ຍ 13 ຄັນ, ລົດຈັກ 17 ຄັນ.

 

Off

Comments are closed.